The Story of England by Robert Manning of Brunne, A.D. 1338. Edited from mss. at Lambeth Palace and the Inner Temple, by Frederick J. Furnivall |
 |
|
Dares Frigius, qui historiam Troianorum scripsit, ait
se militasse vsque dum Troia capta est, hosque
duces se vidisse cum indutie essent & partim
prelio interfuisse. |
 | The Story of England |  |
Dares Frigius, qui historiam Troianorum scripsit, ait se militasse vsque dum Troia capta est, hosque duces se vidisse cum indutie essent & partim prelio interfuisse.
Dares the Freson of Troie first wrote,& putt it in buke þat we now wote;
he was a clerk and a gude knyght,
when Troie was lorn he sawe þat fight;
Alle þe barons wele he knewe,
he tellis þer stature & þer hewe,
long or schorte, whyte or blak,
alle he telles, gude or lak.
Alle þer lymmes, how þai besemed,
In his buke has Dares demed,
Both of Troie & of Grece,
whatkyns schappe was ilka pece;
Of manyon he reknes & sayes,
both of Troiens & of Gregeis,
þat it were oure long to telle,
& many wald not þer-in duelle
þare names alle forto here,
bot þe Latyn is fayre to lere.
| The Story of England | |