The Story of England by Robert Manning of Brunne, A.D. 1338. Edited from mss. at Lambeth Palace and the Inner Temple, by Frederick J. Furnivall |
Diuisio regni. |
The Story of England | ||
Diuisio regni.
Þat tyme in Scotlond regned Stater;In Logers was þe kyng Pyncer;
Rudak was kyng of Walsche men;
& Cornewaille had þe duk Cloten.
Cloten of kynde was next of alle
To wham þe heritage sholde falle;
Bot for þe oþer were most of myght,
Þey gaf nought of al his ryght,
Þys duk Cloten hadde a child,
A doughti bacheler & a wyld;
Þat tyme was he man most worþy,
& ffayr waxen, & wel an hey;
“Donwal doughti” was his name,
Of curtesey had he þe fame,
97
ffor first he slow þe kyng Pyncer,
& seysed þe lond til his byhoue.
Vpon Stater ȝit wolde he proue;
Wyþ force of armes he gan to ride,
Stater & Rudak he þought to byde.
Rudak & Stater herde so seye,
Þey swore to-gydere on hym to deye.
The Story of England | ||