The Story of England by Robert Manning of Brunne, A.D. 1338. Edited from mss. at Lambeth Palace and the Inner Temple, by Frederick J. Furnivall |
 |
|
Petreus, Romanorum tribunus. |
 | The Story of England |  |
Petreus, Romanorum tribunus.
A noble man was þere of Rome,Of alle þer knyghtes he bar þe blome,
Petreus his name hight,
A worthi man, & mykel of myght;
What for his prowesse & god knyght,
Ten þousand men he ladde in fyght.
He herde of þe Bretons assaut,
& how þer men were att defaut;
448
“To sokere hem go we to þe feldes.”
Wyþ þo ten þousand þat he brought,
Vpon þe Bretons harde he sought,
Þat maugre þeires he dide þem go
In to þe wode þer þey come fro;
O þe playne myghte þey holde no place,
Þat to þe wode he gan þem chace;
& when þey were in wode teld,
Ageyn Petron þer owen þey held.
Petrens often on þem gan pres,
But mikel of his folk he les,
ffor þe Bretons stirt out & slow,
& eft in to þe wode þem drow;
By þe wodes side in a busch
Was many a stour & many a frusch.
| The Story of England | |