The Paris Psalter | ||
Psalm 84
1
Þu bletsadest, bliðe drihten,foldan fæle, and afyrdest eac
of Iacobe þa graman hæftned.
2
Unriht þu forlete eallum þinum folce,and heora fyrene fæste hæle.
52
3
Eall þu þin yrre eðre gedydest,na ðu ure gyltas egsan gewræce.
4
Gehweorf us hraðe, hælend drihten,and þin yrre fram us eac oncyrre,
Þæt ðu us ne weorðe wrað on mode.
5
Ne wrec þu þin yrre wraðe modeof cynne on cynn and on cneorisse;
gecyr us georne to ðe, Crist ælmihtig,
and ðin folc on ðe gefeo swiðe.
6
Æteow us milde mod, mihtig drihten,and us þine hæle syle her to genihte.
7
Syþþan ic gehyre, hwæt me halig godon minum modsefan mælan wille;
sybbe he his folces seceð geornast,
and swiðust to þam þe hine seceað.
8
Hwæðere he is mid soðe forswiðe neahþam þe egsan his elne healdað,
hæleð mid hyldo, and him her syleð
ure eorðan æðele wuldor.
9
Him gangað ongean gleawe cræftas,mildheortnesse mod and mihte soð,
and hine sybbe lufu swylce clyppeð.
10
Up of eorðan cwom æþelast soða,beseah soðfæstnes samod of heofenum.
11
Syleð us fremsum god fægere drihten,þonne us eorðe syleð æðele wæstmas.
12
Hine soðfæstnes symble foregangeðand on weg setteð wise gangas.
The Paris Psalter | ||