The Story of England by Robert Manning of Brunne, A.D. 1338. Edited from mss. at Lambeth Palace and the Inner Temple, by Frederick J. Furnivall |
Exe quot Reges Comites & Barones venerunt ad
coronacionem Arthury. |
The Story of England | ||
387
Exe quot Reges Comites & Barones venerunt ad coronacionem Arthury.
Messegers he dide sendeffor kynges & ducs, fer & hende,
And for erles & barouns,
Knyghtes of castels, lordes of touns.
A legat fro Rome was sent
ffor to make þe corounement;
Erchebischopes were þer þre,—
At Londone was þenne þe se,
Þat oþer was at Euerwyk,
At Kaerlioun was seynt Dubryk;—
Of Scotland king Agusel,
Þat til Arthur was ful lel;
Of Murreue þe kyng Vrian,
Wyþ hym com his sone Ywayn;
Stater of Southe Walys al,
Of North Walys þe kyng Cadwal,
Cador þe Erl of Cornewaille,
ffor Arthur hadde many trauaille;
Sire Moryond þe Erl of Gloucestre,
Sire Mauryce þe Erl of Wyncestre,
Gurgoynt þe Erl of Hereforde,
& sire Beus of Oxenforde,
Sire Vrgence þe Erl of Bathe,
Þere þe Saxons dide scaþe;
Sire Cursal of Chestre was,
Of Dorcestre sire Ionatas,
Emoraund þe Erl of Salesbury,
388
Sire Baruk, Erl of Circestre,
& sire Iugens of Leycestre,
Sire Ergal, þe Erl of Warewyk,
Hys men come to court ful þyk.
The Story of England | ||