The Story of England by Robert Manning of Brunne, A.D. 1338. Edited from mss. at Lambeth Palace and the Inner Temple, by Frederick J. Furnivall |
 |
|
Hic gens ffrolly cecidit. |
 | The Story of England |  |
Hic gens ffrolly cecidit.
Hit was nought longe bytwyxt hem setAr þer hostes to-gedere met.
ffrolle mysfel atte firste pres,
ffor ner alle his beste folk he les,
376
& nerhande hym self had ben taken.
Hit was no wonder þat he fledde,
ffor þe gret host þat Arthur ay ledde;
Was non þat couþe hit noumbre ne seye,
Þe folk he tok, comynge in weye;
Hit was no lond þat he þorow sought,
Euere þe beste wyþ hym he brought;
Þat doughti was on horse or fote,
Wold he, nold he, forþ he mote:
Somme wente for his fair speche,
& somme for drede of oþer wreche,
& somme for he gaf largely,
& somme for his grete curtesy,
& somme for los & doute of ded,
Knowlechyng til hym þey bed:
Of ffraunce many a lordyng
Comen to holde of hym þer þyng.
| The Story of England | |