The Story of England by Robert Manning of Brunne, A.D. 1338. Edited from mss. at Lambeth Palace and the Inner Temple, by Frederick J. Furnivall |
Elydourus Rex. |
The Story of England | ||
Elydourus Rex.
Þenne corouned þey sire Elydour,Man of pite & of socour.
Argail, þat was dryuen out,
He ȝede to prynces ouer al about
ffor help to haue his regne ageyn;
Bot his trauaille was al in veyn,
Non wolde helpe restore his perd;
Þen lyued he ffyue þer in pouert.
Sone afte[r] þe ffyue ȝeres ende,
Elydour þorow a wode schold wende,
ffor to pleye by o ryuer;
Þat wode, men caldit Calduter.
136
On knes sire Elydour he grette,
& asked hym grace & mercy;
& he hym graunted al redy;
On hym he hadde gret pyte,
Þat in pouerte schold hym se.
His armes abute his nekke he kast,
His grete pouerte he pleyned fast;
Whan he had longe ment his mone,
Tyl Aclud þey wente ilkone;
In his chaumbre he dide hym be,
Þat non hym wiste bot in pryuete.
Hereþ now of sire Elydour,
How he dide his broþer gret honur.
The Story of England | ||