The Story of England by Robert Manning of Brunne, A.D. 1338. Edited from mss. at Lambeth Palace and the Inner Temple, by Frederick J. Furnivall |
Exe de Troia de qua-causa bellum fuit ammotum. |
The Story of England | ||
Exe de Troia de qua-causa bellum fuit ammotum.
In Troye was a Duc of prys,Pryamy sone þat highte Parys.
Custume was bi þo dawes,
In tyme of þe elde lawes,
Knygtes scholden kepe bestes,
Als y haue herd rede[n] in gestes.
þe Bible wytnesseþ wel þys þynge
Of Moyses & Dauid þe kynge;
Schold non bot of gentil blod,
Erl or duc, or also god,
Bestes kepe, bot he were knyght,
& stalworthe in armes for to fyght,
17
He kepte bestes y þe pastour,
Swylk on was þys ilke Parys,
A duk hardi, & a knyght wys;
He kepte bestes in þe feld
As a knyght armed wiþ scheld.
Als Parys sat at his hole,
Out fro Grece þer cam a bole;
To Paris bestes was his draught,
And wiþ Parys bole he faught.
The Story of England | ||