The Story of England by Robert Manning of Brunne, A.D. 1338. Edited from mss. at Lambeth Palace and the Inner Temple, by Frederick J. Furnivall |
 |
|
De Occisione Monachorum. |
 | The Story of England |  |
De Occisione Monachorum.
Þe monkes þat were of BangorBysoughte þe kyng wyþ herte sor
Þat he wold haue on þem mercy,
& of þe kirke saue þe clergy;
Þey preied alle, monk & clerk,
Chanon, heremite, man of werk,
Riche & pore, alle barefot.
ffor al þer preiere fond þey no bot;
On hem were þe Englische ful feloun,
Þe ouer hand hadde, fel als þe lyoun,
Monk ne clerk wolde þey non spare,
ffor þe[y] byforn vnbuxom ware;
534
Namore þan wolf doþ of þe schep;
Ouer mykel was þeir ire,
Of so fele to make martire;
Two þousand, & two hundred mo,
So manie of þem dide þey slo.
Syn seide þey þat þey wolde wende,
Bangor to struye, & brynge til ende;
But ȝit þey seide þey wilde abide,
To purueye þeym when þey wold ryde.
| The Story of England | |