 | The Paris Psalter |  |
Psalm 81
1
God mihtig stod godum on gemange,and he hi on midle mægene tosceadeð.
2
Hu lange deme ge domas unrihte,and ge onfoð ansyna synnwyrcendra?
3
Demað steopcildum domas soðeand eadmedum eac þæt sylfe,
wædlum and ðearfum wel soðfæstum.
4
Ge of firenfulra fæcnum handumþearfan and wædlan þriste alysað.
5
Ne ongeatan hi ne geara wistan,ac hi on ðystrum þrage eodan;
49
6
Ic ærest cwæð: “Ge synd uppe godu,ealle uphea, and æðele bearn.
7
Ge þonne sweltað samod mid mannum,swa ealdormann an gefealleð.”
8
Aris drihten, nu! Dem eorðware,forþan þu eart erfeweard ealra ðeoda.
| The Paris Psalter | |