 | 万葉集 (Manyoshu) |  |
4106
[題詞]教喩史生尾張少咋歌一首并短歌 / 七出例云 / 但犯一條即合出之 無七出輙<弃>者 徒一年半 / 三不去云 / 雖犯七出不合<弃>之 違者杖一百 唯犯奸悪疾得<弃>之 / 兩妻例 云 / 有妻更娶者徒一年 女家杖一百離之 / 詔書云 / 愍賜義夫節婦 / 謹案 先件數條 建法 之基 化道之源也 然則義夫之道 情存無別 / 一家同財 豈有忘舊愛新之志哉 所以綴作 數行之歌令悔<弃>舊之惑 其詞云
[原文]於保奈牟知 須久奈比古奈野 神代欲里 伊比都藝家良<久> 父母乎 見波多布刀
久 妻子見波 可奈之久米具之 宇都世美能 余乃許等和利止 可久佐末尓 伊比家流物能
乎 世人能 多都流許等太弖 知左能花 佐家流沙加利尓 波之吉余之 曽能都末能古等
安沙余比尓 恵美々恵末須毛 宇知奈氣支 可多里家末久波 等己之部尓 可久之母安良米
也 天地能 可未許等余勢天 春花能 佐可里裳安良<牟等> <末>多之家牟 等吉能沙加利
曽 波<奈礼>居弖 奈介可須移母我 何時可毛 都可比能許牟等 末多須良<无> 心左夫之
苦 南吹 雪消益而 射水河 流水沫能 余留弊奈美 左夫流其兒尓 比毛能緒能 移都我利
安比弖 尓保騰里能 布多理雙坐 那呉能宇美能 於支乎布可米天 左度波世流 支美我許
己呂能 須敝母須敝奈佐 [言佐夫流者遊行女婦之字也]
[訓読]大汝 少彦名の 神代より 言ひ継ぎけらく 父母を 見れば貴く 妻子見れば か
なしくめぐし うつせみの 世のことわりと かくさまに 言ひけるものを 世の人の 立
つる言立て ちさの花 咲ける盛りに はしきよし その妻の子と 朝夕に 笑みみ笑まず
も うち嘆き 語りけまくは とこしへに かくしもあらめや 天地の 神言寄せて 春花
の 盛りもあらむと 待たしけむ 時の盛りぞ 離れ居て 嘆かす妹が いつしかも 使の来
むと 待たすらむ 心寂しく 南風吹き 雪消溢りて 射水川 流る水沫の 寄る辺なみ 左
夫流その子に 紐の緒の いつがり合ひて にほ鳥の ふたり並び居 奈呉の海の 奥を深
めて さどはせる 君が心の すべもすべなさ [言佐夫流者遊行女婦之字也]
[仮名],おほなむち,すくなびこなの,かむよより,いひつぎけらく,ちちははを,みればた
ふとく,めこみれば,かなしくめぐし,うつせみの,よのことわりと,かくさまに,いひける
ものを,よのひとの,たつることだて,ちさのはな,さけるさかりに,はしきよし,そのつま
のこと,あさよひに,ゑみみゑまずも,うちなげき,かたりけまくは,とこしへに,かくしも
あらめや,あめつちの,かみことよせて,はるはなの,さかりもあらむと,またしけむ,とき
のさかりぞ,はなれゐて,なげかすいもが,いつしかも,つかひのこむと,またすらむ,ここ
ろさぶしく,みなみふき,ゆきげはふりて,いみづかは,ながるみなわの,よるへなみ,さぶ
るそのこに,ひものをの,いつがりあひて,にほどりの,ふたりならびゐ,なごのうみの,お
きをふかめて,さどはせる,きみがこころの,すべもすべなさ
| 万葉集 (Manyoshu) | |