The Paris Psalter | ||
Psalm 119
1
Ic me to drihtne deorum cleopode,þonne me costunga cnysdon geneahhe,
and he me gehyrde holde mode.
2
Alys mine sawle, lifes drihten,of þam welerum þe wom cweðen,
and from þære tungan þe teosu wylle.
3
Hwæt bið þe ealles seald oþþe eced swafrom þære inwitfullan yflan tungan?
4
Strele beoð scearpe, strange and mihtige,syððan of gledon wesað gearwe ahyrde.
5
Wa me þære wyrde, þæt min wynn alægand min bigengea gewat bryce on feorweg;
sceal ic eard niman, swa me eðe nis,
mid Cedaringum; nis min cyð þær,
þe mine sawle swiðe beeode.
6
Mid þam þe hi sibbe swyþost feodan,ic sibbe mid him soðe hæfde;
119
ðonne me earwunga ealle onfuhtan.
The Paris Psalter | ||