The Story of England by Robert Manning of Brunne, A.D. 1338. Edited from mss. at Lambeth Palace and the Inner Temple, by Frederick J. Furnivall |
 |
|
Bladutus Rex fecit Balneum. |
 | The Story of England |  |
Bladutus Rex fecit Balneum.
After þe Kyng Rehudybras,Bladut his sone corowned was.
81
He gaf hym al to nygromaunci;
Hote bathe he dide make,
ffor mikel god to mannes sake;
He dide leye þerin springes,
Tonnes of bras wiþ queynte þynges
Þat make þe water euere hot;
What ys þerynne, noman wel wot;
Bathe, for baþyng, þe name hight;
Byside þe baþe a temple he dight,—
Þe temple name was Mynerue,—
Þe folk to receyue & to serue;
A fire he dide make þer-inne,
Euere to brenne & neuere to blynne.
Bladut wrought many meruaille,
Many god þyng þat ȝit wyl vaylle;
Atte laste he wolde fleye,
ffeþer-hames he made hym sleye;
At London̄ he tok his flyght,
& fley as fer as he myght
Vpon a temple sire Appolyn,
Þeron he fel, & m[a]de his fyn;
Sire Appolyn so doun hym cast,
Þat body & bon hit al to-barst:
Twenty wynter was he kyng,
At London̄ he mad his endyng.
| The Story of England | |