万葉集 (Manyoshu) :: :: University of Virginia Library

万葉集 (Manyoshu)

第一巻

第七巻

10.

11.

12.

13.

14.

15.

16.

17.

18.

19.

20.

Collapse All | Expand All expand section

7. 第七巻

雜歌

1068

[題詞]詠天

[原文]天海丹雲之波立月船星之林丹榜隠所見

[訓読]天の海に雲の波立ち月の舟星の林に漕ぎ隠る見ゆ

[仮名],あめのうみに,くものなみたち,つきのふね,ほしのはやしに,こぎかくるみゆ

[_]

[左注]右一首柿本朝臣人麻呂之歌集出

[_]

[校異]歌 [西] 謌 / 歌 [西] 謌 [西（訂正）] 歌

[_]

[ＫＷ],雑歌,作者：柿本人麻呂歌集,非略体

1069

[題詞]詠月

[原文]常者曽不念物乎此月之過匿巻惜夕香裳

[訓読]常はさね思はぬものをこの月の過ぎ隠らまく惜しき宵かも

[仮名],つねはさね,おもはぬものを,このつきの,すぎかくらまく,をしきよひかも

[_]

[左注]

[_]

[校異]

[_]

[ＫＷ],雑歌

1070

[題詞]（詠月）

[原文]大夫之弓上振起 <猟>高之野邊副清照月夜可聞

[訓読]大夫の弓末振り起し狩高の野辺さへ清く照る月夜かも

[仮名],ますらをの,ゆずゑふりおこし,かりたかの,のへさへきよく,てるつくよかも

[_]

[左注]

[_]

[校異]借 → 猟 [類]

[_]

[ＫＷ],雑歌,高円山,奈良,地名

1071

[題詞]（詠月）

[原文]山末尓不知夜歴月乎将出香登待乍居尓夜曽降家類

[訓読]山の端にいさよふ月を出でむかと待ちつつ居るに夜ぞ更けにける

[仮名],やまのはに,いさよふつきを,いでむかと,まちつつをるに,よぞふけにける

[_]

[左注]

[_]

[校異]

[_]

[ＫＷ],雑歌

1072

[題詞]（詠月）

[原文]明日之夕将照月夜者片因尓今夜尓因而夜長有

[訓読]明日の宵照らむ月夜は片寄りに今夜に寄りて夜長くあらなむ

[仮名],あすのよひ,てらむつくよは,かたよりに,こよひによりて,よながくあらなむ

[_]

[左注]

[_]

[校異]

[_]

[ＫＷ],雑歌

1073

[題詞]（詠月）

[原文]玉垂之小簾之間通獨居而見驗無暮月夜鴨

[訓読]玉垂の小簾の間通しひとり居て見る験なき夕月夜かも

[仮名],たまだれの,をすのまとほし,ひとりゐて,みるしるしなき,ゆふつくよかも

[_]

[左注]

[_]

[校異]

[_]

[ＫＷ],雑歌

1074

[題詞]（詠月）

[原文]春日山押而照有此月者妹之庭母清有家里

[訓読]春日山おして照らせるこの月は妹が庭にもさやけくありけり

[仮名],かすがやま,おしててらせる,このつきは,いもがにはにも,さやけくありけり

[_]

[左注]

[_]

[校異]

[_]

[ＫＷ],雑歌,春日山,奈良,慕情,地名

1075

[題詞]（詠月）

[原文]海原之道遠鴨月讀明少夜者更下乍

[訓読]海原の道遠みかも月読の光少き夜は更けにつつ

[仮名],うなはらの,みちとほみかも,つくよみの,ひかりすくなき,よはふけにつつ

[_]

[左注]

[_]

[校異]

[_]

[ＫＷ],雑歌

1076

[題詞]（詠月）

[原文]百師木之大宮人之退出而遊今夜之月清左

[訓読]ももしきの大宮人の罷り出て遊ぶ今夜の月のさやけさ

[仮名],ももしきの,おほみやひとの,まかりでて,あそぶこよひの,つきのさやけさ

[_]

[左注]

[_]

[校異]

[_]

[ＫＷ],雑歌

1077

[題詞]（詠月）

[原文]夜干玉之夜渡月乎将留尓西山邊尓 <塞>毛有粳毛

[訓読]ぬばたまの夜渡る月を留めむに西の山辺に関もあらぬかも

[仮名],ぬばたまの,よわたるつきを,とどめむに,にしのやまへに,せきもあらぬかも

[_]

[左注]

[_]

[校異]塞 [西（上書訂正）][類][紀][細]

[_]

[ＫＷ],雑歌

1078

[題詞]（詠月）

[原文]此月之此間来者且今跡香毛妹之出立待乍将有

[訓読]この月のここに来たれば今とかも妹が出で立ち待ちつつあるらむ

[仮名],このつきの,ここにきたれば,いまとかも,いもがいでたち,まちつつあるらむ

[_]

[左注]

[_]

[校異]

[_]

[ＫＷ],雑歌

1079

[題詞]（詠月）

[原文]真十鏡可照月乎白妙乃雲香隠流天津霧鴨

[訓読]まそ鏡照るべき月を白栲の雲か隠せる天つ霧かも

[仮名],まそかがみ,てるべきつきを,しろたへの,くもかかくせる,あまつきりかも

[_]

[左注]

[_]

[校異]

[_]

[ＫＷ],雑歌

1080

[題詞]（詠月）

[原文]久方乃天照月者神代尓加出反等六年者經去乍

[訓読]ひさかたの天照る月は神代にか出で反るらむ年は経につつ

[仮名],ひさかたの,あまてるつきは,かむよにか,いでかへるらむ,としはへにつつ

[_]

[左注]

[_]

[校異]

[_]

[ＫＷ],雑歌

1081

[題詞]（詠月）

[原文]烏玉之夜渡月乎Ａ怜吾居袖尓露曽置尓鷄類

[訓読]ぬばたまの夜渡る月をおもしろみ我が居る袖に露ぞ置きにける

[仮名],ぬばたまの,よわたるつきを,おもしろみ,わがをるそでに,つゆぞおきにける

[_]

[左注]

[_]

[校異]

[_]

[ＫＷ],雑歌

1082

[題詞]（詠月）

[原文]水底之玉障清可見裳照月夜鴨夜之深去者

[訓読]水底の玉さへさやに見つべくも照る月夜かも夜の更けゆけば

[仮名],みなそこの,たまさへさやに,みつべくも,てるつくよかも,よのふけゆけば

[_]

[左注]

[_]

[校異]

[_]

[ＫＷ],雑歌

1083

[題詞]（詠月）

[原文]霜雲入為登尓可将有久堅之夜<渡>月乃不見念者

[訓読]霜曇りすとにかあるらむ久方の夜渡る月の見えなく思へば

[仮名],しもぐもり,すとにかあるらむ,ひさかたの,よわたるつきの,みえなくおもへば

[_]

[左注]

[_]

[校異]度 → 渡 [類][紀][温]

[_]

[ＫＷ],雑歌

1084

[題詞]（詠月）

[原文]山末尓不知夜經月乎何時母吾待将座夜者深去乍

[訓読]山の端にいさよふ月をいつとかも我は待ち居らむ夜は更けにつつ

[仮名],やまのはに,いさよふつきを,いつとかも,わはまちをらむ,よはふけにつつ

[_]

[左注]

[_]

[校異]

[_]

[ＫＷ],雑歌,恋情

1085

[題詞]（詠月）

[原文]妹之當吾袖将振木間従出来月尓雲莫棚引

[訓読]妹があたり我が袖振らむ木の間より出で来る月に雲なたなびき

[仮名],いもがあたり,わはそでふらむ,このまより,いでくるつきに,くもなたなびき

[_]

[左注]

[_]

[校異]

[_]

[ＫＷ],雑歌,恋情

1086

[題詞]（詠月）

[原文]靱懸流伴雄廣伎大伴尓國将榮常月者照良思

[訓読]靫懸くる伴の男広き大伴に国栄えむと月は照るらし

[仮名],ゆきかくる,とものをひろき,おほともに,くにさかえむと,つきはてるらし

[_]

[左注]

[_]

[校異]

[_]

[ＫＷ],雑歌,寿歌

1087

[題詞]詠雲

[原文]痛足河々浪立奴巻目之由槻我高仁雲居立有良志

[訓読]穴師川川波立ちぬ巻向の弓月が岳に雲居立てるらし

[仮名],あなしがは,かはなみたちぬ,まきむくの,ゆつきがたけに,くもゐたてるらし

[_]

[左注]（右二首柿本朝臣人麻呂之歌集出）

[_]

[校異]立有 [細]（塙）立 / 志 [類][紀][温] 思

[_]

[ＫＷ],雑歌,作者：柿本人麻呂歌集,龍王山,奈良,非略体,地名

1088

[題詞]（詠雲）

[原文]足引之山河之瀬之響苗尓弓月高雲立渡

[訓読]あしひきの山川の瀬の鳴るなへに弓月が岳に雲立ちわたる

[仮名],あしひきの,やまがはのせの,なるなへに,ゆつきがたけに,くもたちわたる

[_]

[左注]右二首柿本朝臣人麻呂之歌集出

[_]

[校異]歌 [西] 謌 [西（訂正）] 歌

[_]

[ＫＷ],雑歌,作者：柿本人麻呂歌集,龍王山,奈良,非略体,枕詞,地名

1089

[題詞]（詠雲）

[原文]大海尓嶋毛不在尓海原絶塔浪尓立有白雲

[訓読]大海に島もあらなくに海原のたゆたふ波に立てる白雲

[仮名],おほうみに,しまもあらなくに,うなはらの,たゆたふなみに,たてるしらくも

[_]

[左注]右一首伊勢従駕作

[_]

[校異]

[_]

[ＫＷ],雑歌,伊勢,三重県,羈旅,地名

1090

[題詞]詠雨

[原文]吾妹子之赤裳裙之将染Ｏ今日之ＷＸ尓吾共所沾<名>

[訓読]我妹子が赤裳の裾のひづちなむ今日の小雨に我れさへ濡れな

[仮名],わぎもこが,あかものすその,ひづちなむ,けふのこさめに,われさへぬれな

[_]

[左注]

[_]

[校異]者 → 名 [元][類][紀][温]

[_]

[ＫＷ],雑歌

1091

[題詞]（詠雨）

[原文]可融雨者莫零吾妹子之形見之服吾下尓著有

[訓読]通るべく雨はな降りそ我妹子が形見の衣我れ下に着り

[仮名],とほるべく,あめはなふりそ,わぎもこが,かたみのころも,あれしたにけり

[_]

[左注]

[_]

[校異]

[_]

[ＫＷ],雑歌

1092

[題詞]詠山

[原文]動神之音耳聞巻向之桧原山乎今日見鶴鴨

[訓読]鳴る神の音のみ聞きし巻向の桧原の山を今日見つるかも

[仮名],なるかみの,おとのみききし,まきむくの,ひはらのやまを,けふみつるかも

[_]

[左注]（右三首柿本朝臣人麻呂之歌集出）

[_]

[校異]

[_]

[ＫＷ],雑歌,作者：柿本人麻呂歌集,巻向,奈良,非略体,地名,枕詞

1093

[題詞]（詠山）

[原文]三毛侶之其山奈美尓兒等手乎巻向山者継之宜霜

[訓読]三諸のその山なみに子らが手を巻向山は継ぎしよろしも

[仮名],みもろの,そのやまなみに,こらがてを,まきむくやまは,つぎしよろしも

[_]

[左注]（右三首柿本朝臣人麻呂之歌集出）

[_]

[校異]

[_]

[ＫＷ],雑歌,作者：柿本人麻呂歌集,巻向,奈良,非略体,地名,枕詞

1094

[題詞]（詠山）

[原文]我衣色<取>染味酒三室山黄葉為在

[訓読]我が衣色取り染めむ味酒三室の山は黄葉しにけり

[仮名],あがころも,いろどりそめむ,うまさけ,みむろのやまは,もみちしにけり

[_]

[左注]右三首柿本朝臣人麻呂之歌集出

[_]

[校異]服 → 取（塙） / 歌 [西] 謌 [西（訂正）] 歌

[_]

[ＫＷ],雑歌,作者：柿本人麻呂歌集,三輪山,奈良,略体,地名,枕詞,季節

1095

[題詞]（詠山）

[原文]三諸就三輪山見者隠口乃始瀬之桧原所念鴨

[訓読]三諸つく三輪山見れば隠口の泊瀬の桧原思ほゆるかも

[仮名],みもろつく,みわやまみれば,こもりくの,はつせのひはら,おもほゆるかも

[_]

[左注]

[_]

[校異]

[_]

[ＫＷ],雑歌,三輪山,奈良,地名,枕詞

1096

[題詞]（詠山）

[原文]昔者之事波不知乎我見而毛久成奴天之香具山

[訓読]いにしへのことは知らぬを我れ見ても久しくなりぬ天の香具山

[仮名],いにしへの,ことはしらぬを,われみても,ひさしくなりぬ,あめのかぐやま

[_]

[左注]

[_]

[校異]

[_]

[ＫＷ],雑歌,香具山,飛鳥,地名

1097

[題詞]（詠山）

[原文]吾勢子乎乞許世山登人者雖云君毛不来益山之名尓有之

[訓読]我が背子をこち巨勢山と人は言へど君も来まさず山の名にあらし

[仮名],わがせこを,こちこせやまと,ひとはいへど,きみもきまさず,やまのなにあらし

[_]

[左注]

[_]

[校異]

[_]

[ＫＷ],雑歌,序詞,恋情

1098

[題詞]（詠山）

[原文]木道尓社妹山在云 <玉>櫛上二上山母妹許曽有来

[訓読]紀道にこそ妹山ありといへ玉櫛笥二上山も妹こそありけれ

[仮名],きぢにこそ,いもやまありといへ,たまくしげ,ふたかみやまも,いもこそありけれ

[_]

[左注]

[_]

[校異]<> → 玉 [万葉考]

[_]

[ＫＷ],雑歌,二上山,地名,枕詞,恋情

1099

[題詞]詠岳

[原文]片岡之此向峯椎蒔者今年夏之陰尓将<化>疑

[訓読]片岡のこの向つ峰に椎蒔かば今年の夏の蔭にならむか

[仮名],かたをかの,このむかつをに,しひまかば,ことしのなつの,かげにならむか

[_]

[左注]

[_]

[校異]比 → 化 [万葉集古義]

[_]

[ＫＷ],雑歌,王寺町,香芝町,奈良,地名

1100

[題詞]詠河

[原文]巻向之病足之川由徃水之絶事無又反将見

[訓読]巻向の穴師の川ゆ行く水の絶ゆることなくまたかへり見む

[仮名],まきむくの,あなしのかはゆ,ゆくみづの,たゆることなく,またかへりみむ

[_]

[左注]（右二首柿本朝臣人麻呂之歌集出）

[_]

[校異]病 [類][古][紀] 痛

[_]

[ＫＷ],雑歌,作者：柿本人麻呂歌集,巻向,奈良,非略体,地名,恋情

1101

[題詞]（詠河）

[原文]黒玉之夜去来者巻向之川音高之母荒足鴨疾

[訓読]ぬばたまの夜さり来れば巻向の川音高しもあらしかも疾き

[仮名],ぬばたまの,よるさりくれば,まきむくの,かはとたかしも,あらしかもとき

[_]

[左注]右二首柿本朝臣人麻呂之歌集出

[_]

[校異]歌 [西] 謌 [西（訂正）] 歌

[_]

[ＫＷ],雑歌,作者：柿本人麻呂歌集,巻向,奈良,非略体,地名,枕詞

1102

[題詞]（詠河）

[原文]大王之御笠山之帶尓為流細谷川之音乃清也

[訓読]大君の御笠の山の帯にせる細谷川の音のさやけさ

[仮名],おほきみの,みかさのやまの,おびにせる,ほそたにがはの,おとのさやけさ

[_]

[左注]

[_]

[校異]

[_]

[ＫＷ],雑歌,三笠山,奈良,地名,枕詞,叙景,土地讃美

1103

[題詞]（詠河）

[原文]今敷者見目屋跡念之三芳野之大川余杼乎今日見鶴鴨

[訓読]今しくは見めやと思ひしみ吉野の大川淀を今日見つるかも

[仮名],いましくは,みめやとおもひし,みよしのの,おほかはよどを,けふみつるかも

[_]

[左注]

[_]

[校異]

[_]

[ＫＷ],雑歌,吉野,地名,土地讃美

1104

[題詞]（詠河）

[原文]馬並而三芳野河乎欲見打越来而曽瀧尓遊鶴

[訓読]馬並めてみ吉野川を見まく欲りうち越え来てぞ瀧に遊びつる

[仮名],うまなめて,みよしのがはを,みまくほり,うちこえきてぞ,たきにあそびつる

[_]

[左注]

[_]

[校異]

[_]

[ＫＷ],雑歌,吉野,地名

1105

[題詞]（詠河）

[原文]音聞目者末見吉野川六田之与杼乎今日見鶴鴨

[訓読]音に聞き目にはいまだ見ぬ吉野川六田の淀を今日見つるかも

[仮名],おとにきき,めにはいまだみぬ,よしのがは,むつたのよどを,けふみつるかも

[_]

[左注]

[_]

[校異]

[_]

[ＫＷ],雑歌,吉野,地名,土地讃美

1106

[題詞]（詠河）

[原文]河豆鳴清川原乎今日見而者何時可越来而見乍偲食

[訓読]かはづ鳴く清き川原を今日見てはいつか越え来て見つつ偲はむ

[仮名],かはづなく,きよきかはらを,けふみては,いつかこえきて,みつつしのはむ

[_]

[左注]

[_]

[校異]河 [類][紀]（塙）川

[_]

[ＫＷ],雑歌,動物

1107

[題詞]（詠河）

[原文]泊瀬川白木綿花尓堕多藝都瀬清跡見尓来之吾乎

[訓読]泊瀬川白木綿花に落ちたぎつ瀬をさやけみと見に来し我れを

[仮名],はつせがは,しらゆふはなに,おちたぎつ,せをさやけみと,みにこしわれを

[_]

[左注]

[_]

[校異]

[_]

[ＫＷ],雑歌,初瀬,奈良,地名,土地讃美

1108

[題詞]（詠河）

[原文]泊瀬川流水尾之湍乎早井提越浪之音之清久

[訓読]泊瀬川流るる水脈の瀬を早みゐで越す波の音の清けく

[仮名],はつせがは,ながるるみをの,せをはやみ,ゐでこすなみの,おとのきよけく

[_]

[左注]

[_]

[校異]提 [西（貼紙訂正）] 堤

[_]

[ＫＷ],雑歌,初瀬,奈良,土地讃美,地名

1109

[題詞]（詠河）

[原文]佐桧乃熊桧隅川之瀬乎早君之手取者将縁言毳

[訓読]さ桧の隈桧隈川の瀬を早み君が手取らば言寄せむかも

[仮名],さひのくま,ひのくまがはの,せをはやみ,きみがてとらば,ことよせむかも

[_]

[左注]

[_]

[校異]

[_]

[ＫＷ],雑歌,飛鳥,恋愛,地名

1110

[題詞]（詠河）

[原文]湯種蒔荒木之小田矣求跡足結出所沾此水之湍尓

[訓読]ゆ種蒔くあらきの小田を求めむと足結ひ出で濡れぬこの川の瀬に

[仮名],ゆだねまく,あらきのをだを,もとめむと,あゆひいでぬれぬ,このかはのせに

[_]

[左注]

[_]

[校異]出 [万葉集略解] 出 / 河 [類][紀]（塙）川

[_]

[ＫＷ],雑歌,比喩,恋愛

1111

[題詞]（詠河）

[原文]古毛如此聞乍哉偲兼此古河之清瀬之音矣

[訓読]いにしへもかく聞きつつか偲ひけむこの布留川の清き瀬の音を

[仮名],いにしへも,かくききつつか,しのひけむ,このふるがはの,きよきせのとを

[_]

[左注]

[_]

[校異]

[_]

[ＫＷ],雑歌,天理,地名,土地讃美

1112

[題詞]（詠河）

[原文]波祢蘰今為妹乎浦若三去来率去河之音之清左

[訓読]はねかづら今する妹をうら若みいざ率川の音のさやけさ

[仮名],はねかづら,いまするいもを,うらわかみ,いざいさかはの,おとのさやけさ

[_]

[左注]

[_]

[校異]

[_]

[ＫＷ],雑歌,奈良,地名,土地讃美

1113

[題詞]（詠河）

[原文]此小川白氣結瀧至八信井上尓事上不為友

[訓読]この小川霧ぞ結べるたぎちゆく走井の上に言挙げせねども

[仮名],このをがは,きりぞむすべる,たぎちたる,はしりゐのへに,ことあげせねども

[_]

[左注]

[_]

[校異]瀧 [元][類][古] 流

[_]

[ＫＷ],雑歌

1114

[題詞]（詠河）

[原文]吾紐乎妹手以而結八川又還見万代左右荷

[訓読]我が紐を妹が手もちて結八川またかへり見む万代までに

[仮名],わがひもを,いもがてもちて,ゆふやがは,またかへりみむ,よろづよまでに

[_]

[左注]

[_]

[校異]

[_]

[ＫＷ],雑歌,序詞,地名,土地讃美

1115

[題詞]（詠河）

[原文]妹之紐結八<河>内乎古之并人見等此乎誰知

[訓読]妹が紐結八河内をいにしへのみな人見きとここを誰れ知る

[仮名],いもがひも,ゆふやかふちを,いにしへの,みなひとみきと,ここをたれしる

[_]

[左注]

[_]

[校異]川 → 河 [元][類][古][紀]

[_]

[ＫＷ],雑歌,序詞,土地讃美,地名

1116

[題詞]詠露

[原文]烏玉之吾黒髪尓落名積天之露霜取者消乍

[訓読]ぬばたまの我が黒髪に降りなづむ天の露霜取れば消につつ

[仮名],ぬばたまの,わがくろかみに,ふりなづむ,あめのつゆしも,とればけにつつ

[_]

[左注]

[_]

[校異]

[_]

[ＫＷ],雑歌,枕詞

1117

[題詞]詠花

[原文]嶋廻為等礒尓見之花風吹而波者雖縁不取不止

[訓読]島廻すと磯に見し花風吹きて波は寄すとも採らずはやまじ

[仮名],しまみすと,いそにみしはな,かぜふきて,なみはよすとも,とらずはやまじ

[_]

[左注]

[_]

[校異]

[_]

[ＫＷ],雑歌

1118

[題詞]詠葉

[原文]古尓有險人母如吾等架弥和乃桧原尓挿頭折兼

[訓読]いにしへにありけむ人も我がごとか三輪の桧原にかざし折りけむ

[仮名],いにしへに,ありけむひとも,わがごとか,みわのひはらに,かざしをりけむ

[_]

[左注]（右二首柿本朝臣人麻呂之歌集出）

[_]

[校異]

[_]

[ＫＷ],雑歌,作者：柿本人麻呂歌集,三輪山,奈良,非略体,地名,悲嘆

1119

[題詞]（詠葉）

[原文]徃川之過去人之手不折者裏觸立三和之桧原者

[訓読]行く川の過ぎにし人の手折らねばうらぶれ立てり三輪の桧原は

[仮名],ゆくかはの,すぎにしひとの,たをらねば,うらぶれたてり,みわのひはらは

[_]

[左注]右二首柿本朝臣人麻呂之歌集出

[_]

[校異]歌 [西] 謌 [西（訂正）] 歌

[_]

[ＫＷ],雑歌,作者：柿本人麻呂歌集,三輪山,奈良,非略体,地名,悲嘆

1120

[題詞]詠蘿

[原文]三芳野之青根我峯之蘿席誰将織經緯無二

[訓読]み吉野の青根が岳の蘿むしろ誰れか織りけむ経緯なしに

[仮名],みよしのの,あをねがたけの,こけむしろ,たれかおりけむ,たてぬきなしに

[_]

[左注]

[_]

[校異]

[_]

[ＫＷ],雑歌,吉野,地名,土地讃美

1121

[題詞]詠草

[原文]妹<等所> 我通路細竹為酢寸我通靡細竹原

[訓読]妹らがり我が通ひ道の小竹すすき我れし通はば靡け小竹原

[仮名],いもらがり,わがかよひぢの,しのすすき,われしかよはば,なびけしのはら

[_]

[左注]

[_]

[校異]所等 → 等所

[_]

[ＫＷ],雑歌,植物,恋情

1122

[題詞]詠鳥

[原文]山際尓渡秋沙乃 <行>将居其河瀬尓浪立勿湯目

[訓読]山の際に渡るあきさの行きて居むその川の瀬に波立つなゆめ

[仮名],やまのまに,わたるあきさの,ゆきてゐむ,そのかはのせに,なみたつなゆめ

[_]

[左注]

[_]

[校異]徃 → 行 [類][紀]

[_]

[ＫＷ],雑歌,動物,序詞

1123

[題詞]（詠鳥）

[原文]佐保河之清河原尓鳴<知>鳥河津跡二忘金都毛

[訓読]佐保川の清き川原に鳴く千鳥かはづと二つ忘れかねつも

[仮名],さほがはの,きよきかはらに,なくちどり,かはづとふたつ,わすれかねつも

[_]

[左注]

[_]

[校異]智 → 知 [類][紀][細]

[_]

[ＫＷ],雑歌,奈良,地名,動物,恋情

1124

[題詞]（詠鳥）

[原文]佐保<川>尓小驟千鳥夜三更而尓音聞者宿不難尓

[訓読]佐保川に騒ける千鳥さ夜更けて汝が声聞けば寐ねかてなくに

[仮名],さほがはに,さわけるちどり,さよふけて,ながこゑきけば,いねかてなくに

[_]

[左注]

[_]

[校異]河 → 川 [類][紀][温]

[_]

[ＫＷ],雑歌,奈良,動物,地名,恋情

1125

[題詞]思故郷

[原文]清湍尓千鳥妻喚山際尓霞立良武甘南備乃里

[訓読]清き瀬に千鳥妻呼び山の際に霞立つらむ神なびの里

[仮名],きよきせに,ちどりつまよび,やまのまに,かすみたつらむ,かむなびのさと

[_]

[左注]

[_]

[校異]

[_]

[ＫＷ],雑歌,飛鳥,地名,動物

1126

[題詞]（思故郷）

[原文]年月毛末經尓明日香<川> 湍瀬由渡之石走無

[訓読]年月もいまだ経なくに明日香川瀬々ゆ渡しし石橋もなし

[仮名],としつきも,いまだへなくに,あすかがは,せぜゆわたしし,いしはしもなし

[_]

[左注]

[_]

[校異]河 → 川 [類][紀][古][紀]

[_]

[ＫＷ],雑歌,飛鳥,地名

1127

[題詞]詠井

[原文]隕田寸津走井水之清有者 <癈>者吾者去不勝可聞

[訓読]落ちたぎつ走井水の清くあれば置きては我れは行きかてぬかも

[仮名],おちたぎつ,はしりゐみづの,きよくあれば,おきてはわれは,ゆきかてぬかも

[_]

[左注]

[_]

[校異]度 → 癈 [元][類][古]

[_]

[ＫＷ],雑歌,地名

1128

[題詞]（詠井）

[原文]安志妣成榮之君之穿之井之石井之水者雖飲不飽鴨

[訓読]馬酔木なす栄えし君が掘りし井の石井の水は飲めど飽かぬかも

[仮名],あしびなす,さかえしきみが,ほりしゐの,いしゐのみづは,のめどあかぬかも

[_]

[左注]

[_]

[校異]

[_]

[ＫＷ],雑歌,地名

1129

[題詞]詠<倭>琴

[原文]琴取者嘆先立盖毛琴之下樋尓嬬哉匿有

[訓読]琴取れば嘆き先立つけだしくも琴の下樋に妻や隠れる

[仮名],こととれば,なげきさきだつ,けだしくも,ことのしたびに,つまやこもれる

[_]

[左注]

[_]

[校異]和 → 倭 [元][類][紀][温]

[_]

[ＫＷ],雑歌,恋愛

1130

[題詞]芳野作

[原文]神左振磐根己凝敷三芳野之水分山乎見者悲毛

[訓読]神さぶる岩根こごしきみ吉野の水分山を見れば悲しも

[仮名],かむさぶる,いはねこごしき,みよしのの,みくまりやまを,みればかなしも

[_]

[左注]

[_]

[校異]凝 [類][古][紀] 疑

[_]

[ＫＷ],雑歌,吉野,羈旅,地名

1131

[題詞]（芳野作）

[原文]皆人之戀三<芳>野今日見者諾母戀来山川清見

[訓読]皆人の恋ふるみ吉野今日見ればうべも恋ひけり山川清み

[仮名],みなひとの,こふるみよしの,けふみれば,うべもこひけり,やまかはきよみ

[_]

[左注]

[_]

[校異]吉 → 芳 [元][類][紀]

[_]

[ＫＷ],雑歌,吉野,羈旅,地名,恋情,土地讃美

1132

[題詞]（芳野作）

[原文]夢乃和太事西在来寤毛見而来物乎念四念者

[訓読]夢のわだ言にしありけりうつつにも見て来るものを思ひし思へば

[仮名],いめのわだ,ことにしありけり,うつつにも,みてけるものを,おもひしおもへば

[_]

[左注]

[_]

[校異]

[_]

[ＫＷ],雑歌,吉野,羈旅,地名

1133

[題詞]（芳野作）

[原文]皇祖神之神宮人冬薯蕷葛弥常敷尓吾反将見

[訓読]すめろきの神の宮人ところづらいやとこしくに我れかへり見む

[仮名],すめろきの,かみのみやひと,ところづら,いやとこしくに,われかへりみむ

[_]

[左注]

[_]

[校異]

[_]

[ＫＷ],雑歌,吉野,地名,土地讃美

1134

[題詞]（芳野作）

[原文]能野川石迹柏等時齒成吾者通万世左右二

[訓読]吉野川巌と栢と常磐なす我れは通はむ万代までに

[仮名],よしのがは,いはとかしはと,ときはなす,われはかよはむ,よろづよまでに

[_]

[左注]

[_]

[校異]

[_]

[ＫＷ],雑歌,吉野,地名,土地讃美

1135

[題詞]山背作

[原文]氏河齒与杼湍無之阿自呂人舟召音越乞所聞

[訓読]宇治川は淀瀬なからし網代人舟呼ばふ声をちこち聞こゆ

[仮名],うぢがはは,よどせなからし,あじろひと,ふねよばふこゑ,をちこちきこゆ

[_]

[左注]

[_]

[校異]

[_]

[ＫＷ],雑歌,京都,羈旅,地名,叙景

1136

[題詞]（山背作）

[原文]氏河尓生菅藻乎河早不取来尓家里Ｌ為益緒

[訓読]宇治川に生ふる菅藻を川早み採らず来にけりつとにせましを

[仮名],うぢがはに,おふるすがもを,かははやみ,とらずきにけり,つとにせましを

[_]

[左注]

[_]

[校異]

[_]

[ＫＷ],雑歌,京都,羈旅,地名

1137

[題詞]（山背作）

[原文]氏人之譬乃足白吾在者今齒<与>良増木積不来友

[訓読]宇治人の譬への網代我れならば今は寄らまし木屑来ずとも

[仮名],うぢひとの,たとへのあじろ,われならば,いまはよらまし,こつみこずとも

[_]

[左注]

[_]

[校異]王 → 与 [万葉集略解] （塙[古義による]）生

[_]

[ＫＷ],雑歌,京都,羈旅,地名

1138

[題詞]（山背作）

[原文]氏河乎船令渡呼跡雖喚不所聞有之楫音毛不為

[訓読]宇治川を舟渡せをと呼ばへども聞こえざるらし楫の音もせず

[仮名],うぢがはを,ふねわたせをと,よばへども,きこえざるらし,かぢのともせず

[_]

[左注]

[_]

[校異]

[_]

[ＫＷ],雑歌,京都,羈旅,地名

1139

[題詞]（山背作）

[原文]千早人氏川浪乎清可毛旅去人之立難為

[訓読]ちはや人宇治川波を清みかも旅行く人の立ちかてにする

[仮名],ちはやひと,うぢがはなみを,きよみかも,たびゆくひとの,たちかてにする

[_]

[左注]

[_]

[校異]

[_]

[ＫＷ],雑歌,京都,羈旅,地名

1140

[題詞]攝津作

[原文]志長鳥居名野乎来者有間山夕霧立宿者無<而> [一本云猪名乃浦廻乎榜来者]

[訓読]しなが鳥猪名野を来れば有馬山夕霧立ちぬ宿りはなくて [一本云猪名の浦みを漕ぎ来れば]

[仮名],しながどり,ゐなのをくれば,ありまやま,ゆふぎりたちぬ,やどりはなくて,[ゐなのうらみを,こぎくれば]

[_]

[左注]

[_]

[校異]為 → 而 [元][類][紀]

[_]

[ＫＷ],雑歌,兵庫,大阪,羈旅,動物,地名

1141

[題詞]（攝津作）

[原文]武庫河水尾急<> 赤駒足何久激沾祁流鴨

[訓読]武庫川の水脈を早みと赤駒の足掻くたぎちに濡れにけるかも

[仮名],むこがはの,みををはやみと,あかごまの,あがくたぎちに,ぬれにけるかも

[_]

[左注]

[_]

[校異]嘉 → <> [元][類]

[_]

[ＫＷ],雑歌,兵庫,大阪,羈旅,地名

1142

[題詞]（攝津作）

[原文]命幸久吉石流垂水々乎結飲都

[訓読]命をし幸くよけむと石走る垂水の水をむすびて飲みつ

[仮名],いのちをし,さきくよけむと,いはばしる,たるみのみづを,むすびてのみつ

[_]

[左注]

[_]

[校異]

[_]

[ＫＷ],雑歌,大阪,羈旅,地名

1143

[題詞]（攝津作）

[原文]作夜深而穿江水手鳴松浦船梶音高之水尾早見鴨

[訓読]さ夜更けて堀江漕ぐなる松浦舟楫の音高し水脈早みかも

[仮名],さよふけて,ほりえこぐなる,まつらぶね,かぢのおとたかし,みをはやみかも

[_]

[左注]

[_]

[校異]船 [類][古][温] 舟

[_]

[ＫＷ],雑歌,大阪,羈旅,地名,叙景

1144

[題詞]（攝津作）

[原文]悔毛満奴流塩鹿墨江之岸乃浦廻従行益物乎

[訓読]悔しくも満ちぬる潮か住吉の岸の浦廻ゆ行かましものを

[仮名],くやしくも,みちぬるしほか,すみのえの,きしのうらみゆ,ゆかましものを

[_]

[左注]

[_]

[校異]

[_]

[ＫＷ],雑歌,大阪,羈旅,地名

1145

[題詞]（攝津作）

[原文]為妹貝乎拾等陳奴乃海尓所沾之袖者雖涼常不干

[訓読]妹がため貝を拾ふと茅渟の海に濡れにし袖は干せど乾かず

[仮名],いもがため,かひをひりふと,ちぬのうみに,ぬれにしそでは,ほせどかわかず

[_]

[左注]

[_]

[校異]

[_]

[ＫＷ],雑歌,大阪,羈旅,地名

1146

[題詞]（攝津作）

[原文]目頬敷人乎吾家尓住吉之岸乃黄土将見因毛欲得

[訓読]めづらしき人を我家に住吉の岸の埴生を見むよしもがも

[仮名],めづらしき,ひとをわぎへに,すみのえの,きしのはにふを,みむよしもがも

[_]

[左注]

[_]

[校異]

[_]

[ＫＷ],雑歌,大阪,羈旅,地名

1147

[題詞]（攝津作）

[原文]暇有者拾尓将徃住吉之岸因云戀忘貝

[訓読]暇あらば拾ひに行かむ住吉の岸に寄るといふ恋忘れ貝

[仮名],いとまあらば,ひりひにゆかむ,すみのえの,きしによるといふ,こひわすれがひ

[_]

[左注]

[_]

[校異]

[_]

[ＫＷ],雑歌,大阪,羈旅,地名,動物

1148

[題詞]（攝津作）

[原文]馬雙而今日吾見鶴住吉之岸之黄土於万世見

[訓読]馬並めて今日我が見つる住吉の岸の埴生を万代に見む

[仮名],うまなめて,けふわがみつる,すみのえの,きしのはにふを,よろづよにみむ

[_]

[左注]

[_]

[校異]馬 [元][類]（塙）駒

[_]

[ＫＷ],雑歌,大阪,羈旅,土地讃美,地名

1149

[題詞]（攝津作）

[原文]住吉尓徃云道尓昨日見之戀忘貝事二四有家里

[訓読]住吉に行くといふ道に昨日見し恋忘れ貝言にしありけり

[仮名],すみのえに,ゆくといふみちに,きのふみし,こひわすれがひ,ことにしありけり

[_]

[左注]

[_]

[校異]

[_]

[ＫＷ],雑歌,大阪,羈旅,望郷,地名,動物

1150

[題詞]（攝津作）

[原文]墨吉之岸尓家欲得奥尓邊尓縁白浪見乍将思

[訓読]住吉の岸に家もが沖に辺に寄する白波見つつ偲はむ

[仮名],すみのえの,きしにいへもが,おきにへに,よするしらなみ,みつつしのはむ

[_]

[左注]

[_]

[校異]

[_]

[ＫＷ],雑歌,大阪,羈旅,望郷,地名

1151

[題詞]（攝津作）

[原文]大伴之三津之濱邊乎打曝因来浪之逝方不知毛

[訓読]大伴の御津の浜辺をうちさらし寄せ来る波のゆくへ知らずも

[仮名],おほともの,みつのはまへを,うちさらし,よせくるなみの,ゆくへしらずも

[_]

[左注]

[_]

[校異]

[_]

[ＫＷ],雑歌,大阪,羈旅,地名,不安

1152

[題詞]（攝津作）

[原文]梶之音曽髣髴為鳴海末通女奥藻苅尓舟出為等思母 [一云暮去者梶之音為奈利]

[訓読]楫の音ぞほのかにすなる海人娘子沖つ藻刈りに舟出すらしも [一云夕されば楫の音すなり]

[仮名],かぢのおとぞ,ほのかにすなる,あまをとめ,おきつもかりに,ふなですらしも,[ゆふされば,かぢのおとすなり]

[_]

[左注]

[_]

[校異]

[_]

[ＫＷ],雑歌,大阪,羈旅,地名

1153

[題詞]（攝津作）

[原文]住吉之名兒之濱邊尓馬立而玉拾之久常不所忘

[訓読]住吉の名児の浜辺に馬立てて玉拾ひしく常忘らえず

[仮名],すみのえの,なごのはまへに,うまたてて,たまひりひしく,つねわすらえず

[_]

[左注]

[_]

[校異]

[_]

[ＫＷ],雑歌,大阪,羈旅,地名

1154

[題詞]（攝津作）

[原文]雨者零借廬者作何暇尓吾兒之塩干尓玉者将拾

[訓読]雨は降る刈廬は作るいつの間に吾児の潮干に玉は拾はむ

[仮名],あめはふる,かりいほはつくる,いつのまに,あごのしほひに,たまはひりはむ

[_]

[左注]

[_]

[校異]

[_]

[ＫＷ],雑歌,大阪,羈旅,地名

1155

[題詞]（攝津作）

[原文]奈呉乃海之朝開之奈凝今日毛鴨礒之浦廻尓乱而将有

[訓読]名児の海の朝明のなごり今日もかも磯の浦廻に乱れてあるらむ

[仮名],なごのうみの,あさけのなごり,けふもかも,いそのうらみに,みだれてあるらむ

[_]

[左注]

[_]

[校異]

[_]

[ＫＷ],雑歌,大阪,羈旅,地名

1156

[題詞]（攝津作）

[原文]住吉之遠里小野之真榛以須礼流衣乃盛過去

[訓読]住吉の遠里小野の真榛もち摺れる衣の盛り過ぎゆく

[仮名],すみのえの,とほさとをのの,まはりもち,すれるころもの,さかりすぎゆく

[_]

[左注]

[_]

[校異]

[_]

[ＫＷ],雑歌,大阪,羈旅,地名

1157

[題詞]（攝津作）

[原文]時風吹麻久不知阿胡乃海之朝明之塩尓玉藻苅奈

[訓読]時つ風吹かまく知らず吾児の海の朝明の潮に玉藻刈りてな

[仮名],ときつかぜ,ふかまくしらず,あごのうみの,あさけのしほに,たまもかりてな

[_]

[左注]

[_]

[校異]

[_]

[ＫＷ],雑歌,大阪,羈旅,地名

1158

[題詞]（攝津作）

[原文]住吉之奥津白浪風吹者来依留濱乎見者浄霜

[訓読]住吉の沖つ白波風吹けば来寄する浜を見れば清しも

[仮名],すみのえの,おきつしらなみ,かぜふけば,きよするはまを,みればきよしも

[_]

[左注]

[_]

[校異]

[_]

[ＫＷ],雑歌,大阪,羈旅,地名,土地讃美

1159

[題詞]（攝津作）

[原文]住吉之岸之松根打曝縁来浪之音之清羅

[訓読]住吉の岸の松が根うちさらし寄せ来る波の音のさやけさ

[仮名],すみのえの,きしのまつがね,うちさらし,よせくるなみの,おとのさやけさ

[_]

[左注]

[_]

[校異]

[_]

[ＫＷ],雑歌,大阪,羈旅,地名,土地讃美

1160

[題詞]（攝津作）

[原文]難波方塩干丹立而見渡者淡路嶋尓多豆渡所見

[訓読]難波潟潮干に立ちて見わたせば淡路の島に鶴渡る見ゆ

[仮名],なにはがた,しほひにたちて,みわたせば,あはぢのしまに,たづわたるみゆ

[_]

[左注]

[_]

[校異]

[_]

[ＫＷ],雑歌,大阪,羈旅,地名,叙景,動物

1161

[題詞]覊旅作

[原文]離家旅西在者秋風寒暮丹鴈喧<度>

[訓読]家離り旅にしあれば秋風の寒き夕に雁鳴き渡る

[仮名],いへざかり,たびにしあれば,あきかぜの,さむきゆふへに,かりなきわたる

[_]

[左注]

[_]

[校異]渡 → 度 [元][類][紀]

[_]

[ＫＷ],雑歌,羈旅,羈旅,動物,叙景

1162

[題詞]（覊旅作）

[原文]圓方之湊之渚鳥浪立也妻唱立而邊近著毛

[訓読]円方の港の洲鳥波立てや妻呼びたてて辺に近づくも

[仮名],まとかたの,みなとのすどり,なみたてや,つまよびたてて,へにちかづくも

[_]

[左注]

[_]

[校異]

[_]

[ＫＷ],雑歌,羈旅,三重県,松坂,地名,叙景

1163

[題詞]（覊旅作）

[原文]年魚市方塩干家良思知多乃浦尓朝榜舟毛奥尓依所見

[訓読]年魚市潟潮干にけらし知多の浦に朝漕ぐ舟も沖に寄る見ゆ

[仮名],あゆちがた,しほひにけらし,したのうらに,あさこぐふねも,おきによるみゆ

[_]

[左注]

[_]

[校異]

[_]

[ＫＷ],雑歌,名古屋,愛知,羈旅,叙景,地名

1164

[題詞]（覊旅作）

[原文]塩干者共滷尓出鳴鶴之音遠放礒廻為等霜

[訓読]潮干ればともに潟に出で鳴く鶴の声遠ざかる磯廻すらしも

[仮名],しほふれば,ともにかたにいで,なくたづの,こゑとほざかる,いそみすらしも

[_]

[左注]

[_]

[校異]

[_]

[ＫＷ],雑歌,羈旅,動物,叙景

1165

[題詞]（覊旅作）

[原文]暮名寸尓求食為鶴塩満者奥浪高三己妻喚

[訓読]夕なぎにあさりする鶴潮満てば沖波高み己妻呼ばふ

[仮名],ゆふなぎに,あさりするたづ,しほみてば,おきなみたかみ,おのづまよばふ

[_]

[左注]

[_]

[校異]

[_]

[ＫＷ],雑歌,羈旅,動物,叙景

1166

[題詞]（覊旅作）

[原文]古尓有監人之覓乍衣丹揩牟真野之榛原

[訓読]いにしへにありけむ人の求めつつ衣に摺りけむ真野の榛原

[仮名],いにしへに,ありけむひとの,もとめつつ,きぬにすりけむ,まののはりはら

[_]

[左注]

[_]

[校異]

[_]

[ＫＷ],雑歌,羈旅,神戸,兵庫,地名,植物

1167

[題詞]（覊旅作）

[原文]朝入為等礒尓吾見之莫告藻乎誰嶋之白水郎可将苅

[訓読]あさりすと礒に我が見しなのりそをいづれの島の海人か刈りけむ

[仮名],あさりすと,いそにわがみし,なのりそを,いづれのしまの,あまかかりけむ

[_]

[左注]

[_]

[校異]

[_]

[ＫＷ],雑歌,羈旅,植物,比喩

1168

[題詞]（覊旅作）

[原文]今日毛可母奥津玉藻者白浪之八重折之於丹乱而将有

[訓読]今日もかも沖つ玉藻は白波の八重をるが上に乱れてあるらむ

[仮名],けふもかも,おきつたまもは,しらなみの,やへをるがうへに,みだれてあるらむ

[_]

[左注]

[_]

[校異]

[_]

[ＫＷ],雑歌,羈旅,植物

1169

[題詞]（覊旅作）

[原文]近江之海湖者八十何尓加 <公>之舟泊草結兼

[訓読]近江の海港は八十ちいづくにか君が舟泊て草結びけむ

[仮名],あふみのうみ,みなとはやそち,いづくにか,きみがふねはて,くさむすびけむ

[_]

[左注]

[_]

[校異]君 → 公 [類][古][紀][温]

[_]

[ＫＷ],雑歌,羈旅,滋賀,地名

1170

[題詞]（覊旅作）

[原文]佐左浪乃連庫山尓雲居者雨會零智否反来吾背

[訓読]楽浪の連庫山に雲居れば雨ぞ降るちふ帰り来我が背

[仮名],ささなみの,なみくらやまに,くもゐれば,あめぞふるちふ,かへりこわがせ

[_]

[左注]

[_]

[校異]

[_]

[ＫＷ],雑歌,滋賀,羈旅,地名,恋情

1171

[題詞]（覊旅作）

[原文]大御舟竟而佐守布高嶋之三尾勝野之奈伎左思所念

[訓読]大御船泊ててさもらふ高島の三尾の勝野の渚し思ほゆ

[仮名],おほみふね,はててさもらふ,たかしまの,みをのかつのの,なぎさしおもほゆ

[_]

[左注]

[_]

[校異]

[_]

[ＫＷ],雑歌,羈旅,滋賀,地名

1172

[題詞]（覊旅作）

[原文]何處可舟乗為家牟高嶋之香取乃浦従己藝出来船

[訓読]いづくにか舟乗りしけむ高島の香取の浦ゆ漕ぎ出来る舟

[仮名],いづくにか,ふなのりしけむ,たかしまの,かとりのうらゆ,こぎでくるふね

[_]

[左注]

[_]

[校異]

[_]

[ＫＷ],雑歌,羈旅,滋賀,地名

1173

[題詞]（覊旅作）

[原文]斐太人之真木流云尓布乃河事者雖通船會不通

[訓読]飛騨人の真木流すといふ丹生の川言は通へど舟ぞ通はぬ

[仮名],ひだひとの,まきながすといふ,にふのかは,ことはかよへど,ふねぞかよはぬ

[_]

[左注]

[_]

[校異]

[_]

[ＫＷ],雑歌,羈旅,岐阜県,小八賀川,謡物,地名

1174

[題詞]（覊旅作）

[原文]霰零鹿嶋之埼乎浪高過而夜将行戀敷物乎

[訓読]霰降り鹿島の崎を波高み過ぎてや行かむ恋しきものを

[仮名],あられふり,かしまのさきを,なみたかみ,すぎてやゆかむ,こほしきものを

[_]

[左注]

[_]

[校異]

[_]

[ＫＷ],雑歌,羈旅,茨城,土地讃美,地名,枕詞

1175

[題詞]（覊旅作）

[原文]足柄乃筥根飛超行鶴乃乏見者日本之所念

[訓読]足柄の箱根飛び越え行く鶴の羨しき見れば大和し思ほゆ

[仮名],あしがらの,はこねとびこえ,ゆくたづの,ともしきみれば,やまとしおもほゆ

[_]

[左注]

[_]

[校異]1176と順序入れ替え [元][紀]

[_]

[ＫＷ],雑歌,羈旅,神奈川,望郷,動物,地名

1176

[題詞]（覊旅作）

[原文]夏麻引海上滷乃 <奥>洲尓鳥<者>簀竹跡君者音文不為

[訓読]夏麻引く海上潟の沖つ洲に鳥はすだけど君は音もせず

[仮名],なつそびく,うなかみがたの,おきつすに,とりはすだけど,きみはおともせず

[_]

[左注]

[_]

[校異]奥津 → 奥 [元][類][紀] / <> → 者 [西（右書）][元][類][紀] / 君者 [類][古][紀] 君

[_]

[ＫＷ],雑歌,羈旅,千葉,地名,動物

1177

[題詞]（覊旅作）

[原文]若狭在三方之海之濱清美伊徃變良比見跡不飽可聞

[訓読]若狭なる三方の海の浜清みい行き帰らひ見れど飽かぬかも

[仮名],わかさなる,みかたのうみの,はまきよみ,いゆきかへらひ,みれどあかぬかも

[_]

[左注]

[_]

[校異]

[_]

[ＫＷ],雑歌,羈旅,福井,土地讃美,地名

1178

[題詞]（覊旅作）

[原文]印南野者徃過奴良之天傳日笠浦波立見 [一云思賀麻江者許藝須疑奴良思]

[訓読]印南野は行き過ぎぬらし天伝ふ日笠の浦に波立てり見ゆ [一云飾磨江は漕ぎ過ぎぬらし]

[仮名],いなみのは,ゆきすぎぬらし,あまづたふ,ひかさのうらに,なみたてりみゆ,[しかまえは,こぎすぎぬらし]

[_]

[左注]

[_]

[校異]

[_]

[ＫＷ],雑歌,羈旅,兵庫,地名,叙景

1179

[題詞]（覊旅作）

[原文]家尓之弖吾者将戀名印南野乃淺茅之上尓照之月夜乎

[訓読]家にして我れは恋ひむな印南野の浅茅が上に照りし月夜を

[仮名],いへにして,あれはこひむな,いなみのの,あさぢがうへに,てりしつくよを

[_]

[左注]

[_]

[校異]

[_]

[ＫＷ],雑歌,羈旅,兵庫,土地讃美,地名

1180

[題詞]（覊旅作）

[原文]荒礒超浪乎恐見淡路嶋不見哉将過<去> 幾許近乎

[訓読]荒磯越す波を畏み淡路島見ずか過ぎなむここだ近きを

[仮名],ありそこす,なみをかしこみ,あはぢしま,みずかすぎなむ,ここだちかきを

[_]

[左注]

[_]

[校異]<> → 去 [元][類][古][紀]

[_]

[ＫＷ],雑歌,羈旅,兵庫,地名

1181

[題詞]（覊旅作）

[原文]朝霞不止軽引龍田山船出将為日者吾将戀香聞

[訓読]朝霞止まずたなびく龍田山舟出せむ日は我れ恋ひむかも

[仮名],あさかすみ,やまずたなびく,たつたやま,ふなでしなむひ,あれこひむかも

[_]

[左注]

[_]

[校異]

[_]

[ＫＷ],雑歌,羈旅,龍田,奈良,地名

1182

[題詞]（覊旅作）

[原文]海人小船帆毳張流登見左右荷鞆之浦廻二浪立有所見

[訓読]海人小舟帆かも張れると見るまでに鞆の浦廻に波立てり見ゆ

[仮名],あまをぶね,ほかもはれると,みるまでに,とものうらみに,なみたてりみゆ

[_]

[左注]

[_]

[校異]

[_]

[ＫＷ],雑歌,羈旅,広島,鞆の浦,地名,叙景

1183

[題詞]（覊旅作）

[原文]好去而亦還見六大夫乃手二巻持在鞆之浦廻乎

[訓読]ま幸くてまたかへり見む大夫の手に巻き持てる鞆の浦廻を

[仮名],まさきくて,またかへりみむ,ますらをの,てにまきもてる,とものうらみを

[_]

[左注]

[_]

[校異]

[_]

[ＫＷ],雑歌,羈旅,広島,鞆の浦,地名

1184

[題詞]（覊旅作）

[原文]鳥自物海二浮居而 <奥>浪驂乎聞者數悲哭

[訓読]鳥じもの海に浮き居て沖つ波騒くを聞けばあまた悲しも

[仮名],とりじもの,うみにうきゐて,おきつなみ,さわくをきけば,あまたかなしも

[_]

[左注]

[_]

[校異]奥津 → 奥 [元][類][古][紀]

[_]

[ＫＷ],雑歌,羈旅

1185

[題詞]（覊旅作）

[原文]朝菜寸二真梶榜出而見乍来之三津乃松原浪越似所見

[訓読]朝なぎに真楫漕ぎ出て見つつ来し御津の松原波越しに見ゆ

[仮名],あさなぎに,まかぢこぎでて,みつつこし,みつのまつばら,なみごしにみゆ

[_]

[左注]

[_]

[校異]

[_]

[ＫＷ],雑歌,羈旅,難波,大阪,地名,叙景

1186

[題詞]（覊旅作）

[原文]朝入為流海未通女等之袖通沾西衣雖干跡不乾

[訓読]あさりする海人娘子らが袖通り濡れにし衣干せど乾かず

[仮名],あさりする,あまをとめらが,そでとほり,ぬれにしころも,ほせどかわかず

[_]

[左注]

[_]

[校異]

[_]

[ＫＷ],雑歌,羈旅

1187

[題詞]（覊旅作）

[原文]網引為海子哉見飽浦清荒礒見来吾

[訓読]網引する海人とか見らむ飽の浦の清き荒磯を見に来し我れを

[仮名],あびきする,あまとかみらむ,あくのうらの,きよきありそを,みにこしわれを

[_]

[左注]右一首柿本朝臣人麻呂之歌集出

[_]

[校異]歌 [西] 謌 [西（訂正）] 歌

[_]

[ＫＷ],雑歌,作者：柿本人麻呂歌集,羈旅,和歌山,略体,地名

1188

[題詞]（覊旅作）

[原文]山超而遠津之濱之石管自迄吾来含而有待

[訓読]山越えて遠津の浜の岩つつじ我が来るまでにふふみてあり待て

[仮名],やまこえて,とほつのはまの,いはつつじ,わがくるまでに,ふふみてありまて

[_]

[左注]

[_]

[校異]

[_]

[ＫＷ],雑歌,羈旅,摂津,大阪,別離,地名

1189

[題詞]（覊旅作）

[原文]大海尓荒莫吹四長鳥居名之湖尓舟泊左右手

[訓読]大海にあらしな吹きそしなが鳥猪名の港に舟泊つるまで

[仮名],おほうみに,あらしなふきそ,しながどり,ゐなのみなとに,ふねはつるまで

[_]

[左注]

[_]

[校異]

[_]

[ＫＷ],雑歌,羈旅,兵庫,動物,地名

1190

[題詞]（覊旅作）

[原文]舟盡可志振立而廬利為名子江乃濱邊過不勝鳧

[訓読]舟泊ててかし振り立てて廬りせむ名児江の浜辺過ぎかてぬかも

[仮名],ふねはてて,かしふりたてて,いほりせむ,なごえのはまへ,すぎかてぬかも

[_]

[左注]

[_]

[校異]

[_]

[ＫＷ],雑歌,羈旅,大阪,土地讃美,地名

1191

[題詞]（覊旅作）

[原文]妹門出入乃河之瀬速見吾馬爪衝家思良下

[訓読]妹が門出入の川の瀬を早み我が馬つまづく家思ふらしも

[仮名],いもがかど,いでいりのかはの,せをはやみ,あがうまつまづく,いへもふらしも

[_]

[左注]

[_]

[校異]

[_]

[ＫＷ],雑歌,羈旅,望郷,地名,枕詞

1192

[題詞]（覊旅作）

[原文]白栲尓丹保布信土之山川尓吾馬難家戀良下

[訓読]白栲ににほふ真土の山川に我が馬なづむ家恋ふらしも

[仮名],しろたへに,にほふまつちの,やまがはに,あがうまなづむ,いへこふらしも

[_]

[左注]

[_]

[校異]

[_]

[ＫＷ],雑歌,羈旅,望郷,紀州,和歌山,地名

1193

[題詞]（覊旅作）

[原文]勢能山尓直向妹之山事聴屋毛打橋渡

[訓読]背の山に直に向へる妹の山事許せやも打橋渡す

[仮名],せのやまに,ただにむかへる,いものやま,ことゆるせやも,うちはしわたす

[_]

[左注]

[_]

[校異]

[_]

[ＫＷ],雑歌,羈旅,和歌山,地名

1194

[題詞]（覊旅作）

[原文]木國之狭日鹿乃浦尓出見者海人之燎火浪間従所見

[訓読]紀の国の雑賀の浦に出で見れば海人の燈火波の間ゆ見ゆ

[仮名],きのくにの,さひかのうらに,いでみれば,あまのともしび,なみのまゆみゆ

[_]

[左注]（右七首者藤原卿作未審年月）

[_]

[校異]以下、1207までは1222の後 [元][西][細] [寛]、国歌大観の順序に従う

[_]

[ＫＷ],雑歌,作者：藤原房前,藤原麻呂,羈旅,和歌山,地名,叙景

1195

[題詞]（覊旅作）

[原文]麻衣著者夏樫木國之妹背之山二麻蒔吾妹

[訓読]麻衣着ればなつかし紀の国の妹背の山に麻蒔く我妹

[仮名],あさごろも,きればなつかし,きのくにの,いもせのやまに,あさまくわぎも

[_]

[左注]右七首者藤原卿作未審年月

[_]

[校異]

[_]

[ＫＷ],雑歌,作者：藤原房前,藤原麻呂,羈旅,和歌山,地名,植物

1196

[題詞]（覊旅作）

[原文]欲得Ｌ登乞者令取貝拾吾乎沾莫奥津白浪

[訓読]つともがと乞はば取らせむ貝拾ふ我れを濡らすな沖つ白波

[仮名],つともがと,こはばとらせむ,かひひりふ,われをぬらすな,おきつしらなみ

[_]

[左注]？（右件歌者古集中出）

[_]

[校異]

[_]

[ＫＷ],雑歌,作者：古集,羈旅

1197

[題詞]（覊旅作）

[原文]手取之柄二忘跡礒人之曰師戀忘貝言二師有来

[訓読]手に取るがからに忘ると海人の言ひし恋忘れ貝言にしありけり

[仮名],てにとるが,からにわすると,あまのいひし,こひわすれがひ,ことにしありけり

[_]

[左注]？（右件歌者古集中出）

[_]

[校異]

[_]

[ＫＷ],雑歌,作者：古集,羈旅,望郷,動物

1198

[題詞]（覊旅作）

[原文]求食為跡礒二住鶴暁去者濱風寒弥自妻喚毛

[訓読]あさりすと礒に棲む鶴明けされば浜風寒み己妻呼ぶも

[仮名],あさりすと,いそにすむたづ,あけされば,はまかぜさむみ,おのづまよぶも

[_]

[左注]？（右件歌者古集中出）

[_]

[校異]

[_]

[ＫＷ],雑歌,作者：古集,羈旅,望郷,動物

1199

[題詞]（覊旅作）

[原文]藻苅舟奥榜来良之妹之嶋形見之浦尓鶴翔所見

[訓読]藻刈り舟沖漕ぎ来らし妹が島形見の浦に鶴翔る見ゆ

[仮名],もかりふね,おきこぎくらし,いもがしま,かたみのうらに,たづかけるみゆ

[_]

[左注]？（右件歌者古集中出）

[_]

[校異]

[_]

[ＫＷ],雑歌,作者：古集,羈旅,叙景,植物

1200

[題詞]（覊旅作）

[原文]吾舟者従奥莫離向舟片待香光従浦榜将會

[訓読]我が舟は沖ゆな離り迎へ舟方待ちがてり浦ゆ漕ぎ逢はむ

[仮名],わがふねは,おきゆなさかり,むかへぶね,かたまちがてり,うらゆこぎあはむ

[_]

[左注]？（右件歌者古集中出）

[_]

[校異]

[_]

[ＫＷ],雑歌,作者：古集,羈旅,望郷

1201

[題詞]（覊旅作）

[原文]大海之水底豊三立浪之将依思有礒之清左

[訓読]大海の水底響み立つ波の寄らむと思へる礒のさやけさ

[仮名],おほうみの,みなそことよみ,たつなみの,よせむとおもへる,いそのさやけさ

[_]

[左注]？（右件歌者古集中出）

[_]

[校異]

[_]

[ＫＷ],雑歌,作者：古集,羈旅,土地讃美

1202

[題詞]（覊旅作）

[原文]自荒礒毛益而思哉玉之<裏> 離小嶋夢<所>見

[訓読]荒礒ゆもまして思へや玉の浦離れ小島の夢にし見ゆる

[仮名],ありそゆも,ましておもへや,たまのうら,はなれこしまの,いめにしみゆる

[_]

[左注]？（右件歌者古集中出）

[_]

[校異]浦 → 裏 [元][類][古] / 石 → 所 [類]

[_]

[ＫＷ],雑歌,作者：古集,羈旅,和歌山,土地讃美,地名

1203

[題詞]（覊旅作）

[原文]礒上尓爪木折焼為汝等吾潜来之奥津白玉

[訓読]礒の上に爪木折り焚き汝がためと我が潜き来し沖つ白玉

[仮名],いそのうへに,つまきをりたき,ながためと,わがかづきこし,おきつしらたま

[_]

[左注]？（右件歌者古集中出）

[_]

[校異]

[_]

[ＫＷ],雑歌,作者：古集,羈旅

1204

[題詞]（覊旅作）

[原文]濱清美礒尓吾居者見者白水郎可将見釣不為尓

[訓読]浜清み礒に我が居れば見む人は海人とか見らむ釣りもせなくに

[仮名],はまきよみ,いそにわがをれば,みむひとは,あまとかみらむ,つりもせなくに

[_]

[左注]？（右件歌者古集中出）

[_]

[校異]

[_]

[ＫＷ],雑歌,作者：古集,羈旅

1205

[題詞]（覊旅作）

[原文]奥津梶漸々志夫乎欲見吾為里乃隠久惜毛

[訓読]沖つ楫やくやくしぶを見まく欲り我がする里の隠らく惜しも

[仮名],おきつかぢ,やくやくしぶを,みまくほり,わがするさとの,かくらくをしも

[_]

[左注]？（右件歌者古集中出）

[_]

[校異]

[_]

[ＫＷ],雑歌,作者：古集,羈旅

1206

[題詞]（覊旅作）

[原文]奥津波部都藻纒持依来十方君尓益有玉将縁八方 [一云沖津浪邊<浪>布敷縁来登母]

[訓読]沖つ波辺つ藻巻き持ち寄せ来とも君にまされる玉寄せめやも [一云沖つ波辺波しくしく寄せ来とも]

[仮名],おきつなみ,へつもまきもち,よせくとも,きみにまされる,たまよせめやも,[おきつなみ,へなみしくしく,よせくとも]

[_]

[左注]？（右件歌者古集中出）

[_]

[校異]波 → 浪 [元][類][古][紀]

[_]

[ＫＷ],雑歌,作者：古集,羈旅,比喩

1207

[題詞]（覊旅作）

[原文]粟嶋尓許枳将渡等思鞆赤石門浪未佐和来

[訓読]粟島に漕ぎ渡らむと思へども明石の門波いまだ騒けり

[仮名],あはしまに,こぎわたらむと,おもへども,あかしのとなみ,いまださわけり

[_]

[左注]？（右件歌者古集中出）

[_]

[校異]

[_]

[ＫＷ],雑歌,作者：古集,羈旅,兵庫,地名

1208

[題詞]（覊旅作）

[原文]妹尓戀余越去者勢能山之妹尓不戀而有之乏左

[訓読]妹に恋ひ我が越え行けば背の山の妹に恋ひずてあるが羨しさ

[仮名],いもにこひ,わがこえゆけば,せのやまの,いもにこひずて,あるがともしさ

[_]

[左注]

[_]

[校異]1210の次に配列 [類][古][紀] 以下、錯簡により「古集」注の該当歌を変更する。

[_]

[西][寛]国歌大観の配列に従う [ＫＷ],雑歌,羈旅,和歌山,地名,望郷,土地讃美,恋情

1209

[題詞]（覊旅作）

[原文]人在者母之最愛子曽麻毛吉木川邊之妹与<背>山

[訓読]人ならば母が愛子ぞあさもよし紀の川の辺の妹と背の山

[仮名],ひとならば,ははがまなごぞ,あさもよし,きのかはのへの,いもとせのやま

[_]

[左注]

[_]

[校異]背之 → 背 [類][古][紀]

[_]

[ＫＷ],雑歌,羈旅,和歌山,地名

1210

[題詞]（覊旅作）

[原文]吾妹子尓吾戀行者乏雲並居鴨妹与勢能山

[訓読]我妹子に我が恋ひ行けば羨しくも並び居るかも妹と背の山

[仮名],わぎもこに,あがこひゆけば,ともしくも,ならびをるかも,いもとせのやま

[_]

[左注]

[_]

[校異]

[_]

[ＫＷ],雑歌,古集,羈旅,望郷,和歌山,地名,望郷,恋情,土地讃美

1211

[題詞]（覊旅作）

[原文]妹當今曽吾行目耳谷吾耳見乞事不問侶

[訓読]妹があたり今ぞ我が行く目のみだに我れに見えこそ言問はずとも

[仮名],いもがあたり,いまぞわがゆく,めのみだに,われにみえこそ,こととはずとも

[_]

[左注]

[_]

[校異]

[_]

[ＫＷ],雑歌,羈旅,望郷,和歌山,地名

1212

[題詞]（覊旅作）

[原文]足代過而絲鹿乃山之櫻花不散在南還来万代

[訓読]足代過ぎて糸鹿の山の桜花散らずもあらなむ帰り来るまで

[仮名],あてすぎて,いとかのやまの,さくらばな,ちらずもあらなむ,かへりくるまで

[_]

[左注]

[_]

[校異]

[_]

[ＫＷ],雑歌,羈旅,悲別,和歌山,地名,植物

1213

[題詞]（覊旅作）

[原文]名草山事西在来吾戀千重一重名草目名國

[訓読]名草山言にしありけり我が恋ふる千重の一重も慰めなくに

[仮名],なぐさやま,ことにしありけり,あがこふる,ちへのひとへも,なぐさめなくに

[_]

[左注]

[_]

[校異]

[_]

[ＫＷ],雑歌,羈旅,和歌山,望郷,地名

1214

[題詞]（覊旅作）

[原文]安太部去小為手乃山之真木葉毛久不見者蘿生尓家里

[訓読]安太へ行く小為手の山の真木の葉も久しく見ねば蘿生しにけり

[仮名],あだへゆく,をすてのやまの,まきのはも,ひさしくみねば,こけむしにけり

[_]

[左注]

[_]

[校異]

[_]

[ＫＷ],雑歌,羈旅,和歌山,地名,植物

1215

[題詞]（覊旅作）

[原文]玉津嶋能見而伊座青丹吉平城有人之待問者如何

[訓読]玉津島よく見ていませあをによし奈良なる人の待ち問はばいかに

[仮名],たまつしま,よくみていませ,あをによし,ならなるひとの,まちとはばいかに

[_]

[左注]

[_]

[校異]

[_]

[ＫＷ],雑歌,羈旅,和歌山,地名,枕詞

1216

[題詞]（覊旅作）

[原文]塩満者如何将為跡香方便海之神我手渡海部未通女等

[訓読]潮満たばいかにせむとか海神の神が手渡る海人娘子ども

[仮名],しほみたば,いかにせむとか,わたつみの,かみがてわたる,あまをとめども

[_]

[左注]

[_]

[校異]

[_]

[ＫＷ],雑歌,羈旅

1217

[題詞]（覊旅作）

[原文]玉津嶋見之善雲吾無京徃而戀幕思者

[訓読]玉津島見てしよけくも我れはなし都に行きて恋ひまく思へば

[仮名],たまつしま,みてしよけくも,われはなし,みやこにゆきて,こひまくおもへば

[_]

[左注]

[_]

[校異]

[_]

[ＫＷ],雑歌,羈旅,和歌山,望郷,地名

1218

[題詞]（覊旅作）

[原文]黒牛乃海紅丹穂經百礒城乃大宮人四朝入為良霜

[訓読]黒牛の海紅にほふももしきの大宮人しあさりすらしも

[仮名],くろうしのうみ,くれなゐにほふ,ももしきの,おほみやひとし,あさりすらしも

[_]

[左注]（右七首者藤原卿作未審年月）

[_]

[校異]以下、錯簡により「藤原卿作」左注の該当歌を変更する

[_]

[ＫＷ],雑歌,作者：藤原房前,藤原麻呂,羈旅,和歌山,地名,枕詞,叙景

1219

[題詞]（覊旅作）

[原文]若浦尓白浪立而奥風寒暮者山跡之所念

[訓読]若の浦に白波立ちて沖つ風寒き夕は大和し思ほゆ

[仮名],わかのうらに,しらなみたちて,おきつかぜ,さむきゆふへは,やまとしおもほゆ

[_]

[左注]（右七首者藤原卿作未審年月）

[_]

[校異]

[_]

[ＫＷ],雑歌,作者：藤原房前,藤原麻呂,羈旅,和歌山,地名,望郷

1220

[題詞]（覊旅作）

[原文]為妹玉乎拾跡木國之湯等乃三埼二此日鞍四通

[訓読]妹がため玉を拾ふと紀伊の国の由良の岬にこの日暮らしつ

[仮名],いもがため,たまをひりふと,きのくにの,ゆらのみさきに,このひくらしつ

[_]

[左注]（右七首者藤原卿作未審年月）

[_]

[校異]

[_]

[ＫＷ],雑歌,作者：藤原房前,藤原麻呂,羈旅,和歌山,地名

1221

[題詞]（覊旅作）

[原文]吾舟乃梶者莫引自山跡戀来之心未飽九二

[訓読]我が舟の楫はな引きそ大和より恋ひ来し心いまだ飽かなくに

[仮名],わがふねの,かぢはなひきそ,やまとより,こひこしこころ,いまだあかなくに

[_]

[左注]（右七首者藤原卿作未審年月）

[_]

[校異]

[_]

[ＫＷ],雑歌,作者：藤原房前,藤原麻呂,羈旅,望郷

1222

[題詞]（覊旅作）

[原文]玉津嶋雖見不飽何為而Ｌ持将去不見人之為

[訓読]玉津島見れども飽かずいかにして包み持ち行かむ見ぬ人のため

[仮名],たまつしま,みれどもあかず,いかにして,つつみもちゆかむ,みぬひとのため

[_]

[左注]（右七首者藤原卿作未審年月）

[_]

[校異]

[_]

[ＫＷ],雑歌,作者：藤原房前,藤原麻呂,羈旅,望郷,土地讃美,地名

1223

[題詞]（覊旅作）

[原文]綿之底奥己具舟乎於邊将因風毛吹額波不立而

[訓読]海の底沖漕ぐ舟を辺に寄せむ風も吹かぬか波立てずして

[仮名],わたのそこ,おきこぐふねを,へによせむ,かぜもふかぬか,なみたてずして

[_]

[左注]？（右件歌者古集中出）

[_]

[校異]

[_]

[ＫＷ],雑歌,作者：古集,羈旅

1224

[題詞]（覊旅作）

[原文]大葉山霞蒙狭夜深而吾船将泊停不知文

[訓読]大葉山霞たなびきさ夜更けて我が舟泊てむ泊り知らずも

[仮名],おほばやま,かすみたなびき,さよふけて,わがふねはてむ,とまりしらずも

[_]

[左注]？（右件歌者古集中出）

[_]

[校異]

[_]

[ＫＷ],雑歌,作者：古集,羈旅,滋賀,地名,不安

1225

[題詞]（覊旅作）

[原文]狭夜深而夜中乃方尓欝之苦呼之舟人泊兼鴨

[訓読]さ夜更けて夜中の方におほほしく呼びし舟人泊てにけむかも

[仮名],さよふけて,よなかのかたに,おほほしく,よびしふなびと,はてにけむかも

[_]

[左注]？（右件歌者古集中出）

[_]

[校異]

[_]

[ＫＷ],雑歌,作者：古集,羈旅

1226

[題詞]（覊旅作）

[原文]神前荒石毛不所見浪立奴従何處将行与奇道者無荷

[訓読]三輪の崎荒磯も見えず波立ちぬいづくゆ行かむ避き道はなしに

[仮名],みわのさき,ありそもみえず,なみたちぬ,いづくゆゆかむ,よきぢはなしに

[_]

[左注]？（右件歌者古集中出）

[_]

[校異]

[_]

[ＫＷ],雑歌,作者：古集,羈旅,和歌山,地名

1227

[題詞]（覊旅作）

[原文]礒立奥邊乎見者海藻苅舟海人榜出良之鴨翔所見

[訓読]礒に立ち沖辺を見れば藻刈り舟海人漕ぎ出らし鴨翔る見ゆ

[仮名],いそにたち,おきへをみれば,めかりぶね,あまこぎづらし,かもかけるみゆ

[_]

[左注]？（右件歌者古集中出）

[_]

[校異]

[_]

[ＫＷ],雑歌,作者：古集,羈旅,叙景

1228

[題詞]（覊旅作）

[原文]風早之三穂乃浦廻乎榜舟之船人動浪立良下

[訓読]風早の三穂の浦廻を漕ぐ舟の舟人騒く波立つらしも

[仮名],かざはやの,みほのうらみを,こぐふねの,ふなびとさわく,なみたつらしも

[_]

[左注]？（右件歌者古集中出）

[_]

[校異]

[_]

[ＫＷ],雑歌,作者：古集,羈旅,和歌山,地名

1229

[題詞]（覊旅作）

[原文]吾舟者 <明>石之<湖>尓榜泊牟奥方莫放狭夜深去来

[訓読]我が舟は明石の水門に漕ぎ泊てむ沖へな離りさ夜更けにけり

[仮名],わがふねは,あかしのみとに,こぎはてむ,おきへなさかり,さよふけにけり

[_]

[左注]？（右件歌者古集中出）

[_]

[校異]明且 → 明 [元][古] / 潮 → 湖 [古][紀]

[_]

[ＫＷ],雑歌,作者：古集,羈旅,兵庫,地名

1230

[題詞]（覊旅作）

[原文]千磐破金之三<埼>乎過鞆吾者不忘 <壮>鹿之須賣神

[訓読]ちはやぶる鐘の岬を過ぎぬとも我れは忘れじ志賀の皇神

[仮名],ちはやぶる,かねのみさきを,すぎぬとも,われはわすれじ,しかのすめかみ

[_]

[左注]？（右件歌者古集中出）

[_]

[校異]崎 → 埼 [元][紀][温] / 牡 → 壮 [紀]

[_]

[ＫＷ],雑歌,作者：古集,羈旅,福岡,手向け,地名,枕詞

1231

[題詞]（覊旅作）

[原文]天霧相日方吹羅之水莖之岡水門尓波立渡

[訓読]天霧らひひかた吹くらし水茎の岡の港に波立ちわたる

[仮名],あまぎらひ,ひかたふくらし,みづくきの,をかのみなとに,なみたちわたる

[_]

[左注]？（右件歌者古集中出）

[_]

[校異]

[_]

[ＫＷ],雑歌,作者：古集,羈旅,福岡,地名,叙景

1232

[題詞]（覊旅作）

[原文]大海之波者畏然有十方神乎齊祀而船出為者如何

[訓読]大海の波は畏ししかれども神を斎ひて舟出せばいかに

[仮名],おほうみの,なみはかしこし,しかれども,かみをいはひて,ふなでせばいかに

[_]

[左注]？（右件歌者古集中出）

[_]

[校異]

[_]

[ＫＷ],雑歌,作者：古集,羈旅

1233

[題詞]（覊旅作）

[原文]未通女等之織機上乎真櫛用掻上栲嶋波間従所見

[訓読]娘子らが織る機の上を真櫛もち掻上げ栲島波の間ゆ見ゆ

[仮名],をとめらが,おるはたのうへを,まくしもち,かかげたくしま,なみのまゆみゆ

[_]

[左注]？（右件歌者古集中出）

[_]

[校異]

[_]

[ＫＷ],雑歌,作者：古集,羈旅,島根,地名,序詞,叙景

1234

[題詞]（覊旅作）

[原文]塩早三礒廻荷居者入潮為海人鳥屋見濫多比由久和礼乎

[訓読]潮早み磯廻に居れば潜きする海人とや見らむ旅行く我れを

[仮名],しほはやみ,いそみにをれば,かづきする,あまとやみらむ,たびゆくわれを

[_]

[左注]？（右件歌者古集中出）

[_]

[校異]

[_]

[ＫＷ],雑歌,作者：古集,羈旅

1235

[題詞]（覊旅作）

[原文]浪高之奈何梶<執> 水鳥之浮宿也應為猶哉可榜

[訓読]波高しいかに楫取り水鳥の浮寝やすべきなほや漕ぐべき

[仮名],なみたかし,いかにかぢとり,みづとりの,うきねやすべき,なほやこぐべき

[_]

[左注]？（右件歌者古集中出）

[_]

[校異]取 → 執 [元][類][紀]

[_]

[ＫＷ],雑歌,作者：古集,羈旅,動物

1236

[題詞]（覊旅作）

[原文]夢耳継而所見<乍> 竹嶋之越礒波之敷布所念

[訓読]夢のみに継ぎて見えつつ高島の礒越す波のしくしく思ほゆ

[仮名],いめのみに,つぎてみえつつ,たかしまの,いそこすなみの,しくしくおもほゆ

[_]

[左注]？（右件歌者古集中出）

[_]

[校異]小 → 乍 [万葉集古義]

[_]

[ＫＷ],雑歌,作者：古集,羈旅,滋賀,地名,序詞,望郷

1237

[題詞]（覊旅作）

[原文]静母岸者波者縁家留香此屋通聞乍居者

[訓読]静けくも岸には波は寄せけるかこれの屋通し聞きつつ居れば

[仮名],しづけくも,きしにはなみは,よせけるか,これのやとほし,ききつつをれば

[_]

[左注]？（右件歌者古集中出）

[_]

[校異]

[_]

[ＫＷ],雑歌,作者：古集,羈旅

1238

[題詞]（覊旅作）

[原文]竹嶋乃阿戸白波者動友吾家思五百入そ染

[訓読]高島の安曇白波は騒けども我れは家思ふ廬り悲しみ

[仮名],たかしまの,あどしらなみは,さわけども,われはいへおもふ,いほりかなしみ

[_]

[左注]？（右件歌者古集中出）

[_]

[校異]

[_]

[ＫＷ],雑歌,作者：古集,羈旅,滋賀,望郷,地名

1239

[題詞]（覊旅作）

[原文]大海之礒本由須理立波之将依念有濱之浄奚久

[訓読]大海の礒もと揺り立つ波の寄せむと思へる浜の清けく

[仮名],おほうみの,いそもとゆすり,たつなみの,よせむとおもへる,はまのきよけく

[_]

[左注]？（右件歌者古集中出）

[_]

[校異]

[_]

[ＫＷ],雑歌,作者：古集,羈旅

1240

[題詞]（覊旅作）

[原文]珠匣見諸戸山<矣> 行之鹿齒面白四手古昔所念

[訓読]玉櫛笥みもろと山を行きしかばおもしろくしていにしへ思ほゆ

[仮名],たまくしげ,みもろとやまを,ゆきしかば,おもしろくして,いにしへおもほゆ

[_]

[左注]？（右件歌者古集中出）

[_]

[校異]奚 → 矣 [元][類][紀]

[_]

[ＫＷ],雑歌,作者：古集,羈旅,三輪,奈良,懐旧,枕詞,地名

1241

[題詞]（覊旅作）

[原文]黒玉之玄髪山乎朝越而山下露尓沾来鴨

[訓読]ぬばたまの黒髪山を朝越えて山下露に濡れにけるかも

[仮名],ぬばたまの,くろかみやまを,あさこえて,やましたつゆに,ぬれにけるかも

[_]

[左注]？（右件歌者古集中出）

[_]

[校異]

[_]

[ＫＷ],雑歌,作者：古集,羈旅,奈良,地名

1242

[題詞]（覊旅作）

[原文]足引之山行暮宿借者妹立待而宿将借鴨

[訓読]あしひきの山行き暮らし宿借らば妹立ち待ちてやど貸さむかも

[仮名],あしひきの,やまゆきぐらし,やどからば,いもたちまちて,やどかさむかも

[_]

[左注]？（右件歌者古集中出）

[_]

[校異]

[_]

[ＫＷ],雑歌,作者：古集,羈旅,枕詞

1243

[題詞]（覊旅作）

[原文]視渡者近里廻乎田本欲今衣吾来礼巾振之野尓

[訓読]見わたせば近き里廻をた廻り今ぞ我が来る領巾振りし野に

[仮名],みわたせば,ちかきさとみを,たもとほり,いまぞわがくる,ひれふりしのに

[_]

[左注]？（右件歌者古集中出）

[_]

[校異]

[_]

[ＫＷ],雑歌,作者：古集,羈旅

1244

[題詞]（覊旅作）

[原文]未通女等之放髪乎木綿山雲莫蒙家當将見

[訓読]娘子らが放りの髪を由布の山雲なたなびき家のあたり見む

[仮名],をとめらが,はなりのかみを,ゆふのやま,くもなたなびき,いへのあたりみむ

[_]

[左注]？（右件歌者古集中出）

[_]

[校異]

[_]

[ＫＷ],雑歌,作者：古集,羈旅,大分,望郷,序詞,地名

1245

[題詞]（覊旅作）

[原文]四可能白水郎乃釣船之<た> 不堪情念而出而来家里

[訓読]志賀の海人の釣舟の綱堪へずして心に思ひて出でて来にけり

[仮名],しかのあまの,つりぶねのつな,あへなくも,こころにおもひて,いでてきにけり

[_]

[左注]（右件歌者古集中出）

[_]

[校異]綱 → た [元][紀]

[_]

[ＫＷ],雑歌,作者：古集,羈旅,福岡,地名

1246

[題詞]（覊旅作）

[原文]之加乃白水郎之燒塩煙風乎疾立者不上山尓軽引

[訓読]志賀の海人の塩焼く煙風をいたみ立ちは上らず山にたなびく

[仮名],しかのあまの,しほやくけぶり,かぜをいたみ,たちはのぼらず,やまにたなびく

[_]

[左注]右件歌者古集中出

[_]

[校異]歌 [西] 謌

[_]

[ＫＷ],雑歌,作者：古集,羈旅,福岡,地名,叙景

1247

[題詞]（覊旅作）

[原文]大穴道少御神作妹勢能山見吉

[訓読]大汝少御神の作らしし妹背の山を見らくしよしも

[仮名],おほなむち,すくなみかみの,つくらしし,いもせのやまを,みらくしよしも

[_]

[左注]（右四首柿本朝臣人麻呂之歌集出）

[_]

[校異]

[_]

[ＫＷ],雑歌,作者：柿本人麻呂歌集,羈旅,和歌山,土地讃美,略体,地名

1248

[題詞]（覊旅作）

[原文]吾妹子見偲奥藻花開在我告与

[訓読]我妹子と見つつ偲はむ沖つ藻の花咲きたらば我れに告げこそ

[仮名],わぎもこと,みつつしのはむ,おきつもの,はなさきたらば,われにつげこそ

[_]

[左注]（右四首柿本朝臣人麻呂之歌集出）

[_]

[校異]

[_]

[ＫＷ],雑歌,作者：柿本人麻呂歌集,羈旅,略体,植物

1249

[題詞]（覊旅作）

[原文]君為浮沼池菱採我染袖沾在哉

[訓読]君がため浮沼の池の菱摘むと我が染めし袖濡れにけるかも

[仮名],きみがため,うきぬのいけの,ひしつむと,わがそめしそで,ぬれにけるかも

[_]

[左注]（右四首柿本朝臣人麻呂之歌集出）

[_]

[校異]

[_]

[ＫＷ],雑歌,作者：柿本人麻呂歌集,羈旅,島根,略体,植物,地名

1250

[題詞]（覊旅作）

[原文]妹為菅實採行吾山路惑此日暮

[訓読]妹がため菅の実摘みに行きし我れ山道に惑ひこの日暮らしつ

[仮名],いもがため,すがのみつみに,ゆきしわれ,やまぢにまとひ,このひくらしつ

[_]

[左注]右四首柿本朝臣人麻呂之歌集出

[_]

[校異]

[_]

[ＫＷ],雑歌,作者：柿本人麻呂歌集,羈旅,略体,植物

1251

[題詞]問答

[原文]佐保河尓鳴成智鳥何師鴨川原乎思努比益河上

[訓読]佐保川に鳴くなる千鳥何しかも川原を偲ひいや川上る

[仮名],さほがはに,なくなるちどり,なにしかも,かはらをしのひ,いやかはのぼる

[_]

[左注]（右二首詠鳥）（右十七首古歌集出）

[_]

[校異]

[_]

[ＫＷ],雑歌,作者：古歌集,問答,奈良,伝誦,寓意,地名,動物

1252

[題詞]（問答）

[原文]人社者意保尓毛言目我幾許師努布川原乎標緒勿謹

[訓読]人こそばおほにも言はめ我がここだ偲ふ川原を標結ふなゆめ

[仮名],ひとこそば,おほにもいはめ,わがここだ,しのふかはらを,しめゆふなゆめ

[_]

[左注]右二首詠鳥（右十七首古歌集出）

[_]

[校異]

[_]

[ＫＷ],雑歌,作者：古歌集,問答,伝誦,寓意

1253

[題詞]（問答）

[原文]神樂浪之思我津乃白水郎者吾無二潜者莫為浪雖不立

[訓読]楽浪の志賀津の海人は我れなしに潜きはなせそ波立たずとも

[仮名],ささなみの,しがつのあまは,あれなしに,かづきはなせそ,なみたたずとも

[_]

[左注]（右二首詠白水郎）（右十七首古歌集出）

[_]

[校異]

[_]

[ＫＷ],雑歌,作者：古歌集,問答,福岡,伝誦,寓意,地名

1254

[題詞]（問答）

[原文]大船尓梶之母有奈牟君無尓潜為八方波雖不起

[訓読]大船に楫しもあらなむ君なしに潜きせめやも波立たずとも

[仮名],おほぶねに,かぢしもあらなむ,きみなしに,かづきせめやも,なみたたずとも

[_]

[左注]右二首詠白水郎（右十七首古歌集出）

[_]

[校異]

[_]

[ＫＷ],雑歌,作者：古歌集,問答,伝誦,寓意

1255

[題詞]臨時

[原文]月草尓衣曽染流君之為綵色衣将摺跡念而

[訓読]月草に衣ぞ染むる君がため斑の衣摺らむと思ひて

[仮名],つきくさに,ころもぞそむる,きみがため,まだらのころも,すらむとおもひて

[_]

[左注]（右十七首古歌集出）

[_]

[校異]綵 [元][類] 深

[_]

[ＫＷ],雑歌,作者：古歌集,臨時,恋歌,植物,女歌

1256

[題詞]（臨時）

[原文]春霞井上<従>直尓道者雖有君尓将相登他廻来毛

[訓読]春霞井の上ゆ直に道はあれど君に逢はむとた廻り来も

[仮名],はるかすみ,ゐのうへゆただに,みちはあれど,きみにあはむと,たもとほりくも

[_]

[左注]（右十七首古歌集出）

[_]

[校異]徒 → 従 [元][類][紀]

[_]

[ＫＷ],雑歌,作者：古歌集,臨時,恋歌,女歌

1257

[題詞]（臨時）

[原文]道邊之草深由利乃花咲尓咲之柄二妻常可云也

[訓読]道の辺の草深百合の花笑みに笑みしがからに妻と言ふべしや

[仮名],みちのへの,くさふかゆりの,はなゑみに,ゑみしがからに,つまといふべしや

[_]

[左注]（右十七首古歌集出）

[_]

[校異]

[_]

[ＫＷ],雑歌,作者：古歌集,臨時

1258

[題詞]（臨時）

[原文]黙然不有跡事之名種尓云言乎聞知良久波少可者有来

[訓読]黙あらじと言のなぐさに言ふことを聞き知れらくは悪しくはありけり

[仮名],もだあらじと,ことのなぐさに,いふことを,ききしれらくは,あしくはありけり

[_]

[左注]（右十七首古歌集出）

[_]

[校異]

[_]

[ＫＷ],雑歌,作者：古歌集,臨時,伝誦

1259

[題詞]（臨時）

[原文]佐伯山于花以之哀我 <手>鴛取而者花散鞆

[訓読]佐伯山卯の花持ちし愛しきが手をし取りてば花は散るとも

[仮名],さへきやま,うのはなまちし,かなしきが,てをしとりてば,はなはちるとも

[_]

[左注]（右十七首古歌集出）

[_]

[校異]子 → 手 [万葉集代匠記（初稿本）]

[_]

[ＫＷ],雑歌,作者：古歌集,臨時,広島,大阪,地名,植物

1260

[題詞]（臨時）

[原文]不時斑衣服欲香 <嶋>針原時二不有鞆

[訓読]時ならぬ斑の衣着欲しきか島の榛原時にあらねども

[仮名],ときならぬ,まだらのころも,きほしきか,しまのはりはら,ときにあらねども

[_]

[左注]（右十七首古歌集出）

[_]

[校異]衣服 → 嶋 [古]

[_]

[ＫＷ],雑歌,作者：古歌集,臨時,飛鳥,植物,地名

1261

[題詞]（臨時）

[原文]山守之里邊通山道曽茂成来忘来下

[訓読]山守の里へ通ひし山道ぞ茂くなりける忘れけらしも

[仮名],やまもりの,さとへかよひし,やまみちぞ,しげくなりける,わすれけらしも

[_]

[左注]（右十七首古歌集出）

[_]

[校異]

[_]

[ＫＷ],雑歌,作者：古歌集,譬喩,恋愛,怨恨

1262

[題詞]（臨時）

[原文]足病之山海石榴開八<峯>越鹿待君之伊波比嬬可聞

[訓読]あしひきの山椿咲く八つ峰越え鹿待つ君が斎ひ妻かも

[仮名],あしひきの,やまつばきさく,やつをこえ,ししまつきみが,いはひつまかも

[_]

[左注]（右十七首古歌集出）

[_]

[校異]岑 → 峯 [類][古][紀] / [元][紀] 1263の次に配列

[_]

[ＫＷ],雑歌,作者：古歌集,怨恨,恋愛,動物,枕詞,比喩

1263

[題詞]（臨時）

[原文]暁跡夜烏雖鳴此山上之木末之於者未静之

[訓読]暁と夜烏鳴けどこの岡の木末の上はいまだ静けし

[仮名],あかときと,よがらすなけど,このをかの,こぬれのうへは,いまだしづけし

[_]

[左注]（右十七首古歌集出）

[_]

[校異]

[_]

[ＫＷ],雑歌,作者：古歌集,恋愛歌,動物

1264

[題詞]（臨時）

[原文]西市尓但獨出而眼不並買師絹之商自許里鴨

[訓読]西の市にただ独り出でて目並べず買ひてし絹の商じこりかも

[仮名],にしのいちに,ただひとりいでて,めならべず,かひてしきぬの,あきじこりかも

[_]

[左注]（右十七首古歌集出）

[_]

[校異]

[_]

[ＫＷ],雑歌,作者：古歌集,譬喩,歌垣,恋愛,奈良,地名

1265

[題詞]（臨時）

[原文]今年去新嶋守之麻衣肩乃間乱者 <誰>取見

[訓読]今年行く新防人が麻衣肩のまよひは誰れか取り見む

[仮名],ことしゆく,にひさきもりが,あさごろも,かたのまよひは,たれかとりみむ

[_]

[左注]（右十七首古歌集出）

[_]

[校異]許誰 → 誰 [元]

[_]

[ＫＷ],雑歌,作者：古歌集,防人,恋愛,妻,羈旅

1266

[題詞]（臨時）

[原文]大舟乎荒海尓榜出八船多氣吾見之兒等之目見者知之母

[訓読]大船を荒海に漕ぎ出でや船たけ我が見し子らがまみはしるしも

[仮名],おほぶねを,あるみにこぎで,やふねたけ,わがみしこらが,まみはしるしも

[_]

[左注]（右十七首古歌集出）

[_]

[校異]

[_]

[ＫＷ],雑歌,作者：古歌集,羈旅,防人,望郷,恋愛

1267

[題詞]就所發思 [旋頭歌]

[原文]百師木乃大宮人之踏跡所奥浪来不依有勢婆不失有麻思乎

[訓読]ももしきの大宮人の踏みし跡ところ沖つ波来寄らずありせば失せずあらましを

[仮名],ももしきの,おほみやひとの,ふみしあとところ,おきつなみ,きよらずありせば ,うせずあらましを

[_]

[左注]右十七首古歌集出

[_]

[校異]歌 [西] 謌 [西（訂正）] 歌

[_]

[ＫＷ],雑歌,作者：古歌集,旋頭歌,羈旅,枕詞

1268

[題詞]（就所發思）

[原文]兒等手乎巻向山者常在常過徃人尓徃巻目八方

[訓読]子らが手を巻向山は常にあれど過ぎにし人に行きまかめやも

[仮名],こらがてを,まきむくやまは,つねにあれど,すぎにしひとに,ゆきまかめやも

[_]

[左注]（右二首柿本朝臣人麻呂<之>歌集出）

[_]

[校異]

[_]

[ＫＷ],雑歌,作者：柿本人麻呂歌集,奈良,哀悼,挽歌,恋愛,非略体,枕詞,地名

1269

[題詞]（就所發思）

[原文]巻向之山邊響而徃水之三名沫如世人吾等者

[訓読]巻向の山辺響みて行く水の水沫のごとし世の人我れは

[仮名],まきむくの,やまへとよみて,ゆくみづの,みなわのごとし,よのひとわれは

[_]

[左注]右二首柿本朝臣人麻呂<之>歌集出

[_]

[校異]<> → 之 [元][紀][温] / 歌 [西] 謌 [西（訂正）] 歌

[_]

[ＫＷ],雑歌,作者：柿本人麻呂歌集,奈良,哀悼,無常,非略体,地名

1270

[題詞]寄物發思

[原文]隠口乃泊瀬之山丹照月者盈ち為焉人之常無

[訓読]こもりくの泊瀬の山に照る月は満ち欠けしけり人の常なき

[仮名],こもりくの,はつせのやまに,てるつきは,みちかけしけり,ひとのつねなき

[_]

[左注]右一首古歌集出

[_]

[校異]

[_]

[ＫＷ],雑歌,作者：古歌集,無常,奈良,枕詞,地名

1271

[題詞]行路

[原文]遠有而雲居尓所見妹家尓早将至歩黒駒

[訓読]遠くありて雲居に見ゆる妹が家に早く至らむ歩め黒駒

[仮名],とほくありて,くもゐにみゆる,いもがいへに,はやくいたらむ,あゆめくろこま

[_]

[左注]右一首柿本朝臣人麻呂之歌集出

[_]

[校異]歌 [西] 謌

[_]

[ＫＷ],雑歌,作者：柿本人麻呂歌集,恋愛,非略体,動物

1272

[題詞]旋頭歌

[原文]劔<後> 鞘納野葛引吾妹真袖以著點等鴨夏草苅母

[訓読]大刀の後鞘に入野に葛引く我妹真袖もち着せてむとかも夏草刈るも

[仮名],たちのしり,さやにいりのに,くずひくわぎも,まそでもち,きせてむとかも,なつくさかるも

[_]

[左注]（右廿三首柿本朝臣人麻呂之歌集出）

[_]

[校異]従 → 後 [古][紀]

[_]

[ＫＷ],雑歌,作者：柿本人麻呂歌集,旋頭歌,恋愛,非略体,植物,地名,枕詞

1273

[題詞]（旋頭歌）

[原文]住吉波豆麻<公>之馬乗衣雜豆臈漢女乎座而縫衣叙

[訓読]住吉の波豆麻の君が馬乗衣さひづらふ漢女を据ゑて縫へる衣ぞ

[仮名],すみのえの,はづまのきみが,うまのりころも,さひづらふ,あやめをすゑて,ぬへるころもぞ

[_]

[左注]（右廿三首柿本朝臣人麻呂之歌集出）

[_]

[校異]君 → 公 [元][古][紀][温]

[_]

[ＫＷ],雑歌,作者：柿本人麻呂歌集,旋頭歌,非略体,地名,大阪

1274

[題詞]（旋頭歌）

[原文]住吉出見濱柴莫苅曽尼未通女等赤裳下閏将徃見

[訓読]住吉の出見の浜の柴な刈りそね娘子らが赤裳の裾の濡れて行かむ見む

[仮名],すみのえの,いでみのはまの,しばなかりそね,をとめらが,あかものすその,ぬれてゆかむみむ

[_]

[左注]（右廿三首柿本朝臣人麻呂之歌集出）

[_]

[校異]

[_]

[ＫＷ],雑歌,作者：柿本人麻呂歌集,旋頭歌,非略体,地名,大阪

1275

[題詞]（旋頭歌）

[原文]住吉小田苅為子賎鴨無奴雖在妹御為私田苅

[訓読]住吉の小田を刈らす子奴かもなき奴あれど妹がみためと私田刈る

[仮名],すみのえの,をだをからすこ,やつこかもなき,やつこあれど,いもがみためと,わたくしだかる

[_]

[左注]（右廿三首柿本朝臣人麻呂之歌集出）

[_]

[校異]

[_]

[ＫＷ],雑歌,作者：柿本人麻呂歌集,旋頭歌,略体,唱和,大阪,地名

1276

[題詞]（旋頭歌）

[原文]池邊小槻下細竹苅嫌其谷 <公>形見尓監乍将偲

[訓読]池の辺の小槻の下の小竹な刈りそねそれをだに君が形見に見つつ偲はむ

[仮名],いけのへの,をつきのしたの,しのなかりそね,それをだに,きみがかたみに,みつつしのはむ

[_]

[左注]（右廿三首柿本朝臣人麻呂之歌集出）

[_]

[校異]君 → 公 [元][古][紀][温]

[_]

[ＫＷ],雑歌,作者：柿本人麻呂歌集,旋頭歌,恋愛,非略体

1277

[題詞]（旋頭歌）

[原文]天在日賣菅原草<莫>苅嫌弥<那>綿香烏髪飽田志付勿

[訓読]天なる日売菅原の草な刈りそね蜷の腸か黒き髪にあくたし付くも

[仮名],あめなる,ひめすがはらの,くさなかりそね,みなのわた,かぐろきかみに,あくたしつくも

[_]

[左注]（右廿三首柿本朝臣人麻呂之歌集出）

[_]

[校異]<> → 莫 [西（右書）][紀][細][温] / <> → 那 [西（右書）][元][紀][細]

[_]

[ＫＷ],雑歌,作者：柿本人麻呂歌集,旋頭歌,恋愛,非略体

1278

[題詞]（旋頭歌）

[原文]夏影房之下<邇> 衣裁吾妹裏儲吾為裁者差大裁

[訓読]夏蔭の妻屋の下に衣裁つ我妹うら設けて我がため裁たばやや大に裁て

[仮名],なつかげの,つまやのしたに,きぬたつわぎも,うらまけて,あがためたたば,ややおほにたて

[_]

[左注]（右廿三首柿本朝臣人麻呂之歌集出）

[_]

[校異]庭 → 邇 [元][古][紀]

[_]

[ＫＷ],雑歌,作者：柿本人麻呂歌集,旋頭歌,恋愛,非略体

1279

[題詞]（旋頭歌）

[原文]梓弓引津邊在莫謂花及採不相有目八方勿謂花

[訓読]梓弓引津の辺なるなのりその花摘むまでに逢はずあらめやもなのりその花

[仮名],あづさゆみ,ひきつのへなる,なのりそのはな,つむまでに,あはずあらめやも,なのりそのはな

[_]

[左注]（右廿三首柿本朝臣人麻呂之歌集出）

[_]

[校異]

[_]

[ＫＷ],雑歌,作者：柿本人麻呂歌集,福岡,恋愛,非略体,枕詞,地名,植物,旋頭歌

1280

[題詞]（旋頭歌）

[原文]撃日刺宮路行丹吾裳破玉緒念<妄> 家在矣

[訓読]うちひさす宮道を行くに我が裳は破れぬ玉の緒の思ひ乱れて家にあらましを

[仮名],うちひさす,みやぢをゆくに,わがもはやれぬ,たまのをの,おもひみだれて,いへにあらましを

[_]

[左注]（右廿三首柿本朝臣人麻呂之歌集出）

[_]

[校異]委 → 妄（塙）

[_]

[ＫＷ],雑歌,作者：柿本人麻呂歌集,旋頭歌,恋愛,非略体,枕詞

1281

[題詞]（旋頭歌）

[原文]<公>為手力勞織在衣服<叙> 春去何<色> 揩者吉

[訓読]君がため手力疲れ織れる衣ぞ春さらばいかなる色に摺りてばよけむ

[仮名],きみがため,たぢからつかれ,おれるころもぞ,はるさらば,いかなるいろに,すりてばよけむ

[_]

[左注]（右廿三首柿本朝臣人麻呂之歌集出）

[_]

[校異]君 → 公 [元][古][紀][温] / 斜 → 叙 [万葉集全釈] / 々 → 色 [万葉集略解]

[_]

[ＫＷ],雑歌,作者：柿本人麻呂歌集,旋頭歌,恋愛,非略体

1282

[題詞]（旋頭歌）

[原文]橋立倉椅山立白雲見欲我為苗立白雲

[訓読]はしたての倉橋山に立てる白雲見まく欲り我がするなへに立てる白雲

[仮名],はしたての,くらはしやまに,たてるしらくも,みまくほり,わがするなへに,たてるしらくも

[_]

[左注]（右廿三首柿本朝臣人麻呂之歌集出）

[_]

[校異]

[_]

[ＫＷ],雑歌,作者：柿本人麻呂歌集,旋頭歌,奈良,非略体,枕詞,地名

1283

[題詞]（旋頭歌）

[原文]橋立倉椅川石走者裳壮子時我度為石走者裳

[訓読]はしたての倉橋川の石の橋はも男盛りに我が渡りてし石の橋はも

[仮名],はしたての,くらはしがはの,いしのはしはも,をざかりに,わがわたりてし,いしのはしはも

[_]

[左注]（右廿三首柿本朝臣人麻呂之歌集出）

[_]

[校異]

[_]

[ＫＷ],雑歌,作者：柿本人麻呂歌集,旋頭歌,恋愛,追憶,非略体,奈良,地名,枕詞

1284

[題詞]（旋頭歌）

[原文]橋立倉椅川河静菅余苅笠裳不編川静菅

[訓読]はしたての倉橋川の川の静菅我が刈りて笠にも編まぬ川の静菅

[仮名],はしたての,くらはしがはの,かはのしづすげ,わがかりて,かさにもあまぬ,かはのしづすげ

[_]

[左注]（右廿三首柿本朝臣人麻呂之歌集出）

[_]

[校異]

[_]

[ＫＷ],雑歌,作者：柿本人麻呂歌集,奈良,旋頭歌,譬喩,恋愛,非略体,地名,枕詞

1285

[題詞]（旋頭歌）

[原文]春日尚田立羸公哀若草つ無公田立羸

[訓読]春日すら田に立ち疲る君は悲しも若草の妻なき君が田に立ち疲る

[仮名],はるひすら,たにたちつかる,きみはかなしも,わかくさの,つまなききみが,たにたちつかる

[_]

[左注]（右廿三首柿本朝臣人麻呂之歌集出）

[_]

[校異]

[_]

[ＫＷ],雑歌,作者：柿本人麻呂歌集,旋頭歌,恋愛,略体,からかい,枕詞

1286

[題詞]（旋頭歌）

[原文]開木代来背社草勿手折己時立雖榮草勿手折

[訓読]山背の久世の社の草な手折りそ我が時と立ち栄ゆとも草な手折りそ

[仮名],やましろの,くせのやしろの,くさなたをりそ,わがときと,たちさかゆとも,くさなたをりそ

[_]

[左注]（右廿三首柿本朝臣人麻呂之歌集出）

[_]

[校異]

[_]

[ＫＷ],雑歌,作者：柿本人麻呂歌集,旋頭歌,譬喩,恋愛,略体,京都,地名

1287

[題詞]（旋頭歌）

[原文]青角髪依網原人相鴨石走淡海縣物語為

[訓読]青みづら依網の原に人も逢はぬかも石走る近江県の物語りせむ

[仮名],あをみづら,よさみのはらに,ひともあはぬかも,いはばしる,あふみあがたの,ものがたりせむ

[_]

[左注]（右廿三首柿本朝臣人麻呂之歌集出）

[_]

[校異]

[_]

[ＫＷ],雑歌,作者：柿本人麻呂歌集,旋頭歌,大阪,略体,枕詞,地名

1288

[題詞]（旋頭歌）

[原文]水門葦末葉誰手折吾背子振手見我手折

[訓読]港の葦の末葉を誰れか手折りし我が背子が振る手を見むと我れぞ手折りし

[仮名],みなとの,あしのうらばを,たれかたをりし,わがせこが,ふるてをみむと,われぞたをりし

[_]

[左注]（右廿三首柿本朝臣人麻呂之歌集出）

[_]

[校異]

[_]

[ＫＷ],雑歌,作者：柿本人麻呂歌集,旋頭歌,恋愛,略体,植物

1289

[題詞]（旋頭歌）

[原文]垣越犬召越鳥猟為公青山 <葉>茂山邊馬安<公>

[訓読]垣越しに犬呼び越して鳥猟する君青山の茂き山辺に馬休め君

[仮名],かきごしに,いぬよびこして,とがりするきみ,あをやまの,しげきやまへに,うまやすめきみ

[_]

[左注]（右廿三首柿本朝臣人麻呂之歌集出）

[_]

[校異]等 → 葉 [西（訂正右書）][元][古][紀] / 君 → 公 [元][古][紀][温]

[_]

[ＫＷ],雑歌,作者：柿本人麻呂歌集,旋頭歌,誘い歌,略体,動物

1290

[題詞]（旋頭歌）

[原文]海底奥玉藻之名乗曽花妹与吾此何有跡莫語之花

[訓読]海の底沖つ玉藻のなのりその花妹と我れとここにしありとなのりその花

[仮名],わたのそこ,おきつたまもの,なのりそのはな,いもとあれと,ここにしありと,なのりそのはな

[_]

[左注]（右廿三首柿本朝臣人麻呂之歌集出）

[_]

[校異]

[_]

[ＫＷ],雑歌,作者：柿本人麻呂歌集,旋頭歌,恋愛,非略体,植物

1291

[題詞]（旋頭歌）

[原文]此岡 <草>苅小子 <勿>然苅有乍 <公>来座御馬草為

[訓読]この岡に草刈るわらはなしか刈りそねありつつも君が来まさば御馬草にせむ

[仮名],このをかに,くさかるわらは,なしかかりそね,ありつつも,きみがきまさむ,みまくさにせむ

[_]

[左注]（右廿三首柿本朝臣人麻呂之歌集出）

[_]

[校異]莫 → 草 [西（訂正右書）][元][古][紀] / <> → 勿 [元][紀] / 君 → 公 [元][温][矢][京]

[_]

[ＫＷ],雑歌,作者：柿本人麻呂歌集,旋頭歌,略体,恋愛

1292

[題詞]（旋頭歌）

[原文]江林次完也物求吉白栲袖纒上完待我背

[訓読]江林に臥せる獣やも求むるによき白栲の袖巻き上げて獣待つ我が背

[仮名],えはやしに,ふせるししやも,もとむるによき,しろたへの,そでまきあげて,ししまつわがせ

[_]

[左注]（右廿三首柿本朝臣人麻呂之歌集出）

[_]

[校異]

[_]

[ＫＷ],雑歌,作者：柿本人麻呂歌集,旋頭歌,非略体,歌垣,動物

1293

[題詞]（旋頭歌）

[原文]丸雪降遠江吾跡川楊雖苅亦生云余跡川楊

[訓読]霰降り遠つ淡海の吾跡川楊刈れどもまたも生ふといふ吾跡川楊

[仮名],あられふり,とほつあふみの,あとかはやなぎ,かれども,またもおふといふ,あとかはやなぎ

[_]

[左注]（右廿三首柿本朝臣人麻呂之歌集出）

[_]

[校異]

[_]

[ＫＷ],雑歌,作者：柿本人麻呂歌集,旋頭歌,静岡,譬喩,略体,枕詞,植物,地名

1294

[題詞]（旋頭歌）

[原文]朝月日向山月立所見遠妻持在人看乍偲

[訓読]朝月の日向の山に月立てり見ゆ遠妻を待ちたる人し見つつ偲はむ

[仮名],あさづきの,ひむかのやまに,つきたてりみゆ,とほづまを,もちたるひとし,みつつしのはむ

[_]

[左注]右廿三首柿本朝臣人麻呂之歌集出

[_]

[校異]歌 [西] 謌 [西（訂正）] 歌

[_]

[ＫＷ],雑歌,作者：柿本人麻呂歌集,旋頭歌,略体,望郷,宮崎,地名,枕詞

1295

[題詞]（旋頭歌）

[原文]春日在三笠乃山二月船出遊士之飲酒坏尓陰尓所見管

[訓読]春日なる御笠の山に月の舟出づ風流士の飲む酒杯に影に見えつつ

[仮名],かすがなる,みかさのやまに,つきのふねいづ,みやびをの,のむさかづきに,かげにみえつつ

[_]

[左注]

[_]

[校異]

[_]

[ＫＷ],雑歌,旋頭歌,奈良,宴席,地名

譬喩歌

1296

[題詞]寄衣

[原文]今造斑衣服面<影> 吾尓所念末服友

[訓読]今作る斑の衣面影に我れに思ほゆいまだ着ねども

[仮名],いまつくる,まだらのころも,おもかげに,われにおもほゆ,いまだきねども

[_]

[左注]（右十五首柿本朝臣人麻呂之歌集出）

[_]

[校異]歌 [西] 謌 / 就 → 影（塙）

[_]

[ＫＷ],譬喩歌,作者：柿本人麻呂歌集,恋愛,非略体

1297

[題詞]（寄衣）

[原文]紅衣染雖欲著丹穗哉人可知

[訓読]紅に衣染めまく欲しけども着てにほはばか人の知るべき

[仮名],くれなゐに,ころもそめまく,ほしけども,きてにほはばか,ひとのしるべき

[_]

[左注]（右十五首柿本朝臣人麻呂之歌集出）

[_]

[校異]

[_]

[ＫＷ],譬喩歌,作者：柿本人麻呂歌集,恋愛,略体

1298

[題詞]（寄衣）

[原文]<干><各> 人雖云織次我廿物白麻衣

[訓読]かにかくに人は言ふとも織り継がむ我が機物の白麻衣

[仮名],かにかくに,ひとはいふとも,おりつがむ,わがはたものの,しろあさごろも

[_]

[左注]（右十五首柿本朝臣人麻呂之歌集出）

[_]

[校異]千 → 干 [万葉集古義] / 名 → 各 [万葉集古義]

[_]

[ＫＷ],譬喩歌,作者：柿本人麻呂歌集,恋愛,略体

1299

[題詞]寄玉

[原文]安治村十依海船浮白玉採人所知勿

[訓読]あぢ群のとをよる海に舟浮けて白玉採ると人に知らゆな

[仮名],あぢむらの,とをよるうみに,ふねうけて,しらたまとると,ひとにしらゆな

[_]

[左注]（右十五首柿本朝臣人麻呂之歌集出）

[_]

[校異]

[_]

[ＫＷ],譬喩歌,作者：柿本人麻呂歌集,恋愛,略体,動物

1300

[題詞]（寄玉）

[原文]遠近礒中在白玉人不知見依鴨

[訓読]をちこちの礒の中なる白玉を人に知らえず見むよしもがも

[仮名],をちこちの,いそのなかなる,しらたまを,ひとにしらえず,みむよしもがも

[_]

[左注]（右十五首柿本朝臣人麻呂之歌集出）

[_]

[校異]

[_]

[ＫＷ],譬喩歌,作者：柿本人麻呂歌集,恋愛,略体

1301

[題詞]（寄玉）

[原文]海神手纒持在玉故石浦廻潜為鴨

[訓読]海神の手に巻き持てる玉故に礒の浦廻に潜きするかも

[仮名],わたつみの,てにまきもてる,たまゆゑに,いそのうらみに,かづきするかも

[_]

[左注]（右十五首柿本朝臣人麻呂之歌集出）

[_]

[校異]

[_]

[ＫＷ],譬喩歌,作者：柿本人麻呂歌集,恋愛,略体

1302

[題詞]（寄玉）

[原文]海神持在白玉見欲千遍告潜為海子

[訓読]海神の持てる白玉見まく欲り千たびぞ告りし潜きする海人

[仮名],わたつみの,もてるしらたま,みまくほり,ちたびぞのりし,かづきするあま

[_]

[左注]（右十五首柿本朝臣人麻呂之歌集出）

[_]

[校異]

[_]

[ＫＷ],譬喩歌,作者：柿本人麻呂歌集,恋愛,略体

1303

[題詞]（寄玉）

[原文]潜為海子雖告海神心不得所見不云

[訓読]潜きする海人は告れども海神の心し得ねば見ゆといはなくに

[仮名],かづきする,あまはのれども,わたつみの,こころしえねば,みゆといはなくに

[_]

[左注]（右十五首柿本朝臣人麻呂之歌集出）

[_]

[校異]

[_]

[ＫＷ],譬喩歌,作者：柿本人麻呂歌集,恋愛,略体

1304

[題詞]寄木

[原文]天雲棚引山隠在吾<下心> 木葉知

[訓読]天雲のたなびく山の隠りたる我が下心木の葉知るらむ

[仮名],あまくもの,たなびくやまの,こもりたる,あがしたごころ,このはしるらむ

[_]

[左注]（右十五首柿本朝臣人麻呂之歌集出）

[_]

[校異]忘 → 下心 [万葉集略解]

[_]

[ＫＷ],譬喩歌,作者：柿本人麻呂歌集,恋愛,略体

1305

[題詞]（寄木）

[原文]雖見不飽人國山木葉己心名著念

[訓読]見れど飽かぬ人国山の木の葉をし我が心からなつかしみ思ふ

[仮名],みれどあかぬ,ひとくにやまの,このはをし,わがこころから,なつかしみおもふ

[_]

[左注]（右十五首柿本朝臣人麻呂之歌集出）

[_]

[校異]

[_]

[ＫＷ],譬喩歌,作者：柿本人麻呂歌集,和歌山,恋愛,略体,地名

1306

[題詞]寄花

[原文]是山黄葉下花矣我小端見反戀

[訓読]この山の黄葉が下の花を我れはつはつに見てなほ恋ひにけり

[仮名],このやまの,もみちのしたの,はなをわれ,はつはつにみて,なほこひにけり

[_]

[左注]（右十五首柿本朝臣人麻呂之歌集出）

[_]

[校異]

[_]

[ＫＷ],譬喩歌,作者：柿本人麻呂歌集,恋愛,略体

1307

[題詞]寄川

[原文]従此川船可行雖在渡瀬別守人有

[訓読]この川ゆ舟は行くべくありといへど渡り瀬ごとに守る人のありて

[仮名],このかはゆ,ふねはゆくべく,ありといへど,わたりぜごとに,もるひとのありて

[_]

[左注]（右十五首柿本朝臣人麻呂之歌集出）

[_]

[校異]

[_]

[ＫＷ],譬喩歌,作者：柿本人麻呂歌集,恋愛,障害,略体

1308

[題詞]寄海

[原文]大海候水門事有従何方君吾率凌

[訓読]大海をさもらふ港事しあらばいづへゆ君は我を率しのがむ

[仮名],おほうみを,さもらふみなと,ことしあらば,いづへゆきみは,わをゐしのがむ

[_]

[左注]（右十五首柿本朝臣人麻呂之歌集出）

[_]

[校異]海 [元] 船

[_]

[ＫＷ],譬喩歌,作者：柿本人麻呂歌集,恋愛,略体

1309

[題詞]（寄海）

[原文]風吹海荒明日言應久 <公>随

[訓読]風吹きて海は荒るとも明日と言はば久しくあるべし君がまにまに

[仮名],かぜふきて,うみはあるとも,あすといはば,ひさしくあるべし,きみがまにまに

[_]

[左注]（右十五首柿本朝臣人麻呂之歌集出）

[_]

[校異]君 → 公 [西（訂正右書）][元][類][紀]

[_]

[ＫＷ],譬喩歌,作者：柿本人麻呂歌集,恋愛,略体

1310

[題詞]（寄海）

[原文]雲隠小嶋神之恐者目間心間哉

[訓読]雲隠る小島の神の畏けば目こそ隔てれ心隔てや

[仮名],くもがくる,こしまのかみの,かしこけば,めこそへだてれ,こころへだてや

[_]

[左注]右十五首柿本朝臣人麻呂之歌集出

[_]

[校異]

[_]

[ＫＷ],譬喩歌,作者：柿本人麻呂歌集,恋愛,略体

1311

[題詞]寄衣

[原文]橡衣人<皆> 事無跡曰師時従欲服所念

[訓読]橡の衣は人皆事なしと言ひし時より着欲しく思ほゆ

[仮名],つるはみの,きぬはひとみな,ことなしと,いひしときより,きほしくおもほゆ

[_]

[左注]

[_]

[校異]者 → 皆 [元][類][古][紀]

[_]

[ＫＷ],譬喩歌,恋愛,植物

1312

[題詞]（寄衣）

[原文]凡尓吾之念者下服而穢尓師衣乎取而将著八方

[訓読]おほろかに我れし思はば下に着てなれにし衣を取りて着めやも

[仮名],おほろかに,われしおもはば,したにきて,なれにしきぬを,とりてきめやも

[_]

[左注]

[_]

[校異]

[_]

[ＫＷ],譬喩歌,恋愛

1313

[題詞]（寄衣）

[原文]紅之深染之衣下著而上取著者事将成鴨

[訓読]紅の深染めの衣下に着て上に取り着ば言なさむかも

[仮名],くれなゐの,こそめのころも,したにきて,うへにとりきば,ことなさむかも

[_]

[左注]

[_]

[校異]

[_]

[ＫＷ],譬喩歌,恋愛,うわさ

1314

[題詞]（寄衣）

[原文]橡解濯衣之恠殊欲服此暮可聞

[訓読]橡の解き洗ひ衣のあやしくもことに着欲しきこの夕かも

[仮名],つるはみの,ときあらひきぬの,あやしくも,ことにきほしき,このゆふへかも

[_]

[左注]

[_]

[校異]

[_]

[ＫＷ],譬喩歌,恋愛,植物

1315

[題詞]（寄衣）

[原文]橘之嶋尓之居者河遠不曝縫之吾下衣

[訓読]橘の島にし居れば川遠みさらさず縫ひし我が下衣

[仮名],たちばなの,しまにしをれば,かはとほみ,さらさずぬひし,あがしたごろも

[_]

[左注]

[_]

[校異]

[_]

[ＫＷ],譬喩歌,飛鳥,恋愛,後悔,地名

1316

[題詞]寄絲

[原文]河内女之手染之絲乎絡反片絲尓雖有将絶跡念也

[訓読]河内女の手染めの糸を繰り返し片糸にあれど絶えむと思へや

[仮名],かふちめの,てそめのいとを,くりかへし,かたいとにあれど,たえむとおもへや

[_]

[左注]

[_]

[校異]

[_]

[ＫＷ],譬喩歌,恋愛

1317

[題詞]寄玉

[原文]海底沈白玉風吹而海者雖荒不取者不止

[訓読]海の底沈く白玉風吹きて海は荒るとも取らずはやまじ

[仮名],わたのそこ,しづくしらたま,かぜふきて,うみはあるとも,とらずはやまじ

[_]

[左注]

[_]

[校異]

[_]

[ＫＷ],譬喩歌,恋愛

1318

[題詞]（寄玉）

[原文]底清沈有玉乎欲見千遍曽告之潜為白水郎

[訓読]底清み沈ける玉を見まく欲り千たびぞ告りし潜きする海人

[仮名],そこきよみ,しづけるたまを,みまくほり,ちたびぞのりし,かづきするあま

[_]

[左注]

[_]

[校異]

[_]

[ＫＷ],譬喩歌,恋愛

1319

[題詞]（寄玉）

[原文]大海之水底照之石著玉齊而将採風莫吹行年

[訓読]大海の水底照らし沈く玉斎ひて採らむ風な吹きそね

[仮名],おほうみの,みなそこてらし,しづくたま,いはひてとらむ,かぜなふきそね

[_]

[左注]

[_]

[校異]

[_]

[ＫＷ],譬喩歌,恋愛

1320

[題詞]（寄玉）

[原文]水底尓沈白玉誰故心盡而吾不念尓

[訓読]水底に沈く白玉誰が故に心尽して我が思はなくに

[仮名],みなそこに,しづくしらたま,たがゆゑに,こころつくして,わがおもはなくに

[_]

[左注]

[_]

[校異]

[_]

[ＫＷ],譬喩歌,恋愛

1321

[題詞]（寄玉）

[原文]世間常如是耳加結大王白玉之緒絶樂思者

[訓読]世間は常かくのみか結びてし白玉の緒の絶ゆらく思へば

[仮名],よのなかは,つねかくのみか,むすびてし,しらたまのをの,たゆらくおもへば

[_]

[左注]

[_]

[校異]

[_]

[ＫＷ],譬喩歌,恋愛

1322

[題詞]（寄玉）

[原文]伊勢海之白水郎之嶋津我鰒玉取而後毛可戀之将繁

[訓読]伊勢の海の海人の島津が鰒玉採りて後もか恋の繁けむ

[仮名],いせのうみの,あまのしまつが,あはびたま,とりてのちもか,こひのしげけむ

[_]

[左注]

[_]

[校異]

[_]

[ＫＷ],譬喩歌,恋愛,動物

1323

[題詞]（寄玉）

[原文]海之底奥津白玉縁乎無三常如此耳也戀度味試

[訓読]海の底沖つ白玉よしをなみ常かくのみや恋ひわたりなむ

[仮名],わたのそこ,おきつしらたま,よしをなみ,つねかくのみや,こひわたりなむ

[_]

[左注]

[_]

[校異]

[_]

[ＫＷ],譬喩歌,恋愛

1324

[題詞]（寄玉）

[原文]葦根之懃念而結義之玉緒云者人将解八方

[訓読]葦の根のねもころ思ひて結びてし玉の緒といはば人解かめやも

[仮名],あしのねの,ねもころおもひて,むすびてし,たまのをといはば,ひととかめやも

[_]

[左注]

[_]

[校異]

[_]

[ＫＷ],譬喩歌,恋愛,枕詞

1325

[題詞]（寄玉）

[原文]白玉乎手者不纒尓匣耳置有之人曽玉令<詠>流

[訓読]白玉を手には巻かずに箱のみに置けりし人ぞ玉嘆かする

[仮名],しらたまを,てにはまかずに,はこのみに,おけりしひとぞ,たまなげかする

[_]

[左注]

[_]

[校異]泳 → 詠 [元][類][細]

[_]

[ＫＷ],譬喩歌,恋愛

1326

[題詞]（寄玉）

[原文]照左豆我手尓纒古須玉毛欲得其緒者替而吾玉尓将為

[訓読]照左豆が手に巻き古す玉もがもその緒は替へて我が玉にせむ

[仮名],てるさづが,てにまきふるす,たまもがも,そのをはかへて,わがたまにせむ

[_]

[左注]

[_]

[校異]

[_]

[ＫＷ],譬喩歌,恋愛

1327

[題詞]（寄玉）

[原文]秋風者継而莫吹海底奥在玉乎手纒左右二

[訓読]秋風は継ぎてな吹きそ海の底沖なる玉を手に巻くまでに

[仮名],あきかぜは,つぎてなふきそ,わたのそこ,おきなるたまを,てにまくまでに

[_]

[左注]

[_]

[校異]

[_]

[ＫＷ],譬喩歌,恋愛

1328

[題詞]寄日本琴

[原文]伏膝玉之小琴之事無者甚幾許吾将戀也毛

[訓読]膝に伏す玉の小琴の事なくはいたくここだく我れ恋ひめやも

[仮名],ひざにふす,たまのをごとの,ことなくは,いたくここだく,あれこひめやも

[_]

[左注]

[_]

[校異]

[_]

[ＫＷ],譬喩歌,恋愛

1329

[題詞]寄弓

[原文]陸奥之吾田多良真弓著<絃>而引者香人之吾乎事将成

[訓読]陸奥の安達太良真弓弦はけて引かばか人の我を言なさむ

[仮名],みちのくの,あだたらまゆみ,つらはけて,ひかばかひとの,わをことなさむ

[_]

[左注]

[_]

[校異]絲 → 絃 [元][古]

[_]

[ＫＷ],譬喩歌,恋愛,うわさ,植物

1330

[題詞]（寄弓）

[原文]南淵之細川山立檀弓束<纒及> 人二不所知

[訓読]南淵の細川山に立つ檀弓束巻くまで人に知らえじ

[仮名],みなぶちの,ほそかはやまに,たつまゆみ,ゆづかまくまで,ひとにしらえじ

[_]

[左注]

[_]

[校異]級 → 纒及 [古]

[_]

[ＫＷ],譬喩歌,恋愛,うわさ,飛鳥,地名,植物

1331

[題詞]寄山

[原文]磐疊恐山常知管毛吾者戀香同等不有尓

[訓読]岩畳畏き山と知りつつも我れは恋ふるか並にあらなくに

[仮名],いはたたみ,かしこきやまと,しりつつも,あれはこふるか,なみにあらなくに

[_]

[左注]

[_]

[校異]

[_]

[ＫＷ],譬喩歌,恋愛

1332

[題詞]（寄山）

[原文]石金之 <凝>敷山尓入始而山名付染出不勝鴨

[訓読]岩が根のこごしき山に入りそめて山なつかしみ出でかてぬかも

[仮名],いはがねの,こごしきやまに,いりそめて,やまなつかしみ,いでかてぬかも

[_]

[左注]

[_]

[校異]凝木 → 凝 [元]

[_]

[ＫＷ],譬喩歌,恋愛

1333

[題詞]（寄山）

[原文]佐<穂>山乎於凡尓見之鹿跡今見者山夏香思母風吹莫勤

[訓読]佐保山をおほに見しかど今見れば山なつかしも風吹くなゆめ

[仮名],さほやまを,おほにみしかど,いまみれば,やまなつかしも,かぜふくなゆめ

[_]

[左注]

[_]

[校異]保 → 穂 [元][類][紀]

[_]

[ＫＷ],譬喩歌,恋愛,奈良,地名

1334

[題詞]（寄山）

[原文]奥山之於石蘿生恐常思情乎何如裳勢武

[訓読]奥山の岩に苔生し畏けど思ふ心をいかにかもせむ

[仮名],おくやまの,いはにこけむし,かしこけど,おもふこころを,いかにかもせむ

[_]

[左注]

[_]

[校異]

[_]

[ＫＷ],譬喩歌,恋愛

1335

[題詞]（寄山）

[原文]思て痛文為便無玉手次雲飛山仁吾印結

[訓読]思ひあまりいたもすべなみ玉たすき畝傍の山に我れ標結ひつ

[仮名],おもひあまり,いたもすべなみ,たまたすき,うねびのやまに,われしめゆひつ

[_]

[左注]

[_]

[校異]

[_]

[ＫＷ],譬喩歌,橿原,奈良,恋愛,枕詞,地名

1336

[題詞]寄草

[原文]冬隠春乃大野乎焼人者焼不足香文吾情熾

[訓読]冬こもり春の大野を焼く人は焼き足らねかも我が心焼く

[仮名],ふゆこもり,はるのおほのを,やくひとは,やきたらねかも,わがこころやく

[_]

[左注]

[_]

[校異]

[_]

[ＫＷ],譬喩歌,恋愛,枕詞

1337

[題詞]（寄草）

[原文]葛城乃高間草野早知而標指益乎今悔拭

[訓読]葛城の高間の草野早知りて標刺さましを今ぞ悔しき

[仮名],かづらきの,たかまのかやの,はやしりて,しめささましを,いまぞくやしき

[_]

[左注]

[_]

[校異]

[_]

[ＫＷ],譬喩歌,葛城,奈良,恋愛,後悔,地名

1338

[題詞]（寄草）

[原文]吾屋前尓生土針従心毛不想人之衣尓須良由奈

[訓読]我がやどに生ふるつちはり心ゆも思はぬ人の衣に摺らゆな

[仮名],わがやどに,おふるつちはり,こころゆも,おもはぬひとの,きぬにすらゆな

[_]

[左注]

[_]

[校異]

[_]

[ＫＷ],譬喩歌,恋愛,植物

1339

[題詞]（寄草）

[原文]鴨頭草丹服色取揩目伴移變色登称之苦沙

[訓読]月草に衣色どり摺らめどもうつろふ色と言ふが苦しさ

[仮名],つきくさに,ころもいろどり,すらめども,うつろふいろと,いふがくるしさ

[_]

[左注]

[_]

[校異]

[_]

[ＫＷ],譬喩歌,恋愛,植物

1340

[題詞]（寄草）

[原文]紫絲乎曽吾搓足桧之山橘乎将貫跡念而

[訓読]紫の糸をぞ我が搓るあしひきの山橘を貫かむと思ひて

[仮名],むらさきの,いとをぞわがよる,あしひきの,やまたちばなを,ぬかむとおもひて

[_]

[左注]

[_]

[校異]

[_]

[ＫＷ],譬喩歌,恋愛,植物

1341

[題詞]（寄草）

[原文]真珠付越能菅原吾不苅人之苅巻惜菅原

[訓読]真玉つく越智の菅原我れ刈らず人の刈らまく惜しき菅原

[仮名],またまつく,をちのすがはら,われからず,ひとのからまく,をしきすがはら

[_]

[左注]

[_]

[校異]

[_]

[ＫＷ],譬喩歌,恋愛,植物

1342

[題詞]（寄草）

[原文]山高夕日隠奴淺茅原後見多米尓標結申尾

[訓読]山高み夕日隠りぬ浅茅原後見むために標結はましを

[仮名],やまたかみ,ゆふひかくりぬ,あさぢはら,のちみむために,しめゆはましを

[_]

[左注]

[_]

[校異]

[_]

[ＫＷ],譬喩歌,恋愛,植物

1343

[題詞]（寄草）

[原文]事痛者左右将為乎石代之野邊之下草吾之苅而者 [一云紅之寫心哉於妹不相将有]

[訓読]言痛くはかもかもせむを岩代の野辺の下草我れし刈りてば [一云紅の現し心や妹に逢はずあらむ]

[仮名],こちたくは,かもかもせむを,いはしろの,のへのしたくさ,われしかりてば,[くれなゐの,うつしこころや,いもにあはずあらむ]

[_]

[左注]

[_]

[校異]

[_]

[ＫＷ],譬喩歌,異伝,和歌山,うわさ,地名

1344

[題詞]（寄草）

[原文]真鳥住卯名手之神社之菅根乎衣尓書付令服兒欲得

[訓読]真鳥棲む雲梯の杜の菅の根を衣にかき付け着せむ子もがも

[仮名],まとりすむ,うなてのもりの,すがのねを,きぬにかきつけ,きせむこもがも

[_]

[左注]

[_]

[校異]

[_]

[ＫＷ],譬喩歌,橿原,奈良,恋愛,地名,植物

1345

[題詞]（寄草）

[原文]常不人國山乃秋津野乃垣津幡鴛夢見鴨

[訓読]常ならぬ人国山の秋津野のかきつはたをし夢に見しかも

[仮名],つねならぬ,ひとくにやまの,あきづのの,かきつはたをし,いめにみしかも

[_]

[左注]

[_]

[校異]

[_]

[ＫＷ],譬喩歌,和歌山,恋愛,地名,植物

1346

[題詞]（寄草）

[原文]姫押生澤邊之真田葛原何時鴨絡而我衣将服

[訓読]をみなへし佐紀沢の辺の真葛原いつかも繰りて我が衣に着む

[仮名],をみなへし,さきさはのへの,まくずはら,いつかもくりて,わがきぬにきむ

[_]

[左注]

[_]

[校異]

[_]

[ＫＷ],譬喩歌,奈良,恋愛,植物,地名

1347

[題詞]（寄草）

[原文]於君似草登見従我標之野山之淺茅人莫苅根

[訓読]君に似る草と見しより我が標めし野山の浅茅人な刈りそね

[仮名],きみににる,くさとみしより,わがしめし,のやまのあさぢ,ひとなかりそね

[_]

[左注]

[_]

[校異]

[_]

[ＫＷ],譬喩歌,恋愛,植物

1348

[題詞]（寄草）

[原文]三嶋江之玉江之薦乎従標之己我跡曽念雖未苅

[訓読]三島江の玉江の薦を標めしより己がとぞ思ふいまだ刈らねど

[仮名],みしまえの,たまえのこもを,しめしより,おのがとぞおもふ,いまだからねど

[_]

[左注]

[_]

[校異]

[_]

[ＫＷ],譬喩歌,大阪,恋愛,植物

1349

[題詞]（寄草）

[原文]如是為<而>也尚哉将老三雪零大荒木野之小竹尓不有九二

[訓読]かくしてやなほや老いなむみ雪降る大荒木野の小竹にあらなくに

[仮名],かくしてや,なほやおいなむ,みゆきふる,おほあらきのの,しのにあらなくに

[_]

[左注]

[_]

[校異]<> → 而 [西（右書）][元][類][紀]

[_]

[ＫＷ],譬喩歌,奈良,恋愛,植物,地名

1350

[題詞]（寄草）

[原文]淡海之哉八橋乃小竹乎不造<笶>而信有得哉戀敷鬼<呼>

[訓読]近江のや八橋の小竹を矢はがずてまことありえむや恋しきものを

[仮名],あふみのや,やばせのしのを,やはがずて,まことありえむや,こほしきものを

[_]

[左注]

[_]

[校異]矢 → 笶 [元][類][古][紀] / 乎 → 呼 [元][紀]

[_]

[ＫＷ],譬喩歌,滋賀県,恋愛,地名,植物

1351

[題詞]（寄草）

[原文]月草尓衣者将<揩> 朝露尓所沾而後者 <徙>去友

[訓読]月草に衣は摺らむ朝露に濡れての後はうつろひぬとも

[仮名],つきくさに,ころもはすらむ,あさつゆに,ぬれてののちは,うつろひぬとも

[_]

[左注]

[_]

[校異]摺 → 揩 [元] / 徒 → 徙 [元][古][温]

[_]

[ＫＷ],譬喩歌,恋愛,移ろい,植物

1352

[題詞]（寄草）

[原文]吾情湯谷絶谷浮蓴邊毛奥毛依<勝>益士

[訓読]我が心ゆたにたゆたに浮蓴辺にも沖にも寄りかつましじ

[仮名],あがこころ,ゆたにたゆたに,うきぬなは,へにもおきにも,よりかつましじ

[_]

[左注]

[_]

[校異]<> → 勝 [西（右書）][元][類][紀]

[_]

[ＫＷ],譬喩歌,恋愛,植物

1353

[題詞]寄稲

[原文]石上振之早田乎雖不秀繩谷延与守乍将居

[訓読]石上布留の早稲田を秀でずとも縄だに延へよ守りつつ居らむ

[仮名],いそのかみ,ふるのわさだを,ひでずとも,なはだにはへよ,もりつつをらむ

[_]

[左注]

[_]

[校異]

[_]

[ＫＷ],譬喩歌,奈良,恋愛,地名,植物

1354

[題詞]寄木

[原文]白菅之真野乃榛原心従毛不念<吾>之衣尓<揩>

[訓読]白菅の真野の榛原心ゆも思はぬ我れし衣に摺りつ

[仮名],しらすげの,まののはりはら,こころゆも,おもはぬわれし,ころもにすりつ

[_]

[左注]

[_]

[校異]君 → 吾 [元][類][紀] / 摺 → 揩 [元]

[_]

[ＫＷ],譬喩歌,兵庫,恋愛,植物,地名

1355

[題詞]（寄木）

[原文]真木柱作蘇麻人伊左佐目丹借廬之為跡造計米八方

[訓読]真木柱作る杣人いささめに仮廬のためと作りけめやも

[仮名],まきばしら,つくるそまびと,いささめに,かりいほのためと,つくりけめやも

[_]

[左注]

[_]

[校異]

[_]

[ＫＷ],譬喩歌,恋愛

1356

[題詞]（寄木）

[原文]向峯尓立有桃樹 <将>成哉等人曽耳言為汝情勤

[訓読]向つ峰に立てる桃の木ならむやと人ぞささやく汝が心ゆめ

[仮名],むかつをに,たてるもものき,ならむやと,ひとぞささやく,ながこころゆめ

[_]

[左注]

[_]

[校異]<> → 将 [元][類][紀] / 為 [塙本] 焉

[_]

[ＫＷ],譬喩歌,恋愛,植物,歌垣

1357

[題詞]（寄木）

[原文]足乳根乃母之其業桑尚願者衣尓著常云物乎

[訓読]たらちねの母がそのなる桑すらに願へば衣に着るといふものを

[仮名],たらちねの,ははがそのなる,くはすらに,ねがへばきぬに,きるといふものを

[_]

[左注]

[_]

[校異]

[_]

[ＫＷ],譬喩歌,恋愛,枕詞,植物

1358

[題詞]（寄木）

[原文]波之吉也思吾家乃毛桃本繁花耳開而不成在目八方

[訓読]はしきやし我家の毛桃本茂く花のみ咲きてならずあらめやも

[仮名],はしきやし,わぎへのけもも,もとしげく,はなのみさきて,ならずあらめやも

[_]

[左注]

[_]

[校異]

[_]

[ＫＷ],譬喩歌,恋愛,植物

1359

[題詞]（寄木）

[原文]向岳之若楓木下枝取花待伊間尓嘆鶴鴨

[訓読]向つ峰の若桂の木下枝取り花待つい間に嘆きつるかも

[仮名],むかつをの,わかかつらのき,しづえとり,はなまついまに,なげきつるかも

[_]

[左注]

[_]

[校異]向 [元][類][古][紀] 南

[_]

[ＫＷ],譬喩歌,恋愛,植物

1360

[題詞]寄花

[原文]氣緒尓念有吾乎山治左能花尓香<公>之移奴良武

[訓読]息の緒に思へる我れを山ぢさの花にか君がうつろひぬらむ

[仮名],いきのをに,おもへるわれを,やまぢさの,はなにかきみが,うつろひぬらむ

[_]

[左注]

[_]

[校異]君 → 公 [元][類][古][紀]

[_]

[ＫＷ],譬喩歌,恋愛,恨み,失恋,植物

1361

[題詞]（寄花）

[原文]墨吉之淺澤小野之垣津幡衣尓揩著将衣日不知毛

[訓読]住吉の浅沢小野のかきつはた衣に摺り付け着む日知らずも

[仮名],すみのえの,あささはをのの,かきつはた,きぬにすりつけ,きむひしらずも

[_]

[左注]

[_]

[校異]

[_]

[ＫＷ],譬喩歌,恋愛,大阪,地名,植物

1362

[題詞]（寄花）

[原文]秋去者影毛将為跡吾蒔之韓藍之花乎誰採家牟

[訓読]秋さらば移しもせむと我が蒔きし韓藍の花を誰れか摘みけむ

[仮名],あきさらば,うつしもせむと,わがまきし,からあゐのはなを,たれかつみけむ

[_]

[左注]

[_]

[校異]

[_]

[ＫＷ],譬喩歌,恋愛,悔しさ,植物

1363

[題詞]（寄花）

[原文]春日野尓咲有芽子者片枝者未含有言勿絶行年

[訓読]春日野に咲きたる萩は片枝はいまだふふめり言な絶えそね

[仮名],かすがのに,さきたるはぎは,かたえだは,いまだふふめり,ことなたえそね

[_]

[左注]

[_]

[校異]

[_]

[ＫＷ],譬喩歌,恋愛,奈良,地名,植物

1364

[題詞]（寄花）

[原文]欲見戀管待之秋芽子者花耳開而不成可毛将有

[訓読]見まく欲り恋ひつつ待ちし秋萩は花のみ咲きてならずかもあらむ

[仮名],みまくほり,こひつつまちし,あきはぎは,はなのみさきて,ならずかもあらむ

[_]

[左注]

[_]

[校異]

[_]

[ＫＷ],譬喩歌,恋愛,植物

1365

[題詞]（寄花）

[原文]吾妹子之屋前之秋芽子自花者實成而許曽戀益家礼

[訓読]我妹子がやどの秋萩花よりは実になりてこそ恋ひまさりけれ

[仮名],わぎもこが,やどのあきはぎ,はなよりは,みになりてこそ,こひまさりけれ

[_]

[左注]

[_]

[校異]

[_]

[ＫＷ],譬喩歌,恋愛,植物

1366

[題詞]寄鳥

[原文]明日香川七瀬之不行尓住鳥毛意有社波不立目

[訓読]明日香川七瀬の淀に住む鳥も心あれこそ波立てざらめ

[仮名],あすかがは,ななせのよどに,すむとりも,こころあれこそ,なみたてざらめ

[_]

[左注]

[_]

[校異]

[_]

[ＫＷ],譬喩歌,恋愛,うわさ,飛鳥,地名,動物

1367

[題詞]寄獸

[原文]三國山木末尓住歴武佐左妣乃此待鳥如吾<俟>将痩

[訓読]三国山木末に住まふむささびの鳥待つごとく我れ待ち痩せむ

[仮名],みくにやま,こぬれにすまふ,むささびの,とりまつごとく,われまちやせむ

[_]

[左注]

[_]

[校異]侯 → 俟 [西（貼紙）][元][類][紀]

[_]

[ＫＷ],譬喩歌,恋愛,地名,動物

1368

[題詞]寄雲

[原文]石倉之小野従秋津尓發渡雲西裳在哉時乎思将待

[訓読]岩倉の小野ゆ秋津に立ちわたる雲にしもあれや時をし待たむ

[仮名],いはくらの,をのゆあきづに,たちわたる,くもにしもあれや,ときをしまたむ

[_]

[左注]

[_]

[校異]

[_]

[ＫＷ],譬喩歌,恋愛,和歌山県,田辺市,地名

1369

[題詞]寄雷

[原文]天雲近光而響神之見者恐不見者悲毛

[訓読]天雲に近く光りて鳴る神の見れば畏し見ねば悲しも

[仮名],あまくもに,ちかくひかりて,なるかみの,みればかしこし,みねばかなしも

[_]

[左注]

[_]

[校異]

[_]

[ＫＷ],譬喩歌,恋愛,序詞

1370

[題詞]寄雨

[原文]甚多毛不零雨故庭立水太莫逝人之應知

[訓読]はなはだも降らぬ雨故にはたづみいたくな行きそ人の知るべく

[仮名],はなはだも,ふらぬあめゆゑ,にはたづみ,いたくなゆきそ,ひとのしるべく

[_]

[左注]

[_]

[校異]

[_]

[ＫＷ],譬喩歌,恋愛,うわさ

1371

[題詞]（寄雨）

[原文]久堅之雨尓波不著乎恠毛吾袖者干時無香

[訓読]ひさかたの雨には着ぬをあやしくも我が衣手は干る時なきか

[仮名],ひさかたの,あめにはきぬを,あやしくも,わがころもでは,ふるときなきか

[_]

[左注]

[_]

[校異]

[_]

[ＫＷ],譬喩歌,恋愛,枕詞

1372

[題詞]寄月

[原文]三空徃月讀<壮>士夕不去目庭雖見因縁毛無

[訓読]み空行く月読壮士夕さらず目には見れども寄るよしもなし

[仮名],みそらゆく,つくよみをとこ,ゆふさらず,めにはみれども,よるよしもなし

[_]

[左注]

[_]

[校異]牡 → 壮 [元][類][紀]

[_]

[ＫＷ],譬喩歌,恋愛

1373

[題詞]（寄月）

[原文]春日山々高有良之石上菅根将見尓月待難

[訓読]春日山山高くあらし岩の上の菅の根見むに月待ちかたし

[仮名],かすがやま,やまたかくあらし,いはのうへの,すがのねみむに,つきまちかたし

[_]

[左注]

[_]

[校異]

[_]

[ＫＷ],譬喩歌,恋愛,奈良,地名,植物

1374

[題詞]（寄月）

[原文]闇夜者辛苦物乎何時跡吾待月毛早毛照奴賀

[訓読]闇の夜は苦しきものをいつしかと我が待つ月も早も照らぬか

[仮名],やみのよは,くるしきものを,いつしかと,わがまつつきも,はやもてらぬか

[_]

[左注]

[_]

[校異]

[_]

[ＫＷ],譬喩歌,恋愛

1375

[題詞]（寄月）

[原文]朝霜之消安命為誰千歳毛欲得跡吾念莫國

[訓読]朝霜の消やすき命誰がために千年もがもと我が思はなくに

[仮名],あさしもの,けやすきいのち,たがために,ちとせもがもと,わがおもはなくに

[_]

[左注]右一首者不有譬喩歌類也但闇夜歌人所心之故並作此歌因以此歌載於此次

[_]

[校異]譬喩歌 [西] 譬喩謌 [西（訂正）] 譬喩歌 / 作此歌 [西] 作此謌 [西（訂正）] 作此歌

[_]

[ＫＷ],譬喩歌,恋愛,枕詞

1376

[題詞]寄赤土

[原文]山跡之宇陀乃真赤土左丹著者曽許裳香人之吾乎言将成

[訓読]大和の宇陀の真埴のさ丹付かばそこもか人の我を言なさむ

[仮名],やまとの,うだのまはにの,さにつかば,そこもかひとの,わをことなさむ

[_]

[左注]

[_]

[校異]

[_]

[ＫＷ],譬喩歌,奈良,恋愛,うわさ,地名

1377

[題詞]寄神

[原文]木綿懸而祭三諸乃神佐備而齊尓波不在人目多見許<曽>

[訓読]木綿懸けて祭る三諸の神さびて斎むにはあらず人目多みこそ

[仮名],ゆふかけて,まつるみもろの,かむさびて,いむにはあらず,ひとめおほみこそ

[_]

[左注]

[_]

[校異]増 → 曽 [元][類][矢][京]

[_]

[ＫＷ],譬喩歌,恋愛,うわさ,三輪,奈良,地名

1378

[題詞]（寄神）

[原文]木綿懸而齊此神社可超所念可毛戀之繁尓

[訓読]木綿懸けて斎ふこの社越えぬべく思ほゆるかも恋の繁きに

[仮名],ゆふかけて,いはふこのもり,こえぬべく,おもほゆるかも,こひのしげきに

[_]

[左注]

[_]

[校異]

[_]

[ＫＷ],譬喩歌,恋愛,三輪,奈良,地名

1379

[題詞]寄河

[原文]不絶逝明日香川之不逝有者故霜有如人之見國

[訓読]絶えず行く明日香の川の淀めらば故しもあるごと人の見まくに

[仮名],たえずゆく,あすかのかはの,よどめらば,ゆゑしもあるごと,ひとのみまくに

[_]

[左注]

[_]

[校異]

[_]

[ＫＷ],譬喩歌,飛鳥,恋情,停滞,うわさ,地名

1380

[題詞]（寄河）

[原文]明日香川湍瀬尓玉藻者雖生有四賀良美有者靡不相

[訓読]明日香川瀬々に玉藻は生ひたれどしがらみあれば靡きあはなくに

[仮名],あすかがは,せぜにたまもは,おひたれど,しがらみあれば,なびきあはなくに

[_]

[左注]

[_]

[校異]

[_]

[ＫＷ],譬喩歌,飛鳥,恋情,恨み,地名

1381

[題詞]（寄河）

[原文]廣瀬<河> 袖衝許淺乎也心深目手吾念有良武

[訓読]広瀬川袖漬くばかり浅きをや心深めて我が思へるらむ

[仮名],ひろせがは,そでつくばかり,あさきをや,こころふかめて,わがおもへるらむ

[_]

[左注]

[_]

[校異]川 → 河 [元][類][古][紀]

[_]

[ＫＷ],譬喩歌,奈良,恋情,地名

1382

[題詞]（寄河）

[原文]泊瀬川流水沫之絶者許曽吾念心不遂登思齒目

[訓読]泊瀬川流るる水沫の絶えばこそ我が思ふ心遂げじと思はめ

[仮名],はつせがは,ながるるみなわの,たえばこそ,あがおもふこころ,とげじとおもはめ

[_]

[左注]

[_]

[校異]

[_]

[ＫＷ],譬喩歌,奈良,恋情,地名

1383

[題詞]（寄河）

[原文]名毛伎世婆人可知見山川之瀧情乎塞敢<而>有鴨

[訓読]嘆きせば人知りぬべみ山川のたぎつ心を塞かへてあるかも

[仮名],なげきせば,ひとしりぬべみ,やまがはの,たぎつこころを,せかへてあるかも

[_]

[左注]

[_]

[校異]与 → 而 [西（訂正）][元][類][紀]

[_]

[ＫＷ],譬喩歌,恋情,うわさ

1384

[題詞]（寄河）

[原文]水隠尓氣衝餘早川之瀬者立友人二将言八方

[訓読]水隠りに息づきあまり早川の瀬には立つとも人に言はめやも

[仮名],みごもりに,いきづきあまり,はやかはの,せにはたつとも,ひとにいはめやも

[_]

[左注]

[_]

[校異]

[_]

[ＫＷ],譬喩歌,恋情

1385

[題詞]寄埋木

[原文]真そ持弓削河原之埋木之不可顕事<尓>不有君

[訓読]真鉋持ち弓削の川原の埋れ木のあらはるましじきことにあらなくに

[仮名],まかなもち,ゆげのかはらの,うもれぎの,あらはるましじき,ことにあらなくに

[_]

[左注]

[_]

[校異]等 → 尓 [元][類][古][紀]

[_]

[ＫＷ],譬喩歌,大阪,恋情,人目,地名

1386

[題詞]寄海

[原文]大船尓真梶繁貫水手出去之奥<者>将深潮者干去友

[訓読]大船に真楫しじ貫き漕ぎ出なば沖は深けむ潮は干ぬとも

[仮名],おほぶねに,まかぢしじぬき,こぎでなば,おきはふかけむ,しほはひぬとも

[_]

[左注]

[_]

[校異]<> → 者 [元][類][古][紀]

[_]

[ＫＷ],譬喩歌,恋情

1387

[題詞]（寄海）

[原文]伏超従去益物乎間守尓所打沾浪不數為而

[訓読]伏越ゆ行かましものをまもらふにうち濡らさえぬ波数まずして

[仮名],ふしこえゆ,ゆかましものを,まもらふに,うちぬらさえぬ,なみよまずして

[_]

[左注]

[_]

[校異]

[_]

[ＫＷ],譬喩歌,恋情

1388

[題詞]（寄海）

[原文]石灑岸之浦廻尓縁浪邊尓来依者香言之将繁

[訓読]石そそき岸の浦廻に寄する波辺に来寄らばか言の繁けむ

[仮名],いはそそき,きしのうらみに,よするなみ,へにきよらばか,ことのしげけむ

[_]

[左注]

[_]

[校異]

[_]

[ＫＷ],譬喩歌,恋情,うわさ

1389

[題詞]（寄海）

[原文]礒之浦尓来依白浪反乍過不勝者 <誰>尓絶多倍

[訓読]礒の浦に来寄る白波返りつつ過ぎかてなくは誰れにたゆたへ

[仮名],いそのうらに,きよるしらなみ,かへりつつ,すぎかてなくは,たれにたゆたへ

[_]

[左注]

[_]

[校異]雉 → 誰 [元][類][古][紀]

[_]

[ＫＷ],譬喩歌,恋情

1390

[題詞]（寄海）

[原文]淡海之海浪恐登風守年者也将經去榜者無二

[訓読]近江の海波畏みと風まもり年はや経なむ漕ぐとはなしに

[仮名],あふみのうみ,なみかしこみと,かぜまもり,としはやへなむ,こぐとはなしに

[_]

[左注]

[_]

[校異]

[_]

[ＫＷ],譬喩歌,滋賀,恋情,琵琶湖,地名

1391

[題詞]（寄海）

[原文]朝奈藝尓来依白浪欲見吾雖為風許増不令依

[訓読]朝なぎに来寄る白波見まく欲り我れはすれども風こそ寄せね

[仮名],あさなぎに,きよるしらなみ,みまくほり,われはすれども,かぜこそよせね

[_]

[左注]

[_]

[校異]

[_]

[ＫＷ],譬喩歌,恋情

1392

[題詞]寄浦沙

[原文]紫之名高浦之愛子地袖耳觸而不寐香将成

[訓読]紫の名高の浦の真砂土袖のみ触れて寝ずかなりなむ

[仮名],むらさきの,なたかのうらの,まなごつち,そでのみふれて,ねずかなりなむ

[_]

[左注]

[_]

[校異]

[_]

[ＫＷ],譬喩歌,和歌山,恋情,地名

1393

[題詞]（寄浦沙）

[原文]豊國之 <聞>之濱邊之愛子地真直之有者何如将嘆

[訓読]豊国の企救の浜辺の真砂土真直にしあらば何か嘆かむ

[仮名],とよくにの,きくのはまへの,まなごつち,まなほにしあらば,なにかなげかむ

[_]

[左注]

[_]

[校異]間 → 聞 [西（頭書）]

[_]

[ＫＷ],譬喩歌,福岡県,恋愛,恨み,地名

1394

[題詞]寄藻

[原文]塩満者入流礒之草有哉見良久少戀良久乃太寸

[訓読]潮満てば入りぬる礒の草なれや見らく少く恋ふらくの多き

[仮名],しほみてば,いりぬるいその,くさなれや,みらくすくなく,こふらくのおほき

[_]

[左注]

[_]

[校異]太 [類][紀] 大

[_]

[ＫＷ],譬喩歌,恋愛

1395

[題詞]（寄藻）

[原文]奥浪依流荒礒之名告藻者心中尓疾跡成有

[訓読]沖つ波寄する荒礒のなのりそは心のうちに障みとなれり

[仮名],おきつなみ,よするありその,なのりそは,こころのうちに,つつみとなれり

[_]

[左注]

[_]

[校異]

[_]

[ＫＷ],譬喩歌,恋愛,植物

1396

[題詞]（寄藻）

[原文]紫之名高浦乃名告藻之於礒将靡時待吾乎

[訓読]紫の名高の浦のなのりその礒に靡かむ時待つ我れを

[仮名],むらさきの,なたかのうらの,なのりその,いそになびかむ,ときまつわれを

[_]

[左注]

[_]

[校異]

[_]

[ＫＷ],譬喩歌,和歌山,恋愛,地名,植物

1397

[題詞]（寄藻）

[原文]荒礒超浪者恐然為蟹海之玉藻之憎者不有手

[訓読]荒礒越す波は畏ししかすがに海の玉藻の憎くはあらずて

[仮名],ありそこす,なみはかしこし,しかすがに,うみのたまもの,にくくはあらずて

[_]

[左注]

[_]

[校異]

[_]

[ＫＷ],譬喩歌,恋情,植物

1398

[題詞]寄船

[原文]神樂聲浪乃四賀津之浦能船乗尓乗西意常不所忘

[訓読]楽浪の志賀津の浦の舟乗りに乗りにし心常忘らえず

[仮名],ささなみの,しがつのうらの,ふなのりに,のりにしこころ,つねわすらえず

[_]

[左注]

[_]

[校異]

[_]

[ＫＷ],譬喩歌,滋賀,琵琶湖,恋情,地名,序詞

1399

[題詞]（寄船）

[原文]百傳八十之嶋廻乎榜船尓乗<尓志>情忘不得裳

[訓読]百伝ふ八十の島廻を漕ぐ舟に乗りにし心忘れかねつも

[仮名],ももづたふ,やそのしまみを,こぐふねに,のりにしこころ,わすれかねつも

[_]

[左注]

[_]

[校異]西 → 尓志 [元][類][紀]

[_]

[ＫＷ],譬喩歌,恋情,枕詞,序詞

1400

[題詞]（寄船）

[原文]嶋傳足速乃小舟風守年者也經南相常齒無二

[訓読]島伝ふ足早の小舟風まもり年はや経なむ逢ふとはなしに

[仮名],しまづたふ,あばやのをぶね,かぜまもり,としはやへなむ,あふとはなしに

[_]

[左注]

[_]

[校異]

[_]

[ＫＷ],譬喩歌,恋情

1401

[題詞]（寄船）

[原文]水霧相奥津小嶋尓風乎疾見船縁金都心者念杼

[訓読]水霧らふ沖つ小島に風をいたみ舟寄せかねつ心は思へど

[仮名],みなぎらふ,おきつこしまに,かぜをいたみ,ふねよせかねつ,こころはおもへど

[_]

[左注]

[_]

[校異]

[_]

[ＫＷ],譬喩歌,恋情,枕詞

1402

[題詞]（寄船）

[原文]殊放者奥従酒甞湊自邊著經時尓可放鬼香

[訓読]こと放けば沖ゆ放けなむ港より辺著かふ時に放くべきものか

[仮名],ことさけば,おきゆさけなむ,みなとより,へつかふときに,さくべきものか

[_]

[左注]

[_]

[校異]

[_]

[ＫＷ],譬喩歌,恋情

1403

[題詞]旋頭歌

[原文]三幣帛取神之祝我鎮齊杉原燎木伐殆之國手斧所取奴

[訓読]御幣取り三輪の祝が斎ふ杉原薪伐りほとほとしくに手斧取らえぬ

[仮名],みぬさとり,みわのはふりが,いはふすぎはら,たきぎこり,ほとほとしくに,てをのとらえぬ

[_]

[左注]

[_]

[校異]歌 [西] 謌

[_]

[ＫＷ],譬喩歌,旋頭歌,三輪,奈良,恋情,戯笑,地名

挽歌

1404

[題詞]挽歌

[原文]鏡成吾見之君乎阿婆乃野之花橘之珠尓拾都

[訓読]鏡なす我が見し君を阿婆の野の花橘の玉に拾ひつ

[仮名],かがみなす,わがみしきみを,あばののの,はなたちばなの,たまにひりひつ

[_]

[左注]

[_]

[校異]

[_]

[ＫＷ],挽歌,奈良,地名,植物

1405

[題詞]

[原文]蜻野Ｓ人之懸者朝蒔君之所思而嗟齒不病

[訓読]秋津野を人の懸くれば朝撒きし君が思ほえて嘆きはやまず

[仮名],あきづのを,ひとのかくれば,あさまきし,きみがおもほえて,なげきはやまず

[_]

[左注]

[_]

[校異]

[_]

[ＫＷ],挽歌,吉野,地名

1406

[題詞]

[原文]秋津野尓朝居雲之失去者前裳今裳無人所念

[訓読]秋津野に朝居る雲の失せゆけば昨日も今日もなき人思ほゆ

[仮名],あきづのに,あさゐるくもの,うせゆけば,きのふもけふも,なきひとおもほゆ

[_]

[左注]

[_]

[校異]

[_]

[ＫＷ],挽歌,吉野,地名

1407

[題詞]

[原文]隠口乃泊瀬山尓霞立棚引雲者妹尓鴨在武

[訓読]隠口の泊瀬の山に霞立ちたなびく雲は妹にかもあらむ

[仮名],こもりくの,はつせのやまに,かすみたち,たなびくくもは,いもにかもあらむ

[_]

[左注]

[_]

[校異]

[_]

[ＫＷ],挽歌,奈良,初瀬,地名

1408

[題詞]

[原文]狂語香逆言哉隠口乃泊瀬山尓廬為云

[訓読]たはことかおよづれことかこもりくの泊瀬の山に廬りせりといふ

[仮名],たはことか,およづれことか,こもりくの,はつせのやまに,いほりせりといふ

[_]

[左注]

[_]

[校異]

[_]

[ＫＷ],挽歌,初瀬,地名

1409

[題詞]

[原文]秋山黄葉Ａ怜浦觸而入西妹者待不来

[訓読]秋山の黄葉あはれとうらぶれて入りにし妹は待てど来まさず

[仮名],あきやまの,もみちあはれと,うらぶれて,いりにしいもは,まてどきまさず

[_]

[左注]

[_]

[校異]

[_]

[ＫＷ],挽歌,亡妻歌,植物

1410

[題詞]

[原文]世間者信二代者不徃有之過妹尓不相念者

[訓読]世間はまこと二代はゆかざらし過ぎにし妹に逢はなく思へば

[仮名],よのなかは,まことふたよは,ゆかざらし,すぎにしいもに,あはなくおもへば

[_]

[左注]

[_]

[校異]

[_]

[ＫＷ],挽歌,亡妻歌

1411

[題詞]

[原文]福何有人香黒髪之白成左右妹之音乎聞

[訓読]幸はひのいかなる人か黒髪の白くなるまで妹が声を聞く

[仮名],さきはひの,いかなるひとか,くろかみの,しろくなるまで,いもがこゑをきく

[_]

[左注]

[_]

[校異]

[_]

[ＫＷ],挽歌,亡妻歌

1412

[題詞]

[原文]吾背子乎何處行目跡辟竹之背向尓宿之久今思悔裳

[訓読]我が背子をいづち行かめとさき竹のそがひに寝しく今し悔しも

[仮名],わがせこを,いづちゆかめと,さきたけの,そがひにねしく,いましくやしも

[_]

[左注]

[_]

[校異]

[_]

[ＫＷ],挽歌,後悔,枕詞

1413

[題詞]

[原文]庭津鳥 <可>鷄乃垂尾乃乱尾乃長心毛不所念鴨

[訓読]庭つ鳥鶏の垂り尾の乱れ尾の長き心も思ほえぬかも

[仮名],にはつとり,かけのたりをの,みだれをの,ながきこころも,おもほえぬかも

[_]

[左注]

[_]

[校異]下 → 可 [類][紀][温]

[_]

[ＫＷ],挽歌,枕詞,動物,枕詞

1414

[題詞]

[原文]薦枕相巻之兒毛在者社夜乃深良久毛吾惜責

[訓読]薦枕相枕きし子もあらばこそ夜の更くらくも我が惜しみせめ

[仮名],こもまくら,あひまきしこも,あらばこそ,よのふくらくも,わがをしみせめ

[_]

[左注]

[_]

[校異]

[_]

[ＫＷ],挽歌,枕詞

1415

[題詞]

[原文]玉梓能妹者珠氈足氷木乃清山邊蒔散<と>

[訓読]玉梓の妹は玉かもあしひきの清き山辺に撒けば散りぬる

[仮名],たまづさの,いもはたまかも,あしひきの,きよきやまへに,まけばちりぬる

[_]

[左注]

[_]

[校異]染 → と [古]

[_]

[ＫＷ],挽歌,亡妻歌,枕詞,葬儀

1416

[題詞]或本歌曰

[原文]玉梓之妹者花可毛足日木乃此山影尓麻氣者失留

[訓読]玉梓の妹は花かもあしひきのこの山蔭に撒けば失せぬる

[仮名],たまづさの,いもははなかも,あしひきの,このやまかげに,まけばうせぬる

[_]

[左注]

[_]

[校異]歌 [西] 謌

[_]

[ＫＷ],挽歌,亡妻歌,枕詞,葬儀

1417

[題詞]羈旅歌

[原文]名兒乃海乎朝榜来者海中尓鹿子曽鳴成Ａ怜其水手

[訓読]名児の海を朝漕ぎ来れば海中に鹿子ぞ鳴くなるあはれその鹿子

[仮名],なこのうみを,あさこぎくれば,わたなかに,かこぞなくなる,あはれそのかこ

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],挽歌,大阪,地名,動物