The Story of England by Robert Manning of Brunne, A.D. 1338. Edited from mss. at Lambeth Palace and the Inner Temple, by Frederick J. Furnivall |
Confortacio Arthury. |
The Story of England | ||
Confortacio Arthury.
When Arthur sey his men gaf bak,Þe Romayns boldely on þem brak,
& poyned or pryked þem wyþ pres,
& þey wyþ-drowen hem, & erþe þey les,
481
Ne myghte, ȝyf he wolde saue his syde;
He cam criynge wiþ his bataille,
“Agayn, ȝe Bretons, þe Romayns asaille!
“Y am Arthur, þat wil nought faille!
“At al ȝoure nede y schal ȝow vaille!
“Y am Arthur þat hider ȝow ledde,
“Þat neuere in feld for no man fledde,
“Ne deþ, ne dynt, ne bataille dredde!
“In alle stours wel haue y spedde!
“Y am Arthur, schal make ȝow weye,
“& Romayns to Rome for drede do fleye!
“Loke þat non of ȝow recreye,
“Ne at þys iourne feynte ne feye!
“Þenkeþ now of ȝour grete bountes,
“How fele we haue wonne landes & fees!
“To day ne schal y fro þys feld fle
“Til al be wonne or lorn þorow me!”
The Story of England | ||