The Story of England by Robert Manning of Brunne, A.D. 1338. Edited from mss. at Lambeth Palace and the Inner Temple, by Frederick J. Furnivall |
De Pellitho Sortilego. |
The Story of England | ||
544
De Pellitho Sortilego.
In þys kynges court, Edwyn,Was a clerk couþe of deuin;
ffer in Spayne was he born,
Of chaunces couþe he telle byforn;
He knew alle þe foules cry,
& couþe y-now of astronomy.
Pellith highte þat ilke clerk,
He serued Edwyn of god werk;
ffor Cadwalyn myghte neuere, for wele ne wo,
No tyme in hauen to schipe go,
Ne in se hiderward ryde,—
ffel hit neuere so god a tyde,—
Þat þys ilke clerk deuyn
Als swiþe teld hit til Edwyn.
He knew alle manere roun,
& many manere coniurison,
& mani chaunces couþe descrie
By sciences & artz of clergye.
The Story of England | ||