The Story of England by Robert Manning of Brunne, A.D. 1338. Edited from mss. at Lambeth Palace and the Inner Temple, by Frederick J. Furnivall |
Deposito Elidoro, Argayl iterum factus est Rex. |
The Story of England | ||
Deposito Elidoro, Argayl iterum factus est Rex.
When þey had alle sworen an oþ
Tyl Argail, wer hem lef or loþ,
Elydour & þey alle went
To ȝork, & helde a Parlement.
Elydour þer þe coroune leued,
And set hit vpon Argailes heued,
& seide, “here gyue y þe Argayl
“Þe coroune of Bretayne holyke al.”
Þan seide men of sire Elydour,
Þat he of pite was fruyt & flour,
Þat forsok þe regalte,
& gaf hit his broþer for pite;
þerfore in ilka lordes hous
Was he cald Elydour Pytous.
Tyl Argail, wer hem lef or loþ,
Elydour & þey alle went
To ȝork, & helde a Parlement.
Elydour þer þe coroune leued,
And set hit vpon Argailes heued,
& seide, “here gyue y þe Argayl
“Þe coroune of Bretayne holyke al.”
Þan seide men of sire Elydour,
Þat he of pite was fruyt & flour,
Þat forsok þe regalte,
& gaf hit his broþer for pite;
þerfore in ilka lordes hous
Was he cald Elydour Pytous.
Argail amended his maners,
& louede his barons, & m[a]de þem pers;
Was non of hem so mesurable,
Ne of his word so wys & stable;
Alle his wykked tecches he left
When [he] had take þe corown eft;
Alle hym louede þat hym er hated,
ffor alle his vices were abated.
Ten ȝer he regned in honour,
& syþen fel in a langour,
& ended his lif fair & wel:
Þey byried hym at Karlel.
& louede his barons, & m[a]de þem pers;
Was non of hem so mesurable,
Ne of his word so wys & stable;
Alle his wykked tecches he left
When [he] had take þe corown eft;
Alle hym louede þat hym er hated,
ffor alle his vices were abated.
Ten ȝer he regned in honour,
& syþen fel in a langour,
& ended his lif fair & wel:
Þey byried hym at Karlel.
The Story of England | ||