The Story of England by Robert Manning of Brunne, A.D. 1338. Edited from mss. at Lambeth Palace and the Inner Temple, by Frederick J. Furnivall |
Aduentus Regis ad Augustinum. |
The Story of England | ||
Aduentus Regis ad Augustinum.
When þey come byfore þe kyng,Seint Austyn made a prechyng,
& seide, ‘Seint Gregore til hym he sent,
‘ffor hym & his amendment,
‘And somoned hym þer for to come
‘To Cristes lawe, þe lawe of Rome.’
He tolde hym of þe Incarnacion,
& sithen of al his passion,
‘How Ihesu tholede woundes fyue,
‘& deide, & ros fro deþ to lyue,
‘And stey til heuene, God & man,
‘Til oure kynde þe blisse vs wan;
‘And how he ys ful of mercy,
‘& til ilka synful man redy,
‘Þat in god hope til hym wil calle:
‘Til his blysse he brynge vs alle!’
The Story of England | ||