The Story of England by Robert Manning of Brunne, A.D. 1338. Edited from mss. at Lambeth Palace and the Inner Temple, by Frederick J. Furnivall |
 |
|
De Nunciis Lucii Inperatoris Rome. |
 | The Story of England |  |
De Nunciis Lucii Inperatoris Rome.
Ryght als þis giftes were in gyuyng,& alle y-serued, knyght & kyng,
Arthur sat [vp]on þe des,
And aboute hym his mykel pres
Of kynges, dukes, erles, & barouns,
& of straunge lordes & Bretons,
& schulde haue taken leue, & went,
Twelue messegers til hym were sent
ffro þe Emperour of Rome:
Two to-gydere, faire þey come
In to þe halle, Arthur byforn,
Wyþ olyue braunches in handes born,
Wyþ softe pas & [fulle] seine
Gret þei Arthur & his meyne:
Þey seide þei were “messegers,
“Comen in pes & in faire maners
401
“ffro þe Emperour Lucius Iber,
“Þat ys oure lord lef & dere;
“By vs he sendes his lettres here,
“& þe comaundeþ on alle weys
“Þat þou do as þis lettre seys.”
Þe lettre in his hand þey leyde;
List now what þe lettre seyde:
| The Story of England | |