The Story of England by Robert Manning of Brunne, A.D. 1338. Edited from mss. at Lambeth Palace and the Inner Temple, by Frederick J. Furnivall |
Rex Trahernus. |
The Story of England | ||
Rex Trahernus.
Ageyn to þe southe Traherne drow,& dide hym coroune kyng to be,
& regned wiþ solempnete.
A day to Londone he scholde out ryde;
His ffomen a-spied wel what tyde;
Enbusched þeym by þat strete
Þer þey hoped þe kyng to mete.
Sire Traherne of non hym dredde,
Þer-fore no folk wyþ hym ne ledde;
222
Þey breken of þeyr enbuschement;
Þo þat hym hated for Octauus
Slowen þer sire Trahernus.
ffor Octauus þey sende þer sonde,
& sesed hym eft in to þe londe,
& corouned hym als he was er;
& alle þat comen wyþ Traher,
Euerilkon he dide þem slo;
Ascaped non bot wyþ wo;
Syþen in pes þe lond gan welde,
& longe lyuede til gret elde.
The Story of England | ||