The Story of England by Robert Manning of Brunne, A.D. 1338. Edited from mss. at Lambeth Palace and the Inner Temple, by Frederick J. Furnivall |
 |
|
De Rege Malgo. |
 | The Story of England |  |
De Rege Malgo.
After hym cam his sone Malgo;Til alle manhede he gaf hym to;
Alle men hadde of hym doute,
He wan þe ildes ouer al aboute,
& of kynges he tok feaute,
As whilom hit was woned to be;
Of doughtinesse, of body feir,
He lyknede his auncestre als heir;
Of knyght-schipe noblely he proued;
Alle his kynde ful wel he loued;
Large he was, of ȝyftes bolde;
Tresor wolde he neuere holde;
He let nought þat day to lyuen,
But he had som what of his gyuen,
500
And þanked hym ful many syþe.
His þrydde ȝer was yuel to lyke,
He vsed þe synne Sodomyke,—
Þe synne of Sodome, as men fynde,
Is a sinne ageynes kynde;—
At Wynchestre, at his baþynge,
Sodeynly mad he his endynge.
| The Story of England | |