The Paris Psalter | ||
Psalm 53
1
On þinum þam haligan naman, gedo me halne, god;alys me fram laðum þurh þin leofe mægen.
2
God, min gebed gearuwe gehyre,and earum onfoh min agen word.
3
Forþam me fremde oft facne gestodon,sohtan mine sawle swiðe strange,
and na heom god setton gleawne on gesyhðe.
4
Efne me þonne god gleawe fultumeð,is andfengea ece drihten
sawle minre; he me swican ne wile.
5
Afyr me fæcne yfel feonda minra,and hi soðfæst toweorp syððan wide.
6
Ic ðe lustum lace cweme,and naman þinne niode swylce
geara andette, forðon ic hine goodne wat.
7
Forþon þu me alysdest, lifes ealdor,of earfoðum eallum symble,
ealle mine fynd eagum ofersawe.
The Paris Psalter | ||