万葉集 (Manyoshu) :: :: University of Virginia Library

万葉集 (Manyoshu)

第一巻

第八巻

10.

11.

12.

13.

14.

15.

16.

17.

18.

19.

20.

Collapse All | Expand All expand section

8. 第八巻

春雜歌

1418

[題詞]志貴皇子懽御歌一首

[原文]石激垂見之上乃左和良妣乃毛要出春尓成来鴨

[訓読]石走る垂水の上のさわらびの萌え出づる春になりにけるかも

[仮名],いはばしる,たるみのうへの,さわらびの,もえいづるはるに,なりにけるかも

[_]

[左注]

[_]

[校異]歌 [西] 謌 [西（訂正）] 歌 / 歌 [西] 謌 [西（訂正）] 歌 / 激 [類] 灑

[_]

[ＫＷ],春雑歌,作者：志貴皇子,喜び,植物

1419

[題詞]鏡王女歌一首

[原文]神奈備乃伊波瀬乃社之喚子鳥痛莫鳴吾戀益

[訓読]神なびの石瀬の社の呼子鳥いたくな鳴きそ我が恋まさる

[仮名],かむなびの,いはせのもりの,よぶこどり,いたくななきそ,あがこひまさる

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],春雑歌,作者：鏡王女,恋情,慕情,奈良,斑鳩町,地名,動物,枕詞

1420

[題詞]駿河釆女歌一首

[原文]沫雪香薄太礼尓零登見左右二流倍散波何物之花其毛

[訓読]沫雪かはだれに降ると見るまでに流らへ散るは何の花ぞも

[仮名],あわゆきか,はだれにふると,みるまでに,ながらへちるは,なにのはなぞも

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],春雑歌,作者：駿河釆女,雪

1421

[題詞]尾張連歌二首 [名闕]

[原文],春山之開乃乎為<里>尓春菜採妹之白紐見九四与四門

[訓読]春山の咲きのををりに春菜摘む妹が白紐見らくしよしも

[仮名],はるやまの,さきのををりに,はるなつむ,いもがしらひも,みらくしよしも

[_]

[左注]

[_]

[校異]歌 [西] 謌 [西（訂正）] 歌 / 黒 → 里 [万葉考]

[_]

[ＫＷ],春雑歌,作者：尾張連,野遊び,菜摘み,恋情,妻問い

1422

[題詞]（尾張連歌二首 [名闕]）

[原文]打<靡> 春来良之山際遠木末乃開徃見者

[訓読]うち靡く春来るらし山の際の遠き木末の咲きゆく見れば

[仮名],うちなびく,はるきたるらし,やまのまの,とほきこぬれの,さきゆくみれば

[_]

[左注]

[_]

[校異]麾 → 靡 [類][紀][細]

[_]

[ＫＷ],春雑歌,作者：尾張連,花,山遊び,野遊び,叙景

1423

[題詞]中納言阿倍廣庭卿歌一首

[原文]去年春伊許自而殖之吾屋外之若樹梅者花咲尓家里

[訓読]去年の春いこじて植ゑし我がやどの若木の梅は花咲きにけり

[仮名],こぞのはる,いこじてうゑし,わがやどの,わかきのうめは,はなさきにけり

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],春雑歌,作者：阿倍広庭,植物

1424

[題詞]山部宿祢赤人歌四首

[原文]春野尓須美礼採尓等来師吾曽野乎奈都可之美一夜宿二来

[訓読]春の野にすみれ摘みにと来し我れぞ野をなつかしみ一夜寝にける

[仮名],はるののに,すみれつみにと,こしわれぞ,のをなつかしみ,ひとよねにける

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],春雑歌,作者：山部赤人,野遊び,風流,恋情,植物

1425

[題詞]（山部宿祢赤人歌四首）

[原文]足比奇乃山櫻花日並而如是開有者甚戀目夜裳

[訓読]あしひきの山桜花日並べてかく咲きたらばいたく恋ひめやも

[仮名],あしひきの,やまさくらばな,ひならべて,かくさきたらば,いたくこひめやも

[_]

[左注]

[_]

[校異]

[_]

[ＫＷ],春雑歌,作者：山部赤人,野遊び,比喩,恋情,植物

1426

[題詞]（山部宿祢赤人歌四首）

[原文]吾勢子尓令見常念之梅花其十方不所見雪乃零有者

[訓読]我が背子に見せむと思ひし梅の花それとも見えず雪の降れれば

[仮名],わがせこに,みせむとおもひし,うめのはな,それともみえず,ゆきのふれれば

[_]

[左注]

[_]

[校異]

[_]

[ＫＷ],春雑歌,作者：山部赤人,野遊び,植物

1427

[題詞]（山部宿祢赤人歌四首）

[原文]従明日者春菜将採跡標之野尓昨日毛今日<母> 雪波布利管

[訓読]明日よりは春菜摘まむと標めし野に昨日も今日も雪は降りつつ

[仮名],あすよりは,はるなつまむと,しめしのに,きのふもけふも,ゆきはふりつつ

[_]

[左注]

[_]

[校異]毛 → 母 [類][紀]

[_]

[ＫＷ],春雑歌,作者：山部赤人,野遊び,比喩

1428

[題詞]草香山歌一首

[原文]忍照難波乎過而打靡草香乃山乎暮晩尓吾越来者山毛世尓咲有馬酔木乃不悪君乎何時徃而早将見

[訓読]おしてる難波を過ぎてうち靡く草香の山を夕暮れに我が越え来れば山も狭に咲ける馬酔木の悪しからぬ君をいつしか行きて早見む

[仮名],おしてる,なにはをすぎて,うちなびく,くさかのやまを,ゆふぐれに,わがこえくれば,やまもせに,さけるあしびの,あしからぬ,きみをいつしか,ゆきてはやみむ

[_]

[左注]右一首依作者微不顕名字

[_]

[校異]歌 [西] 謌 [西（訂正）] 歌

[_]

[ＫＷ],春雑歌,東大阪市日下町,生駒山,羈旅,望郷,恋情,地名,植物,枕詞

1429

[題詞]櫻花歌一首[并短歌]

[原文]Ｄ嬬等之頭挿乃多米尓遊士之蘰之多米等敷座流國乃波多弖尓開尓鶏類櫻花能丹穂日波母安奈<尓>

[訓読]娘子らがかざしのために風流士のかづらのためと敷きませる国のはたてに咲きにける桜の花のにほひはもあなに

[仮名],をとめらが,かざしのために,みやびをの,かづらのためと,しきませる,くにのはたてに,さきにける,さくらのはなの,にほひはもあなに

[_]

[左注]（右二首若宮年魚麻呂誦之）

[_]

[校異]歌 [西] 謌 [西（訂正）] 歌 / 短歌 [西] 短謌 [西（訂正）] 短歌 / 何 → 尓 [類 ][紀][温]

[_]

[ＫＷ],春雑歌,若宮年魚麻呂,伝誦,予祝,植物

1430

[題詞]（櫻花歌一首[并短歌]）反歌

[原文]去年之春相有之君尓戀尓手師櫻花者迎来良之母

[訓読]去年の春逢へりし君に恋ひにてし桜の花は迎へけらしも

[仮名],こぞのはる,あへりしきみに,こひにてし,さくらのはなは,むかへけらしも

[_]

[左注]右二首若宮年魚麻呂誦之

[_]

[校異]歌 [西] 謌

[_]

[ＫＷ],春雑歌,若宮年魚麻呂,伝誦,恋愛,予祝,植物

1431

[題詞]山部宿祢赤人歌一首

[原文]百濟野乃芽古枝尓待春跡居之鴬鳴尓鶏鵡鴨

[訓読]百済野の萩の古枝に春待つと居りし鴬鳴きにけむかも

[仮名],くだらのの,はぎのふるえに,はるまつと,をりしうぐひす,なきにけむかも

[_]

[左注]

[_]

[校異]歌 [西] 謌

[_]

[ＫＷ],春雑歌,作者：山部赤人,奈良県,広陵町,地名,植物,動物

1432

[題詞]大伴坂上郎女柳歌二首

[原文]吾背兒我見良牟佐保道乃青柳乎手折而谷裳見<縁>欲得

[訓読]我が背子が見らむ佐保道の青柳を手折りてだにも見むよしもがも

[仮名],わがせこが,みらむさほぢの,あをやぎを,たをりてだにも,みむよしもがも

[_]

[左注]

[_]

[校異]歌 [西] 謌 [西（訂正）] 歌 / 綵 → 縁 [代匠記初稿本]

[_]

[ＫＷ],春雑歌,作者：坂上郎女,奈良,佐保,望郷,恋情,羈旅,植物,地名

1433

[題詞]（大伴坂上郎女柳歌二首）

[原文]打上佐保能河原之青柳者今者春部登成尓鶏類鴨

[訓読]うち上る佐保の川原の青柳は今は春へとなりにけるかも

[仮名],うちのぼる,さほのかはらの,あをやぎは,いまははるへと,なりにけるかも

[_]

[左注]

[_]

[校異]

[_]

[ＫＷ],春雑歌,作者：坂上郎女,奈良,佐保,地名,植物

1434

[題詞]大伴宿祢三林梅歌一首

[原文]霜雪毛未過者不思尓春日里尓梅花見都

[訓読]霜雪もいまだ過ぎねば思はぬに春日の里に梅の花見つ

[仮名],しもゆきも,いまだすぎねば,おもはぬに,かすがのさとに,うめのはなみつ

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],春雑歌,作者：大伴三林,奈良,春日,地名,植物

1435

[題詞]厚見王歌一首

[原文]河津鳴甘南備河尓陰所見<而> 今香開良武山振乃花

[訓読]かはづ鳴く神奈備川に影見えて今か咲くらむ山吹の花

[仮名],かはづなく,かむなびかはに,かげみえて,いまかさくらむ,やまぶきのはな

[_]

[左注]

[_]

[校異]歌 [西] 謌 [西（訂正）] 歌 / <> → 而 [類][紀]

[_]

[ＫＷ],春雑歌,作者：厚見王,飛鳥川,竜田川,地名,植物

1436

[題詞]大伴宿祢村上梅歌二首

[原文]含有常言之梅我枝今旦零四沫雪二相而将開可聞

[訓読]含めりと言ひし梅が枝今朝降りし沫雪にあひて咲きぬらむかも

[仮名],ふふめりと,いひしうめがえ,けさふりし,あわゆきにあひて,さきぬらむかも

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],春雑歌,作者：大伴村上,植物

1437

[題詞]（大伴宿祢村上梅歌二首）

[原文]霞立春日之里梅花山下風尓落許須莫湯目

[訓読]霞立つ春日の里の梅の花山のあらしに散りこすなゆめ

[仮名],かすみたつ,かすがのさとの,うめのはな,やまのあらしに,ちりこすなゆめ

[_]

[左注]

[_]

[校異]

[_]

[ＫＷ],春雑歌,作者：大伴村上,奈良,春日,地名,植物

1438

[題詞]大伴宿祢駿河丸歌一首

[原文]霞立春日里之梅花波奈尓将問常吾念奈久尓

[訓読]霞立つ春日の里の梅の花花に問はむと我が思はなくに

[仮名],かすみたつ,かすがのさとの,うめのはな,はなにとはむと,わがおもはなくに

[_]

[左注]

[_]

[校異]

[_]

[ＫＷ],春雑歌,作者：大伴駿河麻呂,奈良,春日,地名,植物

1439

[題詞]中臣朝臣武良自歌一首

[原文]時者今者春尓成跡三雪零遠山邊尓霞多奈婢久

[訓読]時は今は春になりぬとみ雪降る遠山の辺に霞たなびく

[仮名],ときはいまは,はるになりぬと,みゆきふる,とほやまのへに,かすみたなびく

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],春雑歌,作者：中臣武良自,季節

1440

[題詞]河邊朝臣東人歌一首

[原文]春雨乃敷布零尓高圓山能櫻者何如有良武

[訓読]春雨のしくしく降るに高円の山の桜はいかにかあるらむ

[仮名],はるさめの,しくしくふるに,たかまとの,やまのさくらは,いかにかあるらむ

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],春雑歌,作者：河辺東人,高円山,奈良,地名,植物

1441

[題詞]大伴宿祢家持鴬歌一首

[原文]打霧之雪者零乍然為我二吾宅乃苑尓鴬鳴裳

[訓読]うち霧らひ雪は降りつつしかすがに我家の苑に鴬鳴くも

[仮名],うちきらし,ゆきはふりつつ,しかすがに,わぎへのそのに,うぐひすなくも

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],春雑歌,作者：大伴家持,動物,季節

1442

[題詞]大蔵少輔丹比屋主真人歌一首

[原文]難波邊尓人之行礼波後居而春菜採兒乎見之悲也

[訓読]難波辺に人の行ければ後れ居て春菜摘む子を見るが悲しさ

[仮名],なにはへに,ひとのゆければ,おくれゐて,はるなつむこを,みるがかなしさ

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],春雑歌,作者：丹比屋主,菜摘み,大阪,恋情,地名

1443

[題詞]丹比真人乙麻呂歌一首 [屋主真人之第二子也]

[原文]霞立野上乃方尓行之可波鴬鳴都春尓成良思

[訓読]霞立つ野の上の方に行きしかば鴬鳴きつ春になるらし

[仮名],かすみたつ,ののへのかたに,ゆきしかば,うぐひすなきつ,はるになるらし

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],春雑歌,作者：丹比乙麻呂,野遊び,動物,季節

1444

[題詞]高田女王歌一首 [高安之女也]

[原文]山振之咲有野邊乃都保須美礼此春之雨尓盛奈里鶏利

[訓読]山吹の咲きたる野辺のつほすみれこの春の雨に盛りなりけり

[仮名],やまぶきの,さきたるのへの,つほすみれ,このはるのあめに,さかりなりけり

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],春雑歌,作者：高田女王,大原高安,高安王,植物,叙景

1445

[題詞]大伴坂上郎女歌一首

[原文]風交雪者雖零實尓不成吾宅之梅乎花尓令落莫

[訓読]風交り雪は降るとも実にならぬ我家の梅を花に散らすな

[仮名],かぜまじり,ゆきはふるとも,みにならぬ,わぎへのうめを,はなにちらすな

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],春雑歌,作者：坂上郎女,比喩,植物

1446

[題詞]大伴宿祢家持<春>雉歌一首

[原文]春野尓安佐留雉乃妻戀尓己我當乎人尓令知管

[訓読]春の野にあさる雉の妻恋ひにおのがあたりを人に知れつつ

[仮名],はるののに,あさるきぎしの,つまごひに,おのがあたりを,ひとにしれつつ

[_]

[左注]

[_]

[校異]養 → 春 [西（訂正）][紀][温][矢] / 歌 [西] 謌 [西（訂正）] 歌

[_]

[ＫＷ],春雑歌,作者：大伴家持,動物

1447

[題詞]大伴坂上郎女歌一首

[原文]尋常聞者苦寸喚子鳥音奈都炊時庭成奴

[訓読]世の常に聞けば苦しき呼子鳥声なつかしき時にはなりぬ

[仮名],よのつねに,きけばくるしき,よぶこどり,こゑなつかしき,ときにはなりぬ

[_]

[左注]右一首天平四年三月一日佐保宅作

[_]

[校異]歌 [西] 謌 [西（訂正）] 歌

[_]

[ＫＷ],春雑歌,作者：坂上郎女,動物,季節

春相聞

1448

[題詞]大伴宿祢家持贈坂上家之大嬢歌一首

[原文]吾屋外尓蒔之瞿麥何時毛花尓咲奈武名蘇經乍見武

[訓読]我がやどに蒔きしなでしこいつしかも花に咲きなむなそへつつ見む

[仮名],わがやどに,まきしなでしこ,いつしかも,はなにさきなむ,なそへつつみむ

[_]

[左注]

[_]

[校異]

[_]

[ＫＷ],春相聞,作者：大伴家持,坂上大嬢,贈答,恋情,植物

1449

[題詞]大伴田村家<之>大嬢與妹坂上大嬢歌一首

[原文]茅花抜淺茅之原乃都保須美礼今盛有吾戀苦波

[訓読]茅花抜く浅茅が原のつほすみれ今盛りなり我が恋ふらくは

[仮名],つばなぬく,あさぢがはらの,つほすみれ,いまさかりなり,あがこふらくは

[_]

[左注]

[_]

[校異]毛 → 之 [代匠記初稿本] / 歌 [西] 謌 [西（訂正）] 歌

[_]

[ＫＷ],春相聞,作者：田村大嬢,坂上大嬢,贈答,恋情,植物

1450

[題詞]大伴宿祢坂上郎女歌一首

[原文]情具伎物尓曽有鶏類春霞多奈引時尓戀乃繁者

[訓読]心ぐきものにぞありける春霞たなびく時に恋の繁きは

[仮名],こころぐき,ものにぞありける,はるかすみ,たなびくときに,こひのしげきは

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],春相聞,作者：坂上郎女,恋情

1451

[題詞]笠女郎贈大伴家持歌一首

[原文]水鳥之鴨乃羽色乃春山乃於保束無毛所念可聞

[訓読]水鳥の鴨の羽色の春山のおほつかなくも思ほゆるかも

[仮名],みづどりの,かものはいろの,はるやまの,おほつかなくも,おもほゆるかも

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],春相聞,作者：笠郎女,大伴家持,贈答,恋情,動物

1452

[題詞]紀女郎歌一首 [名曰小鹿也]

[原文]闇夜有者宇倍毛不来座梅花開月夜尓伊而麻左自常屋

[訓読]闇ならばうべも来まさじ梅の花咲ける月夜に出でまさじとや

[仮名],やみならば,うべもきまさじ,うめのはな,さけるつくよに,いでまさじとや

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],春相聞,作者：紀女郎,小鹿,恋情,怨恨,植物,贈答

1453

[題詞]天平五年癸酉春閏三月笠朝臣金村贈入唐使歌一首[并短歌]

[原文]玉手次不懸時無氣緒尓吾念公者虚蝉之 <世人有者大王之> 命恐夕去者鶴之妻喚難波方三津埼従大舶尓二梶繁貫白浪乃高荒海乎嶋傳伊別徃者留有吾者幣引齊乍公乎者将<待> 早還万世

[訓読]玉たすき懸けぬ時なく息の緒に我が思ふ君はうつせみの世の人なれば大君の命畏み夕されば鶴が妻呼ぶ難波潟御津の崎より大船に真楫しじ貫き白波の高き荒海を島伝ひい別れ行かば留まれる我れは幣引き斎ひつつ君をば待たむ早帰りませ

[仮名],たまたすき,かけぬときなく,いきのをに,あがおもふきみは,うつせみの,よのひとなれば,おほきみの,みことかしこみ,ゆふされば,たづがつまよぶ,なにはがた,みつのさきより,おほぶねに,まかぢしじぬき,しらなみの,たかきあるみを,しまづたひ,いわかれゆかば,とどまれる,われはぬさひき,いはひつつ,きみをばまたむ,はやかへりませ

[_]

[左注]

[_]

[校異]歌 [西] 謌 [西（訂正）] 歌 / 短歌 [西] 短謌 [西（訂正）] 短歌 / <> → 世人有者大王之 [代匠記初稿本] / 徃 → 待 [代匠記初稿本]

[_]

[ＫＷ],春相聞,作者：笠金村,入唐使,贈答,送別,遣唐使,枕詞,地名,大阪,餞別,天平５年閏３月,年紀

1454

[題詞]（天平五年癸酉春閏三月笠朝臣金村贈入唐使歌一首[并短歌]）反歌

[原文]波上従所見兒嶋之雲隠穴氣衝之相別去者

[訓読]波の上ゆ見ゆる小島の雲隠りあな息づかし相別れなば

[仮名],なみのうへゆ,みゆるこしまの,くもがくり,あないきづかし,あひわかれなば

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],春相聞,作者：笠金村,入唐使,贈答,送別,遣唐使,餞別,天平５年閏３月,年紀

1455

[題詞]（（天平五年癸酉春閏三月笠朝臣金村贈入唐使歌一首[并短歌]）反歌）

[原文]玉切命向戀従者公之三舶乃梶柄母我

[訓読]たまきはる命に向ひ恋ひむゆは君が御船の楫柄にもが

[仮名],たまきはる,いのちにむかひ,こひむゆは,きみがみふねの,かぢからにもが

[_]

[左注]

[_]

[校異]

[_]

[ＫＷ],春相聞,作者：笠金村,入唐使,贈答,送別,遣唐使,枕詞,天平５年閏３月,年紀

1456

[題詞]藤原朝臣廣嗣櫻花贈娘子歌一首

[原文]此花乃一与能内尓百種乃言曽隠有於保呂可尓為莫

[訓読]この花の一節のうちに百種の言ぞ隠れるおほろかにすな

[仮名],このはなの,ひとよのうちに,ももくさの,ことぞこもれる,おほろかにすな

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],春相聞,作者：藤原広嗣,娘子,贈答

1457

[題詞]娘子和歌一首

[原文]此花乃一与能裏波百種乃言持不勝而所折家良受也

[訓読]この花の一節のうちは百種の言待ちかねて折らえけらずや

[仮名],このはなの,ひとよのうちは,ももくさの,ことまちかねて,をらえけらずや

[_]

[左注]

[_]

[校異]歌 [西] 謌

[_]

[ＫＷ],春相聞,藤原広嗣,作者：娘子,和歌,贈答

1458

[題詞]厚見王贈久米女郎歌一首

[原文]室戸在櫻花者今毛香聞松風疾地尓落良武

[訓読]やどにある桜の花は今もかも松風早み地に散るらむ

[仮名],やどにある,さくらのはなは,いまもかも,まつかぜはやみ,つちにちるらむ

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],春相聞,作者：厚見王,久米女郎,贈答,比喩,心変わり,植物

1459

[題詞]久米女郎報贈歌一首

[原文]世間毛常尓師不有者室戸尓有櫻花乃不所比日可聞

[訓読]世間も常にしあらねばやどにある桜の花の散れるころかも

[仮名],よのなかも,つねにしあらねば,やどにある,さくらのはなの,ちれるころかも

[_]

[左注]

[_]

[校異]歌 [西] 謌

[_]

[ＫＷ],春相聞,作者：久米女郎,贈答,厚見王,植物

1460

[題詞]紀女郎贈大伴宿祢家持歌二首

[原文]戯奴 [變云和氣] 之為吾手母須麻尓春野尓抜流茅花曽御食而肥座

[訓読]戯奴 [變云わけ] がため我が手もすまに春の野に抜ける茅花ぞ食して肥えませ

[仮名],わけ[わけ],がため,わがてもすまに,はるののに,ぬけるつばなぞ,めしてこえませ

[_]

[左注]（右折<攀>合歡花并茅花贈也）

[_]

[校異]歌 [西] 謌 [西（訂正）] 歌

[_]

[ＫＷ],春相聞,作者：紀女郎,大伴家持,贈答,植物

1461

[題詞]（紀女郎贈大伴宿祢家持歌二首）

[原文]晝者咲夜者戀宿合歡木花君耳将見哉和氣佐倍尓見代

[訓読]昼は咲き夜は恋ひ寝る合歓木の花君のみ見めや戯奴さへに見よ

[仮名],ひるはさき,よるはこひぬる,ねぶのはな,きみのみみめや,わけさへにみよ

[_]

[左注]右折<攀>合歡花并茅花贈也

[_]

[校異]擧 → 攀 [細][温][矢][京]

[_]

[ＫＷ],春相聞,作者：紀女郎,大伴家持,贈答,植物

1462

[題詞]大伴家持贈和歌二首

[原文]吾君尓戯奴者戀良思給有茅花手雖喫弥痩尓夜須

[訓読]我が君に戯奴は恋ふらし賜りたる茅花を食めどいや痩せに痩す

[仮名],あがきみに,わけはこふらし,たばりたる,つばなをはめど,いややせにやす

[_]

[左注]

[_]

[校異]

[_]

[ＫＷ],春相聞,作者：大伴家持,和歌,紀女郎,植物,贈答

1463

[題詞]（大伴家持贈和歌二首）

[原文]吾妹子之形見乃合歡木者花耳尓咲而盖實尓不成鴨

[訓読]我妹子が形見の合歓木は花のみに咲きてけだしく実にならじかも

[仮名],わぎもこが,かたみのねぶは,はなのみに,さきてけだしく,みにならじかも

[_]

[左注]

[_]

[校異]

[_]

[ＫＷ],春相聞,作者：大伴家持,和歌,紀女郎,植物,贈答

1464

[題詞]大伴家持贈坂上大嬢歌一首

[原文]春霞軽引山乃隔者妹尓不相而月曽經去来

[訓読]春霞たなびく山のへなれれば妹に逢はずて月ぞ経にける

[仮名],はるかすみ,たなびくやまの,へなれれば,いもにあはずて,つきぞへにける

[_]

[左注]右従久邇京贈寧樂宅

[_]

[校異]歌 [西] 謌 [西（訂正）] 歌

[_]

[ＫＷ],春相聞,作者：大伴家持,坂上大嬢,贈答,恋情

夏雜歌

1465

[題詞]藤原夫人歌<一首> [明日香清御原<宮>御宇天皇之夫人也字曰大原大刀自即新田部皇子之母也]

[原文]霍公鳥痛莫鳴汝音乎五月玉尓相貫左右二

[訓読]霍公鳥いたくな鳴きそ汝が声を五月の玉にあへ貫くまでに

[仮名],ほととぎす,いたくななきそ,ながこゑを,さつきのたまに,あへぬくまでに

[_]

[左注]

[_]

[校異]歌 [西] 謌 [西（訂正）] 歌 / 歌 [西] 謌 / <> → 一首 [類][紀] / <> → 宮 [紀][温][矢 ]

[_]

[ＫＷ],夏雑歌,作者：藤原夫人,大原大刀自,天武天皇,新田部皇子,動物

1466

[題詞]志貴皇子御歌一首

[原文]神名火乃磐瀬之<社>之霍公鳥毛無乃岳尓何時来将鳴

[訓読]神奈備の石瀬の社の霍公鳥毛無の岡にいつか来鳴かむ

[仮名],かむなびの,いはせのもりの,ほととぎす,けなしのをかに,いつかきなかむ

[_]

[左注]

[_]

[校異]歌 [西] 謌 [西（訂正）] 歌 / 杜 → 社 [類][紀]

[_]

[ＫＷ],夏雑歌,作者：志貴皇子,奈良,斑鳩,動物,地名

1467

[題詞]弓削皇子御歌一首

[原文]霍公鳥無流國尓毛去而師香其鳴音手間者辛苦母

[訓読]霍公鳥なかる国にも行きてしかその鳴く声を聞けば苦しも

[仮名],ほととぎす,なかるくににも,ゆきてしか,そのなくこゑを,きけばくるしも

[_]

[左注]

[_]

[校異]歌 [西] 謌

[_]

[ＫＷ],夏雑歌,作者：弓削皇子,動物

1468

[題詞]小治田廣瀬王霍公鳥歌一首

[原文]霍公鳥音聞小野乃秋風<尓> 芽開礼也聲之乏寸

[訓読]霍公鳥声聞く小野の秋風に萩咲きぬれや声の乏しき

[仮名],ほととぎす,こゑきくをのの,あきかぜに,はぎさきぬれや,こゑのともしき

[_]

[左注]

[_]

[校異]歌 [西] 謌 [西（訂正）] 歌 / <> → 尓 [類][紀]

[_]

[ＫＷ],夏雑歌,作者：小治田広瀬王,動物,植物

1469

[題詞]沙弥霍公鳥歌一首

[原文]足引之山霍公鳥汝鳴者家有妹常所思

[訓読]あしひきの山霍公鳥汝が鳴けば家なる妹し常に偲はゆ

[仮名],あしひきの,やまほととぎす,ながなけば,いへなるいもし,つねにしのはゆ

[_]

[左注]

[_]

[校異]

[_]

[ＫＷ],夏雑歌,作者：沙弥,恋情,望郷,動物

1470

[題詞]刀理宣令歌一首

[原文]物部乃石瀬之<社>乃霍公鳥今毛鳴奴<香> 山之常影尓

[訓読]もののふの石瀬の社の霍公鳥今も鳴かぬか山の常蔭に

[仮名],もののふの,いはせのもりの,ほととぎす,いまもなかぬか,やまのとかげに

[_]

[左注]

[_]

[校異]歌 [西] 謌 [西（別筆訂正）] 歌 / 杜 → 社 [西（訂正）][類][紀] / <> → 香 [代匠記初稿本]

[_]

[ＫＷ],夏雑歌,作者：刀理宣令,奈良,斑鳩,地名,動物

1471

[題詞]山部宿祢赤人歌一首

[原文]戀之家婆形見尓将為跡吾屋戸尓殖之藤浪今開尓家里

[訓読]恋しけば形見にせむと我がやどに植ゑし藤波今咲きにけり

[仮名],こひしけば,かたみにせむと,わがやどに,うゑしふぢなみ,いまさきにけり

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],夏雑歌,作者：山部赤人,恋情,植物

1472

[題詞]式部大輔石上堅魚朝臣歌一首

[原文]霍公鳥来鳴令響宇乃花能共也来之登問麻思物乎

[訓読]霍公鳥来鳴き響もす卯の花の伴にや来しと問はましものを

[仮名],ほととぎす,きなきとよもす,うのはなの,ともにやこしと,とはましものを

[_]

[左注]右神龜五年戊辰大宰帥大伴卿之妻大伴郎女遇病長逝焉于時勅使式部大輔石上朝臣堅魚遣<大>宰府弔喪并賜物也其事既畢驛使及府諸卿大夫等共登記夷城而望遊之日乃作此歌

[_]

[校異]歌 [西] 謌 [西（訂正）] 歌 / 太 → 大 [紀][温] / 歌 [西] 謌

[_]

[ＫＷ],夏雑歌,作者：石上堅魚,太宰府,大伴旅人,動物,植物

1473

[題詞]<大>宰帥大伴卿和歌一首

[原文]橘之花散里乃霍公鳥片戀為乍鳴日四曽多寸

[訓読]橘の花散る里の霍公鳥片恋しつつ鳴く日しぞ多き

[仮名],たちばなの,はなちるさとの,ほととぎす,かたこひしつつ,なくひしぞおほき

[_]

[左注]

[_]

[校異]太 → 大 [紀][温][矢] / 歌 [西] 謌 [西（訂正）] 歌

[_]

[ＫＷ],夏雑歌,作者：大伴旅人,太宰府,和歌,石上堅魚,非情,恋情,植物,動物

1474

[題詞]大伴坂上郎女思筑紫大城山歌一首

[原文]今毛可聞大城乃山尓霍公鳥鳴令響良武吾無礼杼毛

[訓読]今もかも大城の山に霍公鳥鳴き響むらむ我れなけれども

[仮名],いまもかも,おほきのやまに,ほととぎす,なきとよむらむ,われなけれども

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],夏雑歌,作者：坂上郎女,奈良,大野城,回顧,太宰府,地名,動物

1475

[題詞]大伴坂上郎女霍公鳥歌一首

[原文]何奇毛幾許戀流霍公鳥鳴音聞者戀許曽益礼

[訓読]何しかもここだく恋ふる霍公鳥鳴く声聞けば恋こそまされ

[仮名],なにしかも,ここだくこふる,ほととぎす,なくこゑきけば,こひこそまされ

[_]

[左注]

[_]

[校異]歌 [西] 謌 [西（訂正）] 歌 / 奇 [類][温] 哥

[_]

[ＫＷ],夏雑歌,作者：坂上郎女,恋情,動物

1476

[題詞]小治田朝臣廣耳歌一首

[原文]獨居而物念夕尓霍公鳥従此間鳴渡心四有良思

[訓読]ひとり居て物思ふ宵に霍公鳥こゆ鳴き渡る心しあるらし

[仮名],ひとりゐて,ものもふよひに,ほととぎす,こゆなきわたる,こころしあるらし

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],夏雑歌,作者：小治田広耳,恋情,動物

1477

[題詞]大伴家持霍公鳥歌一首

[原文]宇能花毛未開者霍公鳥佐保乃山邊来鳴令響

[訓読]卯の花もいまだ咲かねば霍公鳥佐保の山辺に来鳴き響もす

[仮名],うのはなも,いまださかねば,ほととぎす,さほのやまへに,きなきとよもす

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],夏雑歌,作者：大伴家持,佐保,奈良,動物,地名,植物

1478

[題詞]大伴家持橘歌一首

[原文]吾屋前之花橘乃何時毛珠貫倍久其實成奈武

[訓読]我が宿の花橘のいつしかも玉に貫くべくその実なりなむ

[仮名],わがやどの,はなたちばなの,いつしかも,たまにぬくべく,そのみなりなむ

[_]

[左注]

[_]

[校異]歌 [西] 謌

[_]

[ＫＷ],夏雑歌,作者：大伴家持,植物

1479

[題詞]大伴家持晩蝉歌一首

[原文]隠耳居者欝悒奈具左武登出立聞者来鳴日晩

[訓読]隠りのみ居ればいぶせみ慰むと出で立ち聞けば来鳴くひぐらし

[仮名],こもりのみ,をればいぶせみ,なぐさむと,いでたちきけば,きなくひぐらし

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],夏雑歌,作者：大伴家持,鬱屈,動物

1480

[題詞]大伴書持歌二首

[原文]我屋戸尓月押照有霍公鳥心有今夜来鳴令響

[訓読]我が宿に月おし照れり霍公鳥心あれ今夜来鳴き響もせ

[仮名],わがやどに,つきおしてれり,ほととぎす,こころあれこよひ,きなきとよもせ

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],夏雑歌,作者：大伴書持,動物

1481

[題詞]（大伴書持歌二首）

[原文]我屋<戸>前乃花橘尓霍公鳥今社鳴米友尓相流時

[訓読]我が宿の花橘に霍公鳥今こそ鳴かめ友に逢へる時

[仮名],わがやどの,はなたちばなに,ほととぎす,いまこそなかめ,ともにあへるとき

[_]

[左注]

[_]

[校異]<> → 戸 [類][紀]

[_]

[ＫＷ],夏雑歌,作者：大伴書持,植物,動物

1482

[題詞]大伴清縄歌一首

[原文]皆人之待師宇能花雖落奈久霍公鳥吾将忘哉

[訓読]皆人の待ちし卯の花散りぬとも鳴く霍公鳥我れ忘れめや

[仮名],みなひとの,まちしうのはな,ちりぬとも,なくほととぎす,われわすれめや

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],夏雑歌,作者：大伴清縄,植物,動物

1483

[題詞]奄君諸立歌一首

[原文]吾背子之屋戸乃橘花乎吉美鳴霍公鳥見曽吾来之

[訓読]我が背子が宿の橘花をよみ鳴く霍公鳥見にぞ我が来し

[仮名],わがせこが,やどのたちばな,はなをよみ,なくほととぎす,みにぞわがこし

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],夏雑歌,作者：奄君諸立,宴席,主人讃美,植物,動物

1484

[題詞]大伴坂上郎女歌一首

[原文]霍公鳥痛莫鳴獨居而寐乃不所宿聞者苦毛

[訓読]霍公鳥いたくな鳴きそひとり居て寐の寝らえぬに聞けば苦しも

[仮名],ほととぎす,いたくななきそ,ひとりゐて,いのねらえぬに,きけばくるしも

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],夏雑歌,作者：坂上郎女,動物

1485

[題詞]大伴家持唐棣花歌一首

[原文],夏儲而開有波祢受久方乃雨打零者将移香

[訓読]夏まけて咲きたるはねずひさかたの雨うち降らば移ろひなむか

[仮名],なつまけて,さきたるはねず,ひさかたの,あめうちふらば,うつろひなむか

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],夏雑歌,作者：大伴家持,植物

1486

[題詞]大伴家持恨霍公鳥晩喧歌二首

[原文]吾屋前之花橘乎霍公鳥来不喧地尓令落常香

[訓読]我が宿の花橘を霍公鳥来鳴かず地に散らしてむとか

[仮名],わがやどの,はなたちばなを,ほととぎす,きなかずつちに,ちらしてむとか

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],夏雑歌,作者：大伴家持,植物,動物

1487

[題詞]（大伴家持恨霍公鳥晩喧歌二首）

[原文]霍公鳥不念有寸木晩乃如此成左右尓奈何不来喧

[訓読]霍公鳥思はずありき木の暗のかくなるまでに何か来鳴かぬ

[仮名],ほととぎす,おもはずありき,このくれの,かくなるまでに,なにかきなかぬ

[_]

[左注]

[_]

[校異]

[_]

[ＫＷ],夏雑歌,作者：大伴家持,動物,怨恨

1488

[題詞]大伴家持懽霍公鳥歌一首

[原文]何處者鳴毛思仁家武霍公鳥吾家乃里尓 <今>日耳曽鳴

[訓読]いづくには鳴きもしにけむ霍公鳥我家の里に今日のみぞ鳴く

[仮名],いづくには,なきもしにけむ,ほととぎす,わぎへのさとに,けふのみぞなく

[_]

[左注]

[_]

[校異]歌 [西] 謌 [西（訂正）] 歌 / 乃 [春][紀] 之 / <> → 今 [西（右書）][類][紀][細]

[_]

[ＫＷ],夏雑歌,作者：大伴家持,動物

1489

[題詞]大伴家持惜橘花歌一首

[原文]吾屋前之花橘者落過而珠尓可貫實尓成二家利

[訓読]我が宿の花橘は散り過ぎて玉に貫くべく実になりにけり

[仮名],わがやどの,はなたちばなは,ちりすぎて,たまにぬくべく,みになりにけり

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],夏雑歌,作者：大伴家持,植物

1490

[題詞]大伴家持霍公鳥歌一首

[原文]霍公鳥雖待不来喧 <菖>蒲草玉尓貫日乎未遠美香

[訓読]霍公鳥待てど来鳴かず菖蒲草玉に貫く日をいまだ遠みか

[仮名],ほととぎす,まてどきなかず,あやめぐさ,たまにぬくひを,いまだとほみか

[_]

[左注]

[_]

[校異]歌 [西] 謌 [西（訂正）] 歌 / <> → 菖 [代匠記初稿本]

[_]

[ＫＷ],夏雑歌,作者：大伴家持,動物,植物

1491

[題詞]大伴家持雨日聞霍公鳥喧歌一首

[原文]宇乃花能過者惜香霍公鳥雨間毛不置従此間喧渡

[訓読]卯の花の過ぎば惜しみか霍公鳥雨間も置かずこゆ鳴き渡る

[仮名],うのはなの,すぎばをしみか,ほととぎす,あままもおかず,こゆなきわたる

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],夏雑歌,作者：大伴家持,植物,動物

1492

[題詞]橘歌一首 [遊行女婦]

[原文]君家乃花橘者成尓家利花乃有時尓相益物乎

[訓読]君が家の花橘はなりにけり花のある時に逢はましものを

[仮名],きみがいへの,はなたちばなは,なりにけり,はななるときに,あはましものを

[_]

[左注]

[_]

[校異]歌 [西] 謌 [西（訂正）] 歌 / 花乃 [類][紀]（塙）花

[_]

[ＫＷ],夏雑歌,作者：遊行女婦,宴席,植物

1493

[題詞]大伴村上橘歌一首

[原文]吾屋前乃花橘乎霍公鳥来鳴令動而本尓令散都

[訓読]我が宿の花橘を霍公鳥来鳴き響めて本に散らしつ

[仮名],わがやどの,はなたちばなを,ほととぎす,きなきとよめて,もとにちらしつ

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],夏雑歌,作者：大伴村上,植物,動物

1494

[題詞]大伴家持霍公鳥歌二首

[原文]夏山之木末乃繁尓霍公鳥鳴響奈流聲之遥佐

[訓読]夏山の木末の茂に霍公鳥鳴き響むなる声の遥けさ

[仮名],なつやまの,こぬれのしげに,ほととぎす,なきとよむなる,こゑのはるけさ

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],夏雑歌,作者：大伴家持,動物,叙景

1495

[題詞]（大伴家持霍公鳥歌二首）

[原文]足引乃許乃間立八十一霍公鳥如此聞始而後将戀可聞

[訓読]あしひきの木の間立ち潜く霍公鳥かく聞きそめて後恋ひむかも

[仮名],あしひきの,このまたちくく,ほととぎす,かくききそめて,のちこひむかも

[_]

[左注]

[_]

[校異]

[_]

[ＫＷ],夏雑歌,作者：大伴家持,動物

1496

[題詞]大伴家持石竹花歌一首

[原文]吾屋前之瞿麥乃花盛有手折而一目令見兒毛我母

[訓読]我が宿のなでしこの花盛りなり手折りて一目見せむ子もがも

[仮名],わがやどの,なでしこのはな,さかりなり,たをりてひとめ,みせむこもがも

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],夏雑歌,作者：大伴家持,恋情,植物

1497

[題詞]惜不登筑波山歌一首

[原文]筑波根尓吾行利世波霍公鳥山妣兒令響鳴麻志也其

[訓読]筑波嶺に我が行けりせば霍公鳥山彦響め鳴かましやそれ

[仮名],つくはねに,わがゆけりせば,ほととぎす,やまびことよめ,なかましやそれ

[_]

[左注]右一首高橋連蟲麻呂之歌中出

[_]

[校異]歌 [西] 謌 [西（訂正）] 歌 / 歌 [西] 謌 [西（訂正）] 歌

[_]

[ＫＷ],夏雑歌,作者：高橋虫麻呂歌集,筑波,茨城,地名,動物

夏相聞

1498

[題詞]大伴坂上郎女歌一首

[原文]無暇不来之君尓霍公鳥吾如此戀常徃而告社

[訓読]暇なみ来まさぬ君に霍公鳥我れかく恋ふと行きて告げこそ

[仮名],いとまなみ,きまさぬきみに,ほととぎす,あれかくこふと,ゆきてつげこそ

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],夏相聞,作者：坂上郎女,勧誘,動物

1499

[題詞]大伴四縄宴吟歌一首

[原文]事繁君者不来益霍公鳥汝太尓来鳴朝戸将開

[訓読]言繁み君は来まさず霍公鳥汝れだに来鳴け朝戸開かむ

[仮名],ことしげみ,きみはきまさず,ほととぎす,なれだにきなけ,あさとひらかむ

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],夏相聞,作者：大伴四綱,宴席,誦詠,女歌,うわさ,動物

1500

[題詞]大伴坂上郎女歌一首

[原文]夏野<之> 繁見丹開有姫由理乃不所知戀者苦物曽

[訓読]夏の野の茂みに咲ける姫百合の知らえぬ恋は苦しきものぞ

[仮名],なつののの,しげみにさける,ひめゆりの,しらえぬこひは,くるしきものぞ

[_]

[左注]

[_]

[校異]歌 [西] 謌 [西（訂正）] 歌 / 乃 → 之 [類][紀][矢][京]

[_]

[ＫＷ],夏相聞,作者：坂上郎女,片思い,忍恋い,恋情,植物

1501

[題詞]小治田朝臣廣耳歌一首

[原文]霍公鳥鳴峯乃上能宇乃花之Ｑ事有哉君之不来益

[訓読]霍公鳥鳴く峰の上の卯の花の憂きことあれや君が来まさぬ

[仮名],ほととぎす,なくをのうへの,うのはなの,うきことあれや,きみがきまさぬ

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],夏相聞,作者：小治田広耳,女の立場,宴席,恨み,植物,動物

1502

[題詞]大伴坂上郎女歌一首

[原文]五月之花橘乎為君珠尓社貫零巻惜美

[訓読]五月の花橘を君がため玉にこそ貫け散らまく惜しみ

[仮名],さつきの,はなたちばなを,きみがため,たまにこそぬけ,ちらまくをしみ

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],夏相聞,作者：坂上郎女,植物

1503

[題詞]紀朝臣豊河歌一首

[原文]吾妹兒之家乃垣内乃佐由理花由利登云者不<欲>云二似

[訓読]我妹子が家の垣内のさ百合花ゆりと言へるはいなと言ふに似る

[仮名],わぎもこが,いへのかきつの,さゆりばな,ゆりといへるは,いなといふににる

[_]

[左注]

[_]

[校異]歌 [西] 謌 [西（訂正）] 歌 / 内乃 [類][紀]（塙）内 / 歌（謌） → 欲 [新訓]

[_]

[ＫＷ],夏相聞,作者：紀豊河,植物

1504

[題詞]高安歌一首

[原文]暇無五月乎尚尓吾妹兒我花橘乎不見可将過

[訓読]暇なみ五月をすらに我妹子が花橘を見ずか過ぎなむ

[仮名],いとまなみ,さつきをすらに,わぎもこが,はなたちばなを,みずかすぎなむ

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],夏相聞,作者：高安王,大原高安,植物

1505

[題詞]大神女郎贈大伴家持歌一首

[原文]霍公鳥鳴之登時君之家尓徃跡追者将至鴨

[訓読]霍公鳥鳴きしすなはち君が家に行けと追ひしは至りけむかも

[仮名],ほととぎす,なきしすなはち,きみがいへに,ゆけとおひしは,いたりけむかも

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],夏相聞,作者：大神女郎,大伴家持,贈答,動物

1506

[題詞]大伴田村大嬢与妹坂上大嬢歌一首

[原文]古郷之奈良思乃岳能霍公鳥言告遣之何如告寸八

[訓読]故郷の奈良思の岡の霍公鳥言告げ遣りしいかに告げきや

[仮名],ふるさとの,ならしのをかの,ほととぎす,ことつげやりし,いかにつげきや

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],夏相聞,作者：田村大嬢,坂上大嬢,贈答,地名,動物

1507

[題詞]大伴家持<攀>橘花贈坂上大嬢歌一首[并短歌]

[原文]伊加登伊可等有吾屋前尓百枝刺於布流橘玉尓貫五月乎近美安要奴我尓花咲尓家里朝尓食尓出見毎氣緒尓吾念妹尓銅鏡清月夜尓直一眼令覩麻而尓波落許須奈由<米>登云管幾許吾守物乎宇礼多伎也志許霍公鳥暁之裏悲尓雖追雖追尚来鳴而徒地尓令散者為便乎奈美 <攀>而手折都見末世吾妹兒

[訓読]いかといかとある我が宿に百枝さし生ふる橘玉に貫く五月を近みあえぬがに花咲きにけり朝に日に出で見るごとに息の緒に我が思ふ妹にまそ鏡清き月夜にただ一目見するまでには散りこすなゆめと言ひつつここだくも我が守るものをうれたきや醜霍公鳥暁のうら悲しきに追へど追へどなほし来鳴きていたづらに地に散らせばすべをなみ攀ぢて手折りつ見ませ我妹子

[仮名],いかといかと,あるわがやどに,ももえさし,おふるたちばな,たまにぬく,さつきをちかみ,あえぬがに,はなさきにけり,あさにけに,いでみるごとに,いきのをに,あがおもふいもに,まそかがみ,きよきつくよに,ただひとめ,みするまでには,ちりこすな,ゆめといひつつ,ここだくも,わがもるものを,うれたきや,しこほととぎす,あかときの,うらがなしきに,おへどおへど,なほしきなきて,いたづらに,つちにちらせば,すべをなみ,よぢてたをりつ,みませわぎもこ

[_]

[左注]

[_]

[校異]擧 → 攀 [紀][細][温] / 歌 [西] 謌 [西（訂正）] 歌 / 来 → 米 [類][紀][細] / 擧 → 攀

[_]

[類][紀][温] [ＫＷ],夏相聞,作者：大伴家持,坂上大嬢,贈答,植物,動物

1508

[題詞]（大伴家持<攀>橘花贈坂上大嬢歌一首[并短歌]）反歌

[原文]望降清月夜尓吾妹兒尓令覩常念之屋前之橘

[訓読]望ぐたち清き月夜に我妹子に見せむと思ひしやどの橘

[仮名],もちぐたち,きよきつくよに,わぎもこに,みせむとおもひし,やどのたちばな

[_]

[左注]

[_]

[校異]歌 [西] 謌 [西（訂正）] 歌 / 覩 [類][紀][矢][京]（塙）視

[_]

[ＫＷ],夏相聞,作者：大伴家持,坂上大嬢,贈答,植物

1509

[題詞]（（大伴家持<攀>橘花贈坂上大嬢歌一首[并短歌]）反歌）

[原文]妹之見而後毛将鳴霍公鳥花橘乎地尓落津

[訓読]妹が見て後も鳴かなむ霍公鳥花橘を地に散らしつ

[仮名],いもがみて,のちもなかなむ,ほととぎす,はなたちばなを,つちにちらしつ

[_]

[左注]

[_]

[校異]

[_]

[ＫＷ],夏相聞,作者：大伴家持,坂上大嬢,贈答,動物,植物

1510

[題詞]大伴家持贈紀女郎歌一首

[原文]瞿麥者咲而落去常人者雖言吾標之野乃花尓有目八方

[訓読]なでしこは咲きて散りぬと人は言へど我が標めし野の花にあらめやも

[仮名],なでしこは,さきてちりぬと,ひとはいへど,わがしめしのの,はなにあらめやも

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],夏相聞,作者：大伴家持,紀女郎,贈答,比喩,植物

秋雜歌

1511

[題詞]崗本天皇御製歌一首

[原文]暮去者小倉乃山尓鳴鹿者今夜波不鳴寐<宿>家良思母

[訓読]夕されば小倉の山に鳴く鹿は今夜は鳴かず寐ねにけらしも

[仮名],ゆふされば,をぐらのやまに,なくしかは,こよひはなかず,いねにけらしも

[_]

[左注]

[_]

[校異]歌 [西] 謌 / 歌 [西] 謌 [西（訂正）] 歌 / <> → 宿 [西（右書）][類][紀][細]

[_]

[ＫＷ],秋雑歌,作者：舒明天皇,斉明天皇,地名,動物

1512

[題詞]大津皇子御歌一首

[原文]經毛無緯毛不定未通女等之織黄葉尓霜莫零

[訓読]経もなく緯も定めず娘子らが織る黄葉に霜な降りそね

[仮名],たてもなく,ぬきもさだめず,をとめらが,おるもみちばに,しもなふりそね

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],秋雑歌,作者：大津皇子,植物

1513

[題詞]穂積皇子御歌二首

[原文]今朝之旦開鴈之鳴聞都春日山黄葉家良思吾情痛之

[訓読]今朝の朝明雁が音聞きつ春日山もみちにけらし我が心痛し

[仮名],けさのあさけ,かりがねききつ,かすがやま,もみちにけらし,あがこころいたし

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],秋雑歌,作者：穂積皇子,奈良,動物,地名,季節

1514

[題詞]（穂積皇子御歌二首）

[原文]秋芽者可咲有良之吾屋戸之淺茅之花乃散去見者

[訓読]秋萩は咲くべくあらし我がやどの浅茅が花の散りゆく見れば

[仮名],あきはぎは,さくべくあらし,わがやどの,あさぢがはなの,ちりゆくみれば

[_]

[左注]

[_]

[校異]

[_]

[ＫＷ],秋雑歌,作者：穂積皇子,植物

1515

[題詞]但馬皇女御歌一首 [一書云子部王作]

[原文]事繁里尓不住者今朝鳴之鴈尓副而去益物乎 [一云國尓不有者]

[訓読]言繁き里に住まずは今朝鳴きし雁にたぐひて行かましものを [一云国にあらずは]

[仮名],ことしげき,さとにすまずは,けさなきし,かりにたぐひて,ゆかましものを,[くににあらずは]

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],秋雑歌,作者：但馬皇女,うわさ,動物

1516

[題詞]山部王惜秋葉歌一首

[原文]秋山尓黄反木葉乃移去者更哉秋乎欲見世武

[訓読]秋山にもみつ木の葉のうつりなばさらにや秋を見まく欲りせむ

[仮名],あきやまに,もみつこのはの,うつりなば,さらにやあきを,みまくほりせむ

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],秋雑歌,作者：山部王,植物,季節

1517

[題詞]長屋王歌一首

[原文]味酒三輪乃祝之山照秋乃黄葉<乃> 散莫惜毛

[訓読]味酒三輪のはふりの山照らす秋の黄葉の散らまく惜しも

[仮名],うまさけ,みわのはふりの,やまてらす,あきのもみちの,ちらまくをしも

[_]

[左注]

[_]

[校異]歌 [西] 謌 [西（訂正）] 歌 / 祝 [類]（塙）社 / <> → 乃 [類][紀]

[_]

[ＫＷ],秋雑歌,作者：長屋王,三輪,奈良,枕詞,地名,植物

1518

[題詞]山上<臣>憶良七夕歌十二首

[原文]天漢相向立而吾戀之君来益奈利紐解設奈 [一云向河]

[訓読]天の川相向き立ちて我が恋ひし君来ますなり紐解き設けな [一云川に向ひて]

[仮名],あまのがは,あひむきたちて,あがこひし,きみきますなり,ひもときまけな,[かはにむかひて]

[_]

[左注]右養老八年七月七日應令

[_]

[校異]巨 → 臣 [類][紀][細] / 歌 [西] 謌 [西（訂正）] 歌

[_]

[ＫＷ],秋雑歌,作者：山上憶良,七夕

1519

[題詞]（山上<臣>憶良七夕歌十二首）

[原文]久方之漢<瀬>尓船泛而今夜可君之我許来益武

[訓読]久方の天の川瀬に舟浮けて今夜か君が我がり来まさむ

[仮名],ひさかたの,あまのかはせに,ふねうけて,こよひかきみが,わがりきまさむ

[_]

[左注]右神亀元年七月七日夜左大臣宅

[_]

[校異]漢 [京] 天漢 / <> → 瀬 [類][矢]

[_]

[ＫＷ],秋雑歌,作者：山上憶良,七夕

1520

[題詞]（山上<臣>憶良七夕歌十二首）

[原文]牽牛者織女等天地之別時<由> 伊奈宇之呂河向立 <思>空不安久尓嘆空不安久尓青浪尓望者多要奴白雲尓な者盡奴如是耳也伊伎都枳乎良牟如是耳也戀都追安良牟佐丹塗之小船毛賀茂玉纒之真可伊毛我母 [一云小棹毛何毛] 朝奈藝尓伊可伎渡夕塩尓 [一云夕倍尓毛] 伊許藝渡久方之天河原尓天飛也領巾可多思吉真玉手乃玉手指更餘宿毛寐而師可聞 [一云伊毛左祢而師加] 秋尓安良受登母 [一云秋不待登毛]

[訓読]彦星は織女と天地の別れし時ゆいなうしろ川に向き立ち思ふそら安けなくに嘆くそら安けなくに青波に望みは絶えぬ白雲に涙は尽きぬかくのみや息づき居らむかくのみや恋ひつつあらむさ丹塗りの小舟もがも玉巻きの真櫂もがも [一云小棹もがも] 朝なぎにい掻き渡り夕潮に [一云夕にも] い漕ぎ渡り久方の天の川原に天飛ぶや領巾片敷き真玉手の玉手さし交へあまた夜も寐ねてしかも [一云寐もさ寝てしか] 秋にあらずとも [一云秋待たずとも]

[仮名],ひこほしは,たなばたつめと,あめつちの,わかれしときゆ,いなうしろ,かはにむきたち,おもふそら,やすけなくに,なげくそら,やすけなくに,あをなみに,のぞみはたえぬ,しらくもに,なみたはつきぬ,かくのみや,いきづきをらむ,かくのみや,こひつつあらむ,さにぬりの,をぶねもがも,たままきの,まかいもがも,[をさをもがも],あさなぎに,いかきわたり,ゆふしほに,[ゆふべにも],いこぎわたり,ひさかたの,あまのかはらに,あまとぶや,ひれかたしき,またまでの,たまでさしかへ,あまたよも,いねてしかも,[いもさねてしか],あきにあらずとも,[あきまたずとも]

[_]

[左注]（右天平元年七月七日夜憶良仰觀天河 [一云帥家作]）

[_]

[校異]雨 → 由 [西（訂正右書）][類][紀][細] / 宇 [童蒙抄]（塙）牟 / 意 → 思 [類][紀][温]

[_]

[ＫＷ],秋雑歌,作者：山上憶良,七夕

1521

[題詞]（山上<臣>憶良七夕歌十二首）反歌

[原文]風雲者二岸尓可欲倍杼母吾遠嬬之 [一云波之嬬乃] 事曽不通

[訓読]風雲は二つの岸に通へども我が遠妻の [一云愛し妻の] 言ぞ通はぬ

[仮名],かぜくもは,ふたつのきしに,かよへども,わがとほづまの[はしつまの],ことぞかよはぬ

[_]

[左注]（右天平元年七月七日夜憶良仰觀天河 [一云帥家作]）

[_]

[校異]歌 [西] 謌 [西（訂正）] 歌

[_]

[ＫＷ],秋雑歌,作者：山上憶良,七夕

1522

[題詞]（山上<臣>憶良七夕歌十二首）

[原文]多夫手二毛投越都倍<吉> 天漢敝太而礼婆可母安麻多須辨奈吉

[訓読]たぶてにも投げ越しつべき天の川隔てればかもあまたすべなき

[仮名],たぶてにも,なげこしつべき,あまのがは,へだてればかも,あまたすべなき

[_]

[左注]右天平元年七月七日夜憶良仰觀天河 [一云帥家作]

[_]

[校異]伎 → 吉 [類][紀]

[_]

[ＫＷ],秋雑歌,作者：山上憶良,七夕

1523

[題詞]（山上<臣>憶良七夕歌十二首）

[原文]秋風之吹尓之日従何時可登吾待戀之君曽来座流

[訓読]秋風の吹きにし日よりいつしかと我が待ち恋ひし君ぞ来ませる

[仮名],あきかぜの,ふきにしひより,いつしかと,あがまちこひし,きみぞきませる

[_]

[左注]（右天平二年七月八日夜帥家集會）

[_]

[校異]

[_]

[ＫＷ],秋雑歌,作者：山上憶良,七夕

1524

[題詞]（山上<臣>憶良七夕歌十二首）

[原文]天漢伊刀河浪者多々祢杼母伺候難之近此瀬呼

[訓読]天の川いと川波は立たねどもさもらひかたし近きこの瀬を

[仮名],あまのがは,いとかはなみは,たたねども,さもらひかたし,ちかきこのせを

[_]

[左注]（右天平二年七月八日夜帥家集會）

[_]

[校異]

[_]

[ＫＷ],秋雑歌,作者：山上憶良,七夕

1525

[題詞]（山上<臣>憶良七夕歌十二首）

[原文]袖振者見毛可波之都倍久雖近度為便無秋西安良祢波

[訓読]袖振らば見も交しつべく近けども渡るすべなし秋にしあらねば

[仮名],そでふらば,みもかはしつべく,ちかけども,わたるすべなし,あきにしあらねば

[_]

[左注]（右天平二年七月八日夜帥家集會）

[_]

[校異]

[_]

[ＫＷ],秋雑歌,作者：山上憶良,七夕

1526

[題詞]（山上<臣>憶良七夕歌十二首）

[原文]玉蜻蜒髣髴所見而別去者毛等奈也戀牟相時麻而波

[訓読]玉かぎるほのかに見えて別れなばもとなや恋ひむ逢ふ時までは

[仮名],たまかぎる,ほのかにみえて,わかれなば,もとなやこひむ,あふときまでは

[_]

[左注]右天平二年七月八日夜帥家集會

[_]

[校異]

[_]

[ＫＷ],秋雑歌,作者：山上憶良,七夕

1527

[題詞]（山上<臣>憶良七夕歌十二首）

[原文]牽牛之迎嬬船己藝出良之 <天>漢原尓霧之立波

[訓読]彦星の妻迎へ舟漕ぎ出らし天の川原に霧の立てるは

[仮名],ひこほしの,つまむかへぶね,こぎづらし,あまのかはらに,きりのたてるは

[_]

[左注]

[_]

[校異]<> → 天 [類][紀]

[_]

[ＫＷ],秋雑歌,作者：山上憶良,七夕

1528

[題詞]（山上<臣>憶良七夕歌十二首）

[原文]霞立天河原尓待君登伊徃<還>尓裳襴所沾

[訓読]霞立つ天の川原に君待つとい行き帰るに裳の裾濡れぬ

[仮名],かすみたつ,あまのかはらに,きみまつと,いゆきかへるに,ものすそぬれぬ

[_]

[左注]

[_]

[校異]還程 → 還 [類][紀]

[_]

[ＫＷ],秋雑歌,作者：山上憶良,七夕

1529

[題詞]（山上<臣>憶良七夕歌十二首）

[原文]天河浮津之浪音佐和久奈里吾待君思舟出為良之母

[訓読]天の川浮津の波音騒くなり我が待つ君し舟出すらしも

[仮名],あまのがは,うきつのなみおと,さわくなり,わがまつきみし,ふなですらしも

[_]

[左注]

[_]

[校異]

[_]

[ＫＷ],秋雑歌,作者：山上憶良,七夕

1530

[題詞]大宰諸卿大夫并官人等宴筑前國蘆城驛家歌二首

[原文]娘部思秋芽子交蘆城野今日乎始而萬代尓将見

[訓読]をみなへし秋萩交る蘆城の野今日を始めて万世に見む

[仮名],をみなへし,あきはぎまじる,あしきのの,けふをはじめて,よろづよにみむ

[_]

[左注]（右二首作者未詳）

[_]

[校異]歌 [西] 謌 [西（訂正）] 歌

[_]

[ＫＷ],秋雑歌,福岡県,太宰府,宴席,土地讃美,地名,植物

1531

[題詞]（大宰諸卿大夫并官人等宴筑前國蘆城驛家歌二首）

[原文]珠匣葦木乃河乎今日見者迄萬代将忘八方

[訓読]玉櫛笥蘆城の川を今日見ては万代までに忘らえめやも

[仮名],たまくしげ,あしきのかはを,けふみては,よろづよまでに,わすらえめやも

[_]

[左注]右二首作者未詳

[_]

[校異]

[_]

[ＫＷ],秋雑歌,福岡県,太宰府,宴席,土地讃美,枕詞,地名

1532

[題詞]笠朝臣金村伊香山作歌二首

[原文]草枕客行人毛徃觸者尓保比奴倍久毛開流芽子香聞

[訓読]草枕旅行く人も行き触ればにほひぬべくも咲ける萩かも

[仮名],くさまくら,たびゆくひとも,ゆきふれば,にほひぬべくも,さけるはぎかも

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],秋雑歌,作者：笠金村,滋賀県,塩津,羈旅,土地讃美,枕詞,植物

1533

[題詞]（笠朝臣金村伊香山作歌二首）

[原文]伊香山野邊尓開有芽子見者公之家有尾花之所念

[訓読]伊香山野辺に咲きたる萩見れば君が家なる尾花し思ほゆ

[仮名],いかごやま,のへにさきたる,はぎみれば,きみがいへなる,をばなしおもほゆ

[_]

[左注]

[_]

[校異]

[_]

[ＫＷ],秋雑歌,作者：笠金村,滋賀県,塩津,羈旅,望郷,地名,植物

1534

[題詞]石川朝臣老夫歌一首

[原文]娘部志秋芽子折礼玉桙乃道去Ｌ跡為乞兒

[訓読]をみなへし秋萩折れれ玉桙の道行きづとと乞はむ子がため

[仮名],をみなへし,あきはぎをれれ,たまほこの,みちゆきづとと,こはむこがため

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],秋雑歌,作者：石川老夫,旅みやげ,植物

1535

[題詞]藤原宇合卿歌一首

[原文]我背兒乎何時曽且今登待苗尓於毛也者将見秋風吹

[訓読]我が背子をいつぞ今かと待つなへに面やは見えむ秋の風吹く

[仮名],わがせこを,いつぞいまかと,まつなへに,おもやはみえむ,あきのかぜふく

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],秋雑歌,作者：藤原宇合,女歌,宴席

1536

[題詞]縁達帥歌一首

[原文]暮相而朝面羞隠野乃芽子者散去寸黄葉早續也

[訓読]宵に逢ひて朝面なみ名張野の萩は散りにき黄葉早継げ

[仮名],よひにあひて,あしたおもなみ,なばりのの,はぎはちりにき,もみちはやつげ

[_]

[左注]

[_]

[校異]謌 [温][矢][京] 歌

[_]

[ＫＷ],秋雑歌,作者：縁達帥,三重県,名張,羈旅,序詞,植物

1537

[題詞]山上<臣>憶良詠秋野花<歌>二首

[原文]秋野尓咲有花乎指折可伎數者七種花 [其一]

[訓読]秋の野に咲きたる花を指折りかき数ふれば七種の花 [其一]

[仮名],あきののに,さきたるはなを,およびをり,かきかぞふれば,ななくさのはな

[_]

[左注]

[_]

[校異]巨 → 臣 [紀][細][温] / <> → 歌 [類][矢][京]

[_]

[ＫＷ],秋雑歌,作者：山上憶良,詠物詩,植物

1538

[題詞]（山上<臣>憶良詠秋野花<歌>二首）

[原文]芽之花乎花葛花瞿麦之花姫部志又藤袴朝皃之花 [其二]

[訓読]萩の花尾花葛花なでしこの花をみなへしまた藤袴朝顔の花 [其二]

[仮名],はぎのはな,をばなくずはな,なでしこのはな,をみなへし,またふぢはかま,あさがほのはな

[_]

[左注]

[_]

[校異]

[_]

[ＫＷ],秋雑歌,作者：山上憶良,秋七草,詠物歌,植物

1539

[題詞]天皇御製歌二首

[原文]秋<田>乃穂田乎鴈之鳴闇尓夜之穂杼呂尓毛鳴渡可聞

[訓読]秋の田の穂田を雁がね暗けくに夜のほどろにも鳴き渡るかも

[仮名],あきのたの,ほたをかりがね,くらけくに,よのほどろにも,なきわたるかも

[_]

[左注]

[_]

[校異]歌 [西] 謌 [西（訂正）] 歌 / 日 → 田 [矢][京]

[_]

[ＫＷ],秋雑歌,作者：聖武天皇,動物,季節,叙景

1540

[題詞]（天皇御製歌二首）

[原文]今朝乃旦開鴈鳴寒聞之奈倍野邊能淺茅曽色付丹来

[訓読]今朝の朝明雁が音寒く聞きしなへ野辺の浅茅ぞ色づきにける

[仮名],けさのあさけ,かりがねさむく,ききしなへ,のへのあさぢぞ,いろづきにける

[_]

[左注]

[_]

[校異]

[_]

[ＫＷ],秋雑歌,作者：聖武天皇,動物,季節

1541

[題詞]大宰帥大伴卿歌二首

[原文]吾岳尓棹<壮>鹿来鳴先芽之花嬬問尓来鳴棹<壮>鹿

[訓読]我が岡にさを鹿来鳴く初萩の花妻どひに来鳴くさを鹿

[仮名],わがをかに,さをしかきなく,はつはぎの,はなつまどひに,きなくさをしか

[_]

[左注]

[_]

[校異]歌 [西] 謌 [西（訂正）] 歌 / 牡 → 壮 [定本] / 牡 → 壮 [定本]

[_]

[ＫＷ],秋雑歌,作者：大伴旅人,太宰府,植物,動物

1542

[題詞]（大宰帥大伴卿歌二首）

[原文]吾岳之秋芽花風乎痛可落成将見人裳欲得

[訓読]我が岡の秋萩の花風をいたみ散るべくなりぬ見む人もがも

[仮名],わがをかの,あきはぎのはな,かぜをいたみ,ちるべくなりぬ,みむひともがも

[_]

[左注]

[_]

[校異]

[_]

[ＫＷ],秋雑歌,作者：大伴旅人,太宰府,植物,恋情

1543

[題詞]三原王歌一首

[原文]秋露者移尓有家里水鳥乃青羽乃山能色付見者

[訓読]秋の露は移しにありけり水鳥の青葉の山の色づく見れば

[仮名],あきのつゆは,うつしにありけり,みづどりの,あをばのやまの,いろづくみれば

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],秋雑歌,作者：三原王,季節

1544

[題詞]湯原王七夕歌二首

[原文]牽牛之念座良武従情見吾辛苦夜之更降去者

[訓読]彦星の思ひますらむ心より見る我れ苦し夜の更けゆけば

[仮名],ひこほしの,おもひますらむ,こころより,みるわれくるし,よのふけゆけば

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],秋雑歌,作者：湯原王,七夕

1545

[題詞]（湯原王七夕歌二首）

[原文]織女之袖續三更之五更者河瀬之鶴者不鳴友吉

[訓読]織女の袖継ぐ宵の暁は川瀬の鶴は鳴かずともよし

[仮名],たなばたの,そでつぐよひの,あかときは,かはせのたづは,なかずともよし

[_]

[左注]

[_]

[校異]

[_]

[ＫＷ],秋雑歌,作者：湯原王,七夕

1546

[題詞]市原王七夕歌一首

[原文]妹許登吾去道乃河有者附目緘結跡夜更降家類

[訓読]妹がりと我が行く道の川しあればつくめ結ぶと夜ぞ更けにける

[仮名],いもがりと,わがゆくみちの,かはしあれば,つくめむすぶと,よぞふけにける

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],秋雑歌,作者：市原王,七夕

1547

[題詞]藤原朝臣八束歌一首

[原文]棹四香能芽二貫置有露之白珠相佐和仁誰人可毛手尓将巻知布

[訓読]さを鹿の萩に貫き置ける露の白玉あふさわに誰れの人かも手に巻かむちふ

[仮名],さをしかの,はぎにぬきおける,つゆのしらたま,あふさわに,たれのひとかも,てにまかむちふ

[_]

[左注]

[_]

[校異]

[_]

[ＫＷ],秋雑歌,作者：藤原八束,旋頭歌,比喩,恋歌,動物

1548

[題詞]大伴坂上郎女晩芽子歌一首

[原文]咲花毛 <乎曽>呂波Ｑ奥手有長意尓尚不如家里

[訓読]咲く花もをそろはいとはしおくてなる長き心になほしかずけり

[仮名],さくはなも,をそろはいとはし,おくてなる,ながきこころに,なほしかずけり

[_]

[左注]

[_]

[校異]歌 [西] 謌 [西（訂正）] 歌 / 宇都 → 乎曽 [類][紀]

[_]

[ＫＷ],秋雑歌,作者：坂上郎女,比喩,恋歌

1549

[題詞]典鑄正紀朝臣鹿人至衛門大尉大伴宿祢稲公跡見庄作歌一首

[原文]射目立而跡見乃岳邊之瞿麦花總手折吾者将去寧樂人之為

[訓読]射目立てて跡見の岡辺のなでしこの花ふさ手折り我れは持ちて行く奈良人のため

[仮名],いめたてて,とみのをかへの,なでしこのはな,ふさたをり,われはもちてゆく,ならひとのため

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],秋雑歌,作者：紀鹿人,大伴稲公,奈良県,桜井市,みやげ,別れ歌,地名,植物,旋頭歌

1550

[題詞]湯原王鳴鹿歌一首

[原文]秋芽之落乃乱尓呼立而鳴奈流鹿之音遥者

[訓読]秋萩の散りの乱ひに呼びたてて鳴くなる鹿の声の遥けさ

[仮名],あきはぎの,ちりのまがひに,よびたてて,なくなるしかの,こゑのはるけさ

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],秋雑歌,作者：湯原王,植物,動物,叙景

1551

[題詞]市原王歌一首

[原文]待時而落<鍾>礼能 <雨>零収開朝香山之将黄變

[訓読]時待ちて降れるしぐれの雨やみぬ明けむ朝か山のもみたむ

[仮名],ときまちて,ふれるしぐれの,あめやみぬ,あけむあしたか,やまのもみたむ

[_]

[左注]

[_]

[校異]歌 [西] 謌 [西（訂正）] 歌 / 鐘 → 鍾 [類][温][矢] / 雨令 → 雨 [万葉集新考]

[_]

[ＫＷ],秋雑歌,作者：市原王,季節

1552

[題詞]湯原王蟋蟀歌一首

[原文]暮月夜心毛思努尓白露乃置此庭尓蟋蟀鳴毛

[訓読]夕月夜心もしのに白露の置くこの庭にこほろぎ鳴くも

[仮名],ゆふづくよ,こころもしのに,しらつゆの,おくこのにはに,こほろぎなくも

[_]

[左注]

[_]

[校異]

[_]

[ＫＷ],秋雑歌,作者：湯原王,動物,季節,叙景

1553

[題詞]衛門大尉大伴宿祢稲公歌一首

[原文]<鍾>礼能雨無間零者三笠山木末歴色附尓家里

[訓読]時雨の雨間なくし降れば御笠山木末あまねく色づきにけり

[仮名],しぐれのあめ,まなくしふれば,みかさやま,こぬれあまねく,いろづきにけり

[_]

[左注]

[_]

[校異]歌 [西] 謌 [西（訂正）] 歌 / 鐘 → 鍾 [類]

[_]

[ＫＷ],秋雑歌,作者：大伴稲公,奈良,地名,季節

1554

[題詞]大伴家持和歌一首

[原文]皇之御笠乃山能秋黄葉今日之<鍾>礼尓散香過奈牟

[訓読]大君の御笠の山の黄葉は今日の時雨に散りか過ぎなむ

[仮名],おほきみの,みかさのやまの,もみちばは,けふのしぐれに,ちりかすぎなむ

[_]

[左注]

[_]

[校異]歌 [西] 謌 [西（訂正）] 歌 / 鐘 → 鍾 [類]

[_]

[ＫＷ],秋雑歌,作者：大伴家持,奈良,地名,植物

1555

[題詞]安貴王歌一首

[原文]秋立而幾日毛不有者此宿流朝開之風者手本寒母

[訓読]秋立ちて幾日もあらねばこの寝ぬる朝明の風は手本寒しも

[仮名],あきたちて,いくかもあらねば,このねぬる,あさけのかぜは,たもとさむしも

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],秋雑歌,作者：安貴王,季節,恋情

1556

[題詞]忌部首黒麻呂歌一首

[原文]秋田苅借蘆毛未壊者鴈鳴寒霜毛置奴我二

[訓読]秋田刈る刈廬もいまだ壊たねば雁が音寒し霜も置きぬがに

[仮名],あきたかる,かりいほもいまだ,こほたねば,かりがねさむし,しももおきぬがに

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],秋雑歌,作者：忌部黒麻呂,動物,季節

1557

[題詞]故郷豊浦寺之尼私房宴歌三首

[原文]明日香河逝廻<丘>之秋芽<子>者今日零雨尓落香過奈牟

[訓読]明日香川行き廻る岡の秋萩は今日降る雨に散りか過ぎなむ

[仮名],あすかがは,ゆきみるをかの,あきはぎは,けふふるあめに,ちりかすぎなむ

[_]

[左注]右一首丹比真人國人

[_]

[校異]歌 [西] 謌 [西（訂正）] 歌 → 謌 / 岳 → 丘 [類][紀] / <> → 子 [類][紀][温]

[_]

[ＫＷ],秋雑歌,作者：丹比国人,飛鳥,宴席,豊浦寺,尼,地名,植物,季節

1558

[題詞]（故郷豊浦寺之尼私房宴歌三首）

[原文]鶉鳴古郷之秋芽子乎思人共相見都流可聞

[訓読]鶉鳴く古りにし里の秋萩を思ふ人どち相見つるかも

[仮名],うづらなく,ふりにしさとの,あきはぎを,おもふひとどち,あひみつるかも

[_]

[左注]（右二首沙弥尼等）

[_]

[校異]

[_]

[ＫＷ],秋雑歌,作者：沙弥尼,飛鳥,宴席,豊浦寺,動物,植物

1559

[題詞]（故郷豊浦寺之尼私房宴歌三首）

[原文]秋芽子者盛過乎徒尓頭刺不挿還去牟跡哉

[訓読]秋萩は盛り過ぐるをいたづらにかざしに挿さず帰りなむとや

[仮名],あきはぎは,さかりすぐるを,いたづらに,かざしにささず,かへりなむとや

[_]

[左注]右二首沙弥尼等

[_]

[校異]

[_]

[ＫＷ],秋雑歌,作者：沙弥尼,飛鳥,宴席,豊浦寺,植物

1560

[題詞]大伴坂上郎女跡見田庄作歌二首

[原文]妹目乎始見之埼乃秋芽子者此月其呂波落許須莫湯目

[訓読]妹が目を始見の崎の秋萩はこの月ごろは散りこすなゆめ

[仮名],いもがめを,**みのさきの,あきはぎは,このつきごろは,ちりこすなゆめ

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],秋雑歌,作者：坂上郎女,奈良県,桜井市,植物

1561

[題詞]（大伴坂上郎女跡見田庄作歌二首）

[原文]吉名張乃猪養山尓伏鹿之嬬呼音乎聞之登聞思佐

[訓読]吉隠の猪養の山に伏す鹿の妻呼ぶ声を聞くが羨しさ

[仮名],よなばりの,ゐかひのやまに,ふすしかの,つまよぶこゑを,きくがともしさ

[_]

[左注]

[_]

[校異]聞 [類][紀]（塙）門

[_]

[ＫＷ],秋雑歌,作者：坂上郎女,奈良県,桜井市,地名,動物

1562

[題詞]巫部麻蘇娘子鴈歌一首

[原文]誰聞都従此間鳴渡鴈鳴乃嬬呼音乃 <乏>知<在><乎>

[訓読]誰れ聞きつこゆ鳴き渡る雁がねの妻呼ぶ声の羨しくもあるか

[仮名],たれききつ,こゆなきわたる,かりがねの,つまよぶこゑの,ともしくもあるか

[_]

[左注]

[_]

[校異]歌 [西] 謌 [西（訂正）] 歌 / 之 → 乏 [万葉集略解] / 左 → 在 [万葉集略解] / 守 → 乎 [定本]

[_]

[ＫＷ],秋雑歌,作者：巫部麻蘇娘子,恋情,恋歌,大伴家持,動物

1563

[題詞]大伴家持和歌一首

[原文]聞津哉登妹之問勢流鴈鳴者真毛遠雲隠奈利

[訓読]聞きつやと妹が問はせる雁が音はまことも遠く雲隠るなり

[仮名],ききつやと,いもがとはせる,かりがねは,まこともとほく,くもがくるなり

[_]

[左注]

[_]

[校異]歌 [西] 謌

[_]

[ＫＷ],秋雑歌,作者：大伴家持,和歌,巫部麻蘇娘子,恋歌,比喩,動物

1564

[題詞]<日>置長枝娘子歌一首

[原文]秋付者尾花我上尓置露乃應消毛吾者所念香聞

[訓読]秋づけば尾花が上に置く露の消ぬべくも我は思ほゆるかも

[仮名],あきづけば,をばながうへに,おくつゆの,けぬべくもわは,おもほゆるかも

[_]

[左注]

[_]

[校異]曰 → 日 [紀][細][温] / 歌 [西] 謌 [西（訂正）] 歌

[_]

[ＫＷ],秋雑歌,作者：日置長枝娘子,大伴家持,恋歌,恋情,植物

1565

[題詞]大伴家持和歌一首

[原文]吾屋戸乃一村芽子乎念兒尓不令見殆令散都類香聞

[訓読]我が宿の一群萩を思ふ子に見せずほとほと散らしつるかも

[仮名],わがやどの,ひとむらはぎを,おもふこに,みせずほとほと,ちらしつるかも

[_]

[左注]

[_]

[校異]歌 [西] 謌

[_]

[ＫＷ],秋雑歌,作者：大伴家持,日置長枝娘子,恋歌,恋情,比喩,植物

1566

[題詞]大伴家持秋歌四首

[原文]久堅之雨間毛不置雲隠鳴曽去奈流早田鴈之哭

[訓読]久方の雨間も置かず雲隠り鳴きぞ行くなる早稲田雁がね

[仮名],ひさかたの,あままもおかず,くもがくり,なきぞゆくなる,わさだかりがね

[_]

[左注]（右四首天平八年丙子秋九月作）

[_]

[校異]歌 [西] 謌

[_]

[ＫＷ],秋雑歌,作者：大伴家持,天平８年９月,年紀,動物,季節,叙景

1567

[題詞]（大伴家持秋歌四首）

[原文]雲隠鳴奈流鴈乃去而将居秋田之穂立繁之所念

[訓読]雲隠り鳴くなる雁の行きて居む秋田の穂立繁くし思ほゆ

[仮名],くもがくり,なくなるかりの,ゆきてゐむ,あきたのほたち,しげくしおもほゆ

[_]

[左注]（右四首天平八年丙子秋九月作）

[_]

[校異]

[_]

[ＫＷ],秋雑歌,作者：大伴家持,天平８年９月,年紀,動物

1568

[題詞]（大伴家持秋歌四首）

[原文]雨隠情欝悒出見者春日山者色付二家利

[訓読]雨隠り心いぶせみ出で見れば春日の山は色づきにけり

[仮名],あまごもり,こころいぶせみ,いでみれば,かすがのやまは,いろづきにけり

[_]

[左注]（右四首天平八年丙子秋九月作）

[_]

[校異]

[_]

[ＫＷ],秋雑歌,作者：大伴家持,鬱屈,奈良,雨隠,天平８年９月,年紀,地名,季節

1569

[題詞]（大伴家持秋歌四首）

[原文]雨晴而清照有此月夜又更而雲勿田菜引

[訓読]雨晴れて清く照りたるこの月夜またさらにして雲なたなびき

[仮名],あめはれて,きよくてりたる,このつくよ,またさらにして,くもなたなびき

[_]

[左注]右四首天平八年丙子秋九月作

[_]

[校異]

[_]

[ＫＷ],秋雑歌,作者：大伴家持,天平８年９月,年紀

1570

[題詞]藤原朝臣八束歌二首

[原文]此間在而春日也何處雨障出而不行者戀乍曽乎流

[訓読]ここにありて春日やいづち雨障み出でて行かねば恋ひつつぞ居る

[仮名],ここにありて,かすがやいづち,あまつつみ,いでてゆかねば,こひつつぞをる

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],秋雑歌,作者：藤原八束,奈良,鬱屈,雨隠,地名,恋情

1571

[題詞]（藤原朝臣八束歌二首）

[原文]春日野尓 <鍾>礼零所見明日従者黄葉頭刺牟高圓乃山

[訓読]春日野に時雨降る見ゆ明日よりは黄葉かざさむ高円の山

[仮名],かすがのに,しぐれふるみゆ,あすよりは,もみちかざさむ,たかまとのやま

[_]

[左注]

[_]

[校異]鐘 → 鍾 [類]

[_]

[ＫＷ],秋雑歌,作者：藤原八束,奈良,地名

1572

[題詞]大伴家持白露歌一首

[原文]吾屋戸乃草花上之白露乎不令消而玉尓貫物尓毛我

[訓読]我が宿の尾花が上の白露を消たずて玉に貫くものにもが

[仮名],わがやどの,をばながうへの,しらつゆを,けたずてたまに,ぬくものにもが

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],秋雑歌,作者：大伴家持,植物

1573

[題詞]大伴利上歌一首

[原文]秋之雨尓所沾乍居者雖賎吾妹之屋戸志所念香聞

[訓読]秋の雨に濡れつつ居ればいやしけど我妹が宿し思ほゆるかも

[仮名],あきのあめに,ぬれつつをれば,いやしけど,わぎもがやどし,おもほゆるかも

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],秋雑歌,作者：大伴利上,恋情

1574

[題詞]右大臣橘家宴歌七首

[原文]雲上尓鳴奈流鴈之雖遠君将相跡手廻来津

[訓読]雲の上に鳴くなる雁の遠けども君に逢はむとた廻り来つ

[仮名],くものうへに,なくなるかりの,とほけども,きみにあはむと,たもとほりきつ

[_]

[左注]（右二首）（ / 天平十年戊寅秋八月廿日）

[_]

[校異]歌 [西] 謌 [西（訂正）] 歌

[_]

[ＫＷ],秋雑歌,宴席,橘諸兄,天平１０年８月２０日,年紀,動物

1575

[題詞]（右大臣橘家宴歌七首）

[原文]雲上尓鳴都流鴈乃寒苗芽子乃下葉者黄變可毛

[訓読]雲の上に鳴きつる雁の寒きなへ萩の下葉はもみちぬるかも

[仮名],くものうへに,なきつるかりの,さむきなへ,はぎのしたばは,もみちぬるかも

[_]

[左注]右二首（ / 天平十年戊寅秋八月廿日）

[_]

[校異]

[_]

[ＫＷ],秋雑歌,宴席,橘諸兄,天平１０年８月２０日,年紀,植物

1576

[題詞]（右大臣橘家宴歌七首）

[原文]此岳尓小<壮>鹿履起宇加Ｏ良比可聞可<聞>為良久君故尓許曽

[訓読]この岡に小鹿踏み起しうかねらひかもかもすらく君故にこそ

[仮名],このをかに,をしかふみおこし,うかねらひ,かもかもすらく,きみゆゑにこそ

[_]

[左注]右一首長門守巨曽倍朝臣津嶋（ / 天平十年戊寅秋八月廿日）

[_]

[校異]牡 → 壮 [定本] / 開 → 聞 [代匠記精撰本]

[_]

[ＫＷ],秋雑歌,作者：巨曽倍津嶋,宴席,橘諸兄,天平１０年８月２０日,年紀,主人讃美,動物

1577

[題詞]（右大臣橘家宴歌七首）

[原文]秋野之草花我末乎押靡而来之久毛知久相流君可聞

[訓読]秋の野の尾花が末を押しなべて来しくもしるく逢へる君かも

[仮名],あきののの,をばながうれを,おしなべて,こしくもしるく,あへるきみかも

[_]

[左注]（右二首阿倍朝臣蟲麻呂）（ / 天平十年戊寅秋八月廿日）

[_]

[校異]

[_]

[ＫＷ],秋雑歌,作者：阿倍虫麻呂,宴席,橘諸兄,天平１０年８月２０日,年紀,主人讃美,植物

1578

[題詞]（右大臣橘家宴歌七首）

[原文]今朝鳴而行之鴈鳴寒可聞此野乃淺茅色付尓家類

[訓読]今朝鳴きて行きし雁が音寒みかもこの野の浅茅色づきにける

[仮名],けさなきて,ゆきしかりがね,さむみかも,このののあさぢ,いろづきにける

[_]

[左注]右二首阿倍朝臣蟲麻呂（ / 天平十年戊寅秋八月廿日）

[_]

[校異]

[_]

[ＫＷ],秋雑歌,作者：阿倍虫麻呂,宴席,橘諸兄,天平１０年８月２０日,年紀,主人讃美,動物

1579

[題詞]（右大臣橘家宴歌七首）

[原文]朝扉開而物念時尓白露乃置有秋芽子所見喚鶏本名

[訓読]朝戸開けて物思ふ時に白露の置ける秋萩見えつつもとな

[仮名],あさとあけて,ものもふときに,しらつゆの,おけるあきはぎ,みえつつもとな

[_]

[左注]（右二首文忌寸馬養 / 天平十年戊寅秋八月廿日）

[_]

[校異]

[_]

[ＫＷ],秋雑歌,作者：文馬養,宴席,橘諸兄,天平１０年８月２０日,年紀,植物

1580

[題詞]（右大臣橘家宴歌七首）

[原文]棹<壮>鹿之来立鳴野之秋芽子者露霜負而落去之物乎

[訓読]さを鹿の来立ち鳴く野の秋萩は露霜負ひて散りにしものを

[仮名],さをしかの,きたちなくのの,あきはぎは,つゆしもおひて,ちりにしものを

[_]

[左注]右二首文忌寸馬養 / 天平十年戊寅秋八月廿日

[_]

[校異]牡 → 壮 [紀]

[_]

[ＫＷ],秋雑歌,作者：文馬養,宴席,橘諸兄,天平１０年８月２０日,年紀,動物,植物

1581

[題詞]橘朝臣奈良麻呂結集宴歌十一首

[原文]不手折而落者惜常我念之秋黄葉乎挿頭鶴鴨

[訓読]手折らずて散りなば惜しと我が思ひし秋の黄葉をかざしつるかも

[仮名],たをらずて,ちりなばをしと,わがおもひし,あきのもみちを,かざしつるかも

[_]

[左注]（右二首橘朝臣奈良麻呂）（ / 以前冬十月十七日集於右大臣橘卿之舊宅宴飲也）

[_]

[校異]朝臣 [類] 宿祢 / 歌 [西] 謌 [西（訂正）] 歌

[_]

[ＫＷ],秋雑歌,作者：橘奈良麻呂,宴席,天平１０年１０月１７日,年紀,植物

1582

[題詞]（橘朝臣奈良麻呂結集宴歌十一首）

[原文]<希>将見人尓令見跡黄葉乎手折曽我来師雨零久仁

[訓読]めづらしき人に見せむと黄葉を手折りぞ我が来し雨の降らくに

[仮名],めづらしき,ひとにみせむと,もみちばを,たをりぞわがこし,あめのふらくに

[_]

[左注]右二首橘朝臣奈良麻呂（ / 以前冬十月十七日集於右大臣橘卿之舊宅宴飲也）

[_]

[校異]布 → 希 [万葉集略解]

[_]

[ＫＷ],秋雑歌,作者：橘奈良麻呂,宴席,天平１０年１０月１７日,年紀,植物

1583

[題詞]（橘朝臣奈良麻呂結集宴歌十一首）

[原文]黄葉乎令落<鍾>礼尓所沾而来而君之黄葉乎挿頭鶴鴨

[訓読]黄葉を散らす時雨に濡れて来て君が黄葉をかざしつるかも

[仮名],もみちばを,ちらすしぐれに,ぬれてきて,きみがもみちを,かざしつるかも

[_]

[左注]右一首久米女王（ / 以前冬十月十七日集於右大臣橘卿之舊宅宴飲也）

[_]

[校異]鐘 → 鍾 [定本]

[_]

[ＫＷ],秋雑歌,作者：久米女王,橘奈良麻呂,宴席,天平１０年１０月１７日,年紀,植物

1584

[題詞]（橘朝臣奈良麻呂結集宴歌十一首）

[原文]<希>将見跡吾念君者秋山<乃> 始<黄>葉尓似許曽有家礼

[訓読]めづらしと我が思ふ君は秋山の初黄葉に似てこそありけれ

[仮名],めづらしと,あがおもふきみは,あきやまの,はつもみちばに,にてこそありけれ

[_]

[左注]右一首長忌寸娘（ / 以前冬十月十七日集於右大臣橘卿之舊宅宴飲也）

[_]

[校異]布 → 希 [万葉集略解] / <> → 乃 [類][紀][温][矢] / <> → 黄 [西（右書）][類][紀][細]

[_]

[ＫＷ],秋雑歌,作者：長娘,橘奈良麻呂,宴席,天平１０年１０月１７日,年紀,主人讃美,植物

1585

[題詞]（橘朝臣奈良麻呂結集宴歌十一首）

[原文]平山乃峯之黄葉取者落 <鍾>礼能雨師無間零良志

[訓読]奈良山の嶺の黄葉取れば散る時雨の雨し間なく降るらし

[仮名],ならやまの,みねのもみちば,とればちる,しぐれのあめし,まなくふるらし

[_]

[左注]右一首内舎人縣犬養宿祢吉男（ / 以前冬十月十七日集於右大臣橘卿之舊宅宴飲也）

[_]

[校異]鐘 → 鍾 [類]

[_]

[ＫＷ],秋雑歌,作者：縣犬養吉男,橘奈良麻呂,宴席,天平１０年１０月１７日,年紀,地名 ,植物,奈良

1586

[題詞]（橘朝臣奈良麻呂結集宴歌十一首）

[原文]黄葉乎落巻惜見手折来而今夜挿頭津何物可将念

[訓読]黄葉を散らまく惜しみ手折り来て今夜かざしつ何か思はむ

[仮名],もみちばを,ちらまくをしみ,たをりきて,こよひかざしつ,なにかおもはむ

[_]

[左注]右一首縣犬養宿祢持男（ / 以前冬十月十七日集於右大臣橘卿之舊宅宴飲也）

[_]

[校異]

[_]

[ＫＷ],秋雑歌,作者：縣犬養持男,橘奈良麻呂,宴席,天平１０年１０月１７日,年紀,植物

1587

[題詞]（橘朝臣奈良麻呂結集宴歌十一首）

[原文]足引乃山之黄葉今夜毛加浮去良武山河之瀬尓

[訓読]あしひきの山の黄葉今夜もか浮かび行くらむ山川の瀬に

[仮名],あしひきの,やまのもみちば,こよひもか,うかびゆくらむ,やまがはのせに

[_]

[左注]右一首大伴宿祢書持（ / 以前冬十月十七日集於右大臣橘卿之舊宅宴飲也）

[_]

[校異]

[_]

[ＫＷ],秋雑歌,作者：大伴書持,橘奈良麻呂,宴席,天平１０年１０月１７日,植物

1588

[題詞]（橘朝臣奈良麻呂結集宴歌十一首）

[原文]平山乎令丹黄葉手折来而今夜挿頭都落者雖落

[訓読]奈良山をにほはす黄葉手折り来て今夜かざしつ散らば散るとも

[仮名],ならやまを,にほはすもみち,たをりきて,こよひかざしつ,ちらばちるとも

[_]

[左注]右一首<三>手代人名（ / 以前冬十月十七日集於右大臣橘卿之舊宅宴飲也）

[_]

[校異]之 → 三 [細]

[_]

[ＫＷ],秋雑歌,作者：三手代人名,橘奈良麻呂,宴席,天平１０年１０月１７日,年紀,地名 ,奈良,植物

1589

[題詞]（橘朝臣奈良麻呂結集宴歌十一首）

[原文]露霜尓逢有黄葉乎手折来而妹挿頭都後者落十方

[訓読]露霜にあへる黄葉を手折り来て妹とかざしつ後は散るとも

[仮名],つゆしもに,あへるもみちを,たをりきて,いもはかざしつ,のちはちるとも

[_]

[左注]右一首秦許遍麻呂（ / 以前冬十月十七日集於右大臣橘卿之舊宅宴飲也）

[_]

[校異]

[_]

[ＫＷ],秋雑歌,作者：秦許遍麻呂,橘奈良麻呂,宴席,天平１０年１０月１７日,年紀,植物

1590

[題詞]（橘朝臣奈良麻呂結集宴歌十一首）

[原文]十月 <鍾>礼尓相有黄葉乃吹者将落風之随

[訓読]十月時雨にあへる黄葉の吹かば散りなむ風のまにまに

[仮名],かむなづき,しぐれにあへる,もみちばの,ふかばちりなむ,かぜのまにまに

[_]

[左注]右一首大伴宿祢池主（ / 以前冬十月十七日集於右大臣橘卿之舊宅宴飲也）

[_]

[校異]鐘 → 鍾 [類]

[_]

[ＫＷ],秋雑歌,作者：大伴池主,橘奈良麻呂,宴席,天平１０年１０月１７日,年紀,植物

1591

[題詞]（橘朝臣奈良麻呂結集宴歌十一首）

[原文]黄葉乃過麻久惜美思共遊今夜者不開毛有奴香

[訓読]黄葉の過ぎまく惜しみ思ふどち遊ぶ今夜は明けずもあらぬか

[仮名],もみちばの,すぎまくをしみ,おもふどち,あそぶこよひは,あけずもあらぬか

[_]

[左注]右一首内舎人大伴宿祢家持 / 以前冬十月十七日集於右大臣橘卿之舊宅宴飲也

[_]

[校異]

[_]

[ＫＷ],秋雑歌,作者：大伴家持,橘奈良麻呂,宴席,天平１０年１０月１７日,年紀,植物

1592

[題詞]大伴坂上郎女竹田庄作歌二首

[原文]然不有五百代小田乎苅乱田蘆尓居者京師所念

[訓読]しかとあらぬ五百代小田を刈り乱り田廬に居れば都し思ほゆ

[仮名],しかとあらぬ,いほしろをだを,かりみだり,たぶせにをれば,みやこしおもほゆ

[_]

[左注]（右天平十一年己卯秋九月作）

[_]

[校異]歌 [西] 謌 [西（訂正）] 歌

[_]

[ＫＷ],秋雑歌,作者：坂上郎女,奈良県,桜井市,望郷,天平１１年９月,年紀,地名

1593

[題詞]（大伴坂上郎女竹田庄作歌二首）

[原文]隠口乃始瀬山者色附奴 <鍾>礼乃雨者零尓家良思母

[訓読]隠口の泊瀬の山は色づきぬ時雨の雨は降りにけらしも

[仮名],こもりくの,はつせのやまは,いろづきぬ,しぐれのあめは,ふりにけらしも

[_]

[左注]右天平十一年己卯秋九月作

[_]

[校異]鐘 → 鍾 [類][矢]

[_]

[ＫＷ],秋雑歌,作者：坂上郎女,奈良県,桜井市,天平１１年９月,年紀,季節

1594

[題詞]佛前唱歌一首

[原文]思具礼能雨無間莫零紅尓丹保敝流山之落巻惜毛

[訓読]時雨の雨間なくな降りそ紅ににほへる山の散らまく惜しも

[仮名],しぐれのあめ,まなくなふりそ,くれなゐに,にほへるやまの,ちらまくをしも

[_]

[左注]右冬十月皇后宮之維摩講終日供養大唐高麗等種々音樂尓乃唱此歌詞弾琴者市原王忍坂王[後賜姓大原真人赤麻呂也] 歌子者田口朝臣家守河邊朝臣東人置始連長谷等十數人也

[_]

[校異]歌 [西] 謌 [西（訂正）] 歌 / 謌 [温][矢][京] 歌 / 歌 [西] 謌 [西（訂正）] 歌

[_]

[ＫＷ],秋雑歌,天平１１年１０月,年紀,光明皇后,誦唱

1595

[題詞]大伴宿祢像見歌一首

[原文]秋芽子乃枝毛十尾二降露乃消者雖消色出目八方

[訓読]秋萩の枝もとををに置く露の消なば消ぬとも色に出でめやも

[仮名],あきはぎの,えだもとををに,おくつゆの,けなばけぬとも,いろにいでめやも

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],秋雑歌,作者：大伴像見,恋愛,植物

1596

[題詞]大伴宿祢家持到娘子門作歌一首

[原文]妹家之門田乎見跡打出来之情毛知久照月夜鴨

[訓読]妹が家の門田を見むとうち出で来し心もしるく照る月夜かも

[仮名],いもがいへの,かどたをみむと,うちいでこし,こころもしるく,てるつくよかも

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],秋雑歌,作者：大伴家持,恋愛,恋情

1597

[題詞]大伴宿祢家持秋歌三首

[原文]秋野尓開流秋芽子秋風尓靡流上尓秋露置有

[訓読]秋の野に咲ける秋萩秋風に靡ける上に秋の露置けり

[仮名],あきののに,さけるあきはぎ,あきかぜに,なびけるうへに,あきのつゆおけり

[_]

[左注]（右天平十五年癸未秋八月見物色作）

[_]

[校異]歌 [西] 謌 [西（訂正）] 歌

[_]

[ＫＷ],秋雑歌,作者：大伴家持,天平１５年８月,年紀,植物,季節

1598

[題詞]（大伴宿祢家持秋歌三首）

[原文]棹<壮>鹿之朝立野邊乃秋芽子尓玉跡見左右置有白露

[訓読]さを鹿の朝立つ野辺の秋萩に玉と見るまで置ける白露

[仮名],さをしかの,あさたつのへの,あきはぎに,たまとみるまで,おけるしらつゆ

[_]

[左注]（右天平十五年癸未秋八月見物色作）

[_]

[校異]牡 → 壮 [紀]

[_]

[ＫＷ],秋雑歌,作者：大伴家持,天平１５年８月,年紀,動物,植物

1599

[題詞]（大伴宿祢家持秋歌三首）

[原文]狭尾<壮>鹿乃胸別尓可毛秋芽子乃散過鶏類盛可毛行流

[訓読]さを鹿の胸別けにかも秋萩の散り過ぎにける盛りかも去ぬる

[仮名],さをしかの,むなわけにかも,あきはぎの,ちりすぎにける,さかりかもいぬる

[_]

[左注]右天平十五年癸未秋八月見物色作

[_]

[校異]牡 → 壮 [紀]

[_]

[ＫＷ],秋雑歌,作者：大伴家持,天平１５年８月,年紀,動物,植物

1600

[題詞]内舎人石川朝臣廣成歌二首

[原文]妻戀尓鹿鳴山邊之秋芽子者露霜寒盛須疑由君

[訓読]妻恋ひに鹿鳴く山辺の秋萩は露霜寒み盛り過ぎゆく

[仮名],つまごひに,かなくやまへの,あきはぎは,つゆしもさむみ,さかりすぎゆく

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],秋雑歌,作者：石川広成,植物,動物,季節

1601

[題詞]（内舎人石川朝臣廣成歌二首）

[原文]目頬布君之家有波奈須為寸穂出秋乃過良久惜母

[訓読]めづらしき君が家なる花すすき穂に出づる秋の過ぐらく惜しも

[仮名],めづらしき,きみがいへなる,はなすすき,ほにいづるあきの,すぐらくをしも

[_]

[左注]

[_]

[校異]

[_]

[ＫＷ],秋雑歌,作者：石川広成,宴席,植物,季節

1602

[題詞]大伴宿祢家持鹿鳴歌二首

[原文]山妣姑乃相響左右妻戀尓鹿鳴山邊尓獨耳為手

[訓読]山彦の相響むまで妻恋ひに鹿鳴く山辺に独りのみして

[仮名],やまびこの,あひとよむまで,つまごひに,かなくやまへに,ひとりのみして

[_]

[左注]（右二首天平十五年癸未八月十六日作）

[_]

[校異]歌 [西] 謌 [西（訂正）] 歌

[_]

[ＫＷ],秋雑歌,作者：大伴家持,天平１５年８月１６日,年紀,孤独,恋情,動物

1603

[題詞]（大伴宿祢家持鹿鳴歌二首）

[原文]<頃>者之朝開尓聞者足日木篦山<呼>令響狭尾<壮>鹿鳴哭

[訓読]このころの朝明に聞けばあしひきの山呼び響めさを鹿鳴くも

[仮名],このころの,あさけにきけば,あしひきの,やまよびとよめ,さをしかなくも

[_]

[左注]右二首天平十五年癸未八月十六日作

[_]

[校異]項 → 頃 [紀] / 乎 → 呼 [類][紀][矢][京] / <> → 壮 [西（右書）][紀]

[_]

[ＫＷ],秋雑歌,作者：大伴家持,天平１５年８月１６日,年紀,動物,季節

1604

[題詞]大原真人今城傷惜寧樂故郷歌一首

[原文]秋去者春日山之黄葉見流寧樂乃京師乃荒良久惜毛

[訓読]秋されば春日の山の黄葉見る奈良の都の荒るらく惜しも

[仮名],あきされば,かすがのやまの,もみちみる,ならのみやこの,あるらくをしも

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],秋雑歌,作者：大原今城,奈良,荒都,地名

1605

[題詞]大伴宿祢家持歌一首

[原文]高圓之野邊乃秋芽子此日之暁露尓開兼可聞

[訓読]高円の野辺の秋萩このころの暁露に咲きにけむかも

[仮名],たかまとの,のへのあきはぎ,このころの,あかときつゆに,さきにけむかも

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],秋雑歌,作者：大伴家持,奈良,地名,植物

秋相聞

1606

[題詞]額田王思近江天皇作歌一首

[原文]君待跡吾戀居者我屋戸乃簾令動秋之風吹

[訓読]君待つと我が恋ひをれば我が宿の簾動かし秋の風吹く

[仮名],きみまつと,あがこひをれば,わがやどの,すだれうごかし,あきのかぜふく

[_]

[左注]

[_]

[校異]歌 [西] 謌 [西（訂正）]

[_]

[ＫＷ],秋相聞,作者：額田王,天智天皇,恋情

1607

[題詞]鏡王女作歌一首

[原文]風乎谷戀者乏風乎谷将来常思待者何如将嘆

[訓読]風をだに恋ふるは羨し風をだに来むとし待たば何か嘆かむ

[仮名],かぜをだに,こふるはともし,かぜをだに,こむとしまたば,なにかなげかむ

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],秋相聞,作者：鏡王女,天智天皇,恋情

1608

[題詞]弓削皇子御歌一首

[原文]秋芽子之上尓置有白露乃消可毛思奈萬思戀管不有者

[訓読]秋萩の上に置きたる白露の消かもしなまし恋ひつつあらずは

[仮名],あきはぎの,うへにおきたる,しらつゆの,けかもしなまし,こひつつあらずは

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],秋相聞,作者：弓削皇子,恋情,植物

1609

[題詞]丹比真人歌一首 [名闕]

[原文]宇陀乃野之秋芽子師弩藝鳴鹿毛妻尓戀樂苦我者不益

[訓読]宇陀の野の秋萩しのぎ鳴く鹿も妻に恋ふらく我れにはまさじ

[仮名],うだののの,あきはぎしのぎ,なくしかも,つまにこふらく,われにはまさじ

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],秋相聞,作者：丹比真人,奈良県,地名,植物,動物

1610

[題詞]丹生女王贈大宰帥大伴卿歌一首

[原文]高圓之秋野上乃瞿麦之花丁<壮>香見人之挿頭師瞿麦之花

[訓読]高円の秋野の上のなでしこの花うら若み人のかざししなでしこの花

[仮名],たかまとの,あきののうへの,なでしこのはな,うらわかみ,ひとのかざしし,なでしこのはな

[_]

[左注]

[_]

[校異]歌 [西] 謌 [西（訂正）] 歌 / 牡 → 壮 [紀][温][矢]

[_]

[ＫＷ],秋相聞,作者：丹生女王,大伴旅人,奈良,旋頭歌,贈答,地名,植物

1611

[題詞]笠縫女王歌一首 [六人部王之女母曰田形皇女也]

[原文]足日木乃山下響鳴鹿之事乏可母吾情都末

[訓読]あしひきの山下響め鳴く鹿の言ともしかも我が心夫

[仮名],あしひきの,やましたとよめ,なくしかの,ことともしかも,わがこころつま

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],秋相聞,作者：笠縫女王,六人部王,田形皇女,忍恋い,動物

1612

[題詞]石川賀係女郎歌一首

[原文]神佐夫等不許者不有秋草乃結之紐乎解者悲哭

[訓読]神さぶといなにはあらず秋草の結びし紐を解くは悲しも

[仮名],かむさぶと,いなにはあらず,あきくさの,むすびしひもを,とくはかなしも

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],秋相聞,作者：石川賀係女郎

1613

[題詞]賀茂女王歌一首 [長屋王之女母曰阿倍朝臣也]

[原文]秋野乎旦徃鹿乃跡毛奈久念之君尓相有今夜香

[訓読]秋の野を朝行く鹿の跡もなく思ひし君に逢へる今夜か

[仮名],あきののを,あさゆくしかの,あともなく,おもひしきみに,あへるこよひか

[_]

[左注]右歌或云椋橋部女王作或云笠縫女王作

[_]

[校異]歌 [西] 謌 [西（訂正）] 歌 / 歌 [西] 謌 [西（訂正）] 歌

[_]

[ＫＷ],秋相聞,作者：賀茂女王,長屋王,阿倍朝臣,異伝,椋橋部女王,笠縫女王,動物

1614

[題詞]遠江守櫻井王奉天皇歌一首

[原文]九月之其始鴈乃使尓毛念心者 <所>聞来奴鴨

[訓読]九月のその初雁の使にも思ふ心は聞こえ来ぬかも

[仮名],ながつきの,そのはつかりの,つかひにも,おもふこころは,きこえこぬかも

[_]

[左注]

[_]

[校異]歌 [西] 謌 [西（訂正）] 歌 / 可 → 所 [代匠記初稿本]

[_]

[ＫＷ],秋相聞,作者：桜井王,聖武天皇,大夫,動物

1615

[題詞]天皇賜報和御歌一首

[原文]大乃浦之其長濱尓縁流浪寛公乎念<比>日 [大浦者遠江國之海濱名也]

[訓読]大の浦のその長浜に寄する波ゆたけく君を思ふこのころ [大浦者遠江國之海濱名也]

[仮名],おほのうらの,そのながはまに,よするなみ,ゆたけくきみを,おもふこのころ

[_]

[左注]

[_]

[校異]歌 [西] 謌 [西（訂正）] 歌 / 大乃 [類][古]（塙）大 / 此 → 比 [古][温][京]

[_]

[ＫＷ],秋相聞,作者：聖武天皇,桜井王,和歌,静岡県,地名

1616

[題詞]笠女郎<贈>大伴宿祢家持歌一首

[原文]毎朝吾見屋戸乃瞿麦之花尓毛君波有許世奴香裳

[訓読]朝ごとに我が見る宿のなでしこの花にも君はありこせぬかも

[仮名],あさごとに,わがみるやどの,なでしこの,はなにもきみは,ありこせぬかも

[_]

[左注]

[_]

[校異]賜 → 贈 [紀] / 歌 [西] 謌 [西（訂正）] 歌

[_]

[ＫＷ],秋相聞,作者：笠郎女,大伴家持,贈答,恋情,植物

1617

[題詞]山口女王<贈>大伴宿祢家持歌一首

[原文]秋芽子尓置有露乃風吹而落涙者留不勝都毛

[訓読]秋萩に置きたる露の風吹きて落つる涙は留めかねつも

[仮名],あきはぎに,おきたるつゆの,かぜふきて,おつるなみたは,とどめかねつも

[_]

[左注]

[_]

[校異]賜 → 贈 [紀][温][矢][京] / 歌 [西] 謌 [西（訂正）] 歌

[_]

[ＫＷ],秋相聞,作者：山口女王,大伴家持,贈答,恋情,植物

1618

[題詞]湯原王<贈>娘子歌一首

[原文]玉尓貫不令消賜良牟秋芽子乃宇礼和々良葉尓置有白露

[訓読]玉に貫き消たず賜らむ秋萩の末わくらばに置ける白露

[仮名],たまにぬき,けたずたばらむ,あきはぎの,うれわくらばに,おけるしらつゆ

[_]

[左注]

[_]

[校異]賜 → 贈 [紀][温][矢][京] / 歌 [西] 謌 [西（訂正）] 歌

[_]

[ＫＷ],秋相聞,作者：湯原王,娘子,贈答,植物

1619

[題詞]大伴家持至姑坂上郎女竹田庄作歌一首

[原文]玉桙乃道者雖遠愛哉師妹乎相見尓出而曽吾来之

[訓読]玉桙の道は遠けどはしきやし妹を相見に出でてぞ我が来し

[仮名],たまほこの,みちはとほけど,はしきやし,いもをあひみに,いでてぞわがこし

[_]

[左注]（右二首天平十一年己卯秋八月作）

[_]

[校異]歌 [西] 謌 [西（訂正）] 歌

[_]

[ＫＷ],秋相聞,作者：大伴家持,坂上郎女,奈良,桜井市,天平１１年８月,年紀,枕詞

1620

[題詞]大伴坂上郎女和歌一首

[原文]荒玉之月立左右二来不益者夢西見乍思曽吾勢思

[訓読]あらたまの月立つまでに来まさねば夢にし見つつ思ひぞ我がせし

[仮名],あらたまの,つきたつまでに,きまさねば,いめにしみつつ,おもひぞわがせし

[_]

[左注]右二首天平十一年己卯秋八月作

[_]

[校異]歌 [西] 謌

[_]

[ＫＷ],秋相聞,作者：坂上郎女,和歌,大伴家持,天平１１年８月,年紀

1621

[題詞]巫部麻蘇娘子歌一首

[原文]吾屋前<之> 芽子花咲有見来益今二日許有者将落

[訓読]我が宿の萩花咲けり見に来ませいま二日だみあらば散りなむ

[仮名],わがやどの,はぎはなさけり,みにきませ,いまふつかだみ,あらばちりなむ

[_]

[左注]

[_]

[校異]歌 [西] 謌 [西（訂正）] 歌 / 乃 → 之 [類][紀]

[_]

[ＫＷ],秋相聞,作者：巫部麻蘇娘子,勧誘,恋情,植物

1622

[題詞]大伴田村大嬢与<妹>坂上大嬢歌二首

[原文]吾屋戸乃秋之芽子開夕影尓今毛見師香妹之光儀乎

[訓読]我が宿の秋の萩咲く夕影に今も見てしか妹が姿を

[仮名],わがやどの,あきのはぎさく,ゆふかげに,いまもみてしか,いもがすがたを

[_]

[左注]

[_]

[校異]<> → 妹 [西（右書）][紀] / 歌 [西] 謌 [西（訂正）] 歌

[_]

[ＫＷ],秋相聞,作者：田村大嬢,坂上大嬢,贈答,与歌,植物

1623

[題詞]（大伴田村大嬢与<妹>坂上大嬢歌二首）

[原文]吾屋戸尓黄變蝦手毎見妹乎懸管不戀日者無

[訓読]我が宿にもみつ蝦手見るごとに妹を懸けつつ恋ひぬ日はなし

[仮名],わがやどに,もみつかへるて,みるごとに,いもをかけつつ,こひぬひはなし

[_]

[左注]

[_]

[校異]

[_]

[ＫＷ],秋相聞,作者：田村大嬢,坂上大嬢,贈答,与歌,植物

1624

[題詞]坂上大娘秋稲蘰贈大伴宿祢家持歌一首

[原文]吾之蒔有早田之穂立造有蘰曽見乍師弩波世吾背

[訓読]我が蒔ける早稲田の穂立作りたるかづらぞ見つつ偲はせ我が背

[仮名],わがまける,わさだのほたち,つくりたる,かづらぞみつつ,しのはせわがせ

[_]

[左注]（右三首天平十一年己卯秋九月徃来）

[_]

[校異]歌 [西] 謌 [西（訂正）] 歌 / 蒔 [類][紀] 業

[_]

[ＫＷ],秋相聞,作者：坂上大嬢,大伴家持,贈答,天平１１年９月,年紀,植物

1625

[題詞]大伴宿祢家持報贈歌一首

[原文]吾妹兒之業跡造有秋田早穂乃蘰雖見不飽可聞

[訓読]我妹子が業と作れる秋の田の早稲穂のかづら見れど飽かぬかも

[仮名],わぎもこが,なりとつくれる,あきのたの,わさほのかづら,みれどあかぬかも

[_]

[左注]（右三首天平十一年己卯秋九月徃来）

[_]

[校異]歌 [西] 謌 [西（訂正）] 歌

[_]

[ＫＷ],秋相聞,作者：大伴家持,贈答,天平１１年９月,年紀,植物,讃美

1626

[題詞]<又>報脱著身衣贈家持歌一首

[原文]秋風之寒比日下尓将服妹之形見跡可都毛思努播武

[訓読]秋風の寒きこのころ下に着む妹が形見とかつも偲はむ

[仮名],あきかぜの,さむきこのころ,したにきむ,いもがかたみと,かつもしのはむ

[_]

[左注]右三首天平十一年己卯秋九月徃来

[_]

[校異]又 [西（上書訂正）][紀][温][矢] / 歌 [西] 謌 [西（訂正）] 歌

[_]

[ＫＷ],秋相聞,作者：大伴家持,贈答,天平１１年９月,年紀

1627

[題詞]大伴宿祢家持<攀>非時藤花并芽子黄葉二物贈坂上大嬢歌二首

[原文]吾屋前之非時藤之目頬布今毛見<壮>鹿妹之咲容乎

[訓読]我が宿の時じき藤のめづらしく今も見てしか妹が笑まひを

[仮名],わがやどの,ときじきふぢの,めづらしく,いまもみてしか,いもがゑまひを

[_]

[左注]（右二首天平十二年庚辰夏六月徃来）

[_]

[校異]擧 → 攀 [紀][温][矢] / 歌 [西] 謌 [西（訂正）] 歌 / 牡 → 壮 [紀]

[_]

[ＫＷ],秋相聞,作者：大伴家持,坂上大嬢,天平１２年６月,年紀,贈答,植物

1628

[題詞]（大伴宿祢家持<攀>非時藤花并芽子黄葉二物贈坂上大嬢歌二首）

[原文]吾屋前之芽子乃下葉者秋風毛未吹者如此曽毛美照

[訓読]我が宿の萩の下葉は秋風もいまだ吹かねばかくぞもみてる

[仮名],わがやどの,はぎのしたばは,あきかぜも,いまだふかねば,かくぞもみてる

[_]

[左注]右二首天平十二年庚辰夏六月徃来

[_]

[校異]

[_]

[ＫＷ],秋相聞,作者：大伴家持,坂上大嬢,天平１２年６月,年紀,贈答,植物

1629

[題詞]大伴宿祢家持贈坂上大嬢歌一首[并短歌]

[原文]叩々物乎念者将言為便将為々便毛奈之妹与吾手携而旦者庭尓出立夕者床打拂白細乃袖指代而佐寐之夜也常尓有家類足日木能山鳥許曽婆峯向尓嬬問為云打蝉乃人有我哉如何為跡可一日一夜毛離居而嘆戀良武許己念者胸許曽痛其故尓情奈具夜登高圓乃山尓毛野尓母打行而遊徃杼花耳丹穂日手有者毎見益而所思奈何為而忘物曽戀云物呼

[訓読]ねもころに物を思へば言はむすべ為むすべもなし妹と我れと手携さはりて朝には庭に出で立ち夕には床うち掃ひ白栲の袖さし交へてさ寝し夜や常にありけるあしひきの山鳥こそば峰向ひに妻問ひすといへうつせみの人なる我れや何すとか一日一夜も離り居て嘆き恋ふらむここ思へば胸こそ痛きそこ故に心なぐやと高円の山にも野にもうち行きて遊び歩けど花のみにほひてあれば見るごとにまして偲はゆいかにして忘れむものぞ恋といふものを

[仮名],ねもころに,ものをおもへば,いはむすべ,せむすべもなし,いもとあれと,てたづさはりて,あしたには,にはにいでたち,ゆふへには,とこうちはらひ,しろたへの,そでさしかへて,さねしよや,つねにありける,あしひきの,やまどりこそば,をむかひに,つまどひすといへ,うつせみの,ひとなるわれや,なにすとか,ひとひひとよも,さかりゐて,なげきこふらむ,ここおもへば,むねこそいたき,そこゆゑに,こころなぐやと,たかまとの,やまにものにも,うちゆきて,あそびあるけど,はなのみ,にほひてあれば,みるごとに,ましてしのはゆ,いかにして,わすれむものぞ,こひといふものを

[_]

[左注]

[_]

[校異]短歌 [西] 短謌 [西（訂正）] 短歌 / 婆 [類][紀] 波 / 呼 [類][細][温] 乎

[_]

[ＫＷ],秋相聞,作者：大伴家持,坂上大嬢,贈答,恋情,奈良,地名

1630

[題詞]（大伴宿祢家持贈坂上大嬢歌一首[并短歌]）反歌

[原文]高圓之野邊乃容花面影尓所見乍妹者忘不勝裳

[訓読]高円の野辺のかほ花面影に見えつつ妹は忘れかねつも

[仮名],たかまとの,のへのかほばな,おもかげに,みえつついもは,わすれかねつも

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],秋相聞,作者：大伴家持,坂上大嬢,贈答,奈良,地名,植物

1631

[題詞]大伴宿祢家持贈安倍女郎歌一首

[原文]今造久邇能京尓秋夜乃長尓獨宿之苦左

[訓読]今造る久迩の都に秋の夜の長きにひとり寝るが苦しさ

[仮名],いまつくる,くにのみやこに,あきのよの,ながきにひとり,ぬるがくるしさ

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],秋相聞,作者：大伴家持,安倍女郎,贈答,久邇京,恋情,京都

1632

[題詞]大伴宿祢家持従久邇京贈留寧樂宅坂上大娘歌一首

[原文]足日木乃山邊尓居而秋風之日異吹者妹乎之曽念

[訓読]あしひきの山辺に居りて秋風の日に異に吹けば妹をしぞ思ふ

[仮名],あしひきの,やまへにをりて,あきかぜの,ひにけにふけば,いもをしぞおもふ

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],秋相聞,作者：大伴家持,坂上大嬢,久邇京,恋情,京都

1633

[題詞]或者贈尼歌二首

[原文]手母須麻尓殖之芽子尓也還者雖見不飽情将盡

[訓読]手もすまに植ゑし萩にやかへりては見れども飽かず心尽さむ

[仮名],てもすまに,うゑしはぎにや,かへりては,みれどもあかず,こころつくさむ

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],秋相聞,尼,贈答,植物

1634

[題詞]（或者贈尼歌二首）

[原文]衣手尓水澁付左右殖之田乎引板吾波倍真守有栗子

[訓読]衣手に水渋付くまで植ゑし田を引板我が延へまもれる苦し

[仮名],ころもでに,みしぶつくまで,うゑしたを,ひきたわがはへ,まもれるくるし

[_]

[左注]

[_]

[校異]

[_]

[ＫＷ],秋相聞,作者：尼,贈答

1635

[題詞]尼作頭句并大伴宿祢家持所誂尼續末句等和歌一首

[原文]佐保河之水乎塞上而殖之田乎 [尼作] 苅流早飯者獨奈流倍思 [家持續]

[訓読]佐保川の水を堰き上げて植ゑし田を [尼作] 刈れる初飯はひとりなるべし [家持續]

[仮名],さほがはの,みづをせきあげて,うゑしたを,かれるはついひは,ひとりなるべし

[_]

[左注]

[_]

[校異]句等 [矢][京] 句 / 歌 [西] 謌 [西（訂正）] 歌

[_]

[ＫＷ],秋相聞,作者：尼,大伴家持,連歌,地名,奈良

冬雜歌

1636

[題詞]舎人娘子雪歌一首

[原文]大口能真神之原尓零雪者甚莫零家母不有國

[訓読]大口の真神の原に降る雪はいたくな降りそ家もあらなくに

[仮名],おほくちの,まかみのはらに,ふるゆきは,いたくなふりそ,いへもあらなくに

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],冬雑歌,作者：舎人娘子,飛鳥,羈旅,地名

1637

[題詞]太上天皇御製歌一首

[原文]波太須珠寸尾花逆葺黒木用造有室者迄萬代

[訓読]はだすすき尾花逆葺き黒木もち造れる室は万代までに

[仮名],はだすすき,をばなさかふき,くろきもち,つくれるむろは,よろづよまでに

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],冬雑歌,作者：元正天皇,室讃め,宴席,長屋王,植物

1638

[題詞]天皇御製歌一首

[原文]青丹吉奈良乃山有黒木用造有室者雖居座不飽可聞

[訓読]あをによし奈良の山なる黒木もち造れる室は座せど飽かぬかも

[仮名],あをによし,ならのやまなる,くろきもち,つくれるむろは,ませどあかぬかも

[_]

[左注]右聞之御在左大臣長屋王佐保宅肆宴御製

[_]

[校異]

[_]

[ＫＷ],冬雑歌,作者：聖武天皇,長屋王,宴席,室讃め,奈良,地名

1639

[題詞]<大>宰帥大伴卿冬日見雪憶京歌一首

[原文]沫雪保杼呂保杼呂尓零敷者平城京師所念可聞

[訓読]沫雪のほどろほどろに降りしけば奈良の都し思ほゆるかも

[仮名],あわゆきの,ほどろほどろに,ふりしけば,ならのみやこし,おもほゆるかも

[_]

[左注]

[_]

[校異]歌 [西] 謌 [西（訂正）] 歌 / 太 → 大 [類][紀][細] / 保杼呂 [類]（塙）々々々

[_]

[ＫＷ],冬雑歌,作者：大伴旅人,望郷,太宰府,福岡県,地名

1640

[題詞]<大>宰帥大伴卿梅歌一首

[原文]吾岳尓盛開有梅花遺有雪乎乱鶴鴨

[訓読]我が岡に盛りに咲ける梅の花残れる雪をまがへつるかも

[仮名],わがをかに,さかりにさける,うめのはな,のこれるゆきを,まがへつるかも

[_]

[左注]

[_]

[校異]太 → 大 [類][紀][細] / 歌 [西] 謌 [西（訂正）] 歌

[_]

[ＫＷ],冬雑歌,作者：大伴旅人,太宰府,福岡県,地名,植物

1641

[題詞]角朝臣廣辨雪梅歌<一首>

[原文]沫雪尓所落開有梅花君之許遣者与曽倍弖牟可聞

[訓読]淡雪に降らえて咲ける梅の花君がり遣らばよそへてむかも

[仮名],あわゆきに,ふらえてさける,うめのはな,きみがりやらば,よそへてむかも

[_]

[左注]

[_]

[校異]歌 [西] 謌 [西（訂正）] 歌 / <> → 一首 [紀][細]

[_]

[ＫＷ],冬雑歌,作者：角廣辨,植物

1642

[題詞]安倍朝臣奥道雪歌一首

[原文]棚霧合雪毛零奴可梅花不開之代尓曽倍而谷将見

[訓読]たな霧らひ雪も降らぬか梅の花咲かぬが代にそへてだに見む

[仮名],たなぎらひ,ゆきもふらぬか,うめのはな,さかぬがしろに,そへてだにみむ

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],冬雑歌,作者：安倍奥道,植物

1643

[題詞]若櫻部朝臣君足雪歌一首

[原文]天霧之雪毛零奴可灼然此五柴尓零巻乎将見

[訓読]天霧らし雪も降らぬかいちしろくこのいつ柴に降らまくを見む

[仮名],あまぎらし,ゆきもふらぬか,いちしろく,このいつしばに,ふらまくをみむ

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],冬雑歌,作者：若桜部君足,植物

1644

[題詞]三野連石守梅歌一首

[原文]引攀而折者可落梅花袖尓古寸入津染者雖染

[訓読]引き攀ぢて折らば散るべみ梅の花袖に扱入れつ染まば染むとも

[仮名],ひきよぢて,をらばちるべみ,うめのはな,そでにこきいれつ,しまばしむとも

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],冬雑歌,作者：三野石守,植物

1645

[題詞]巨勢朝臣宿奈麻呂雪歌一首

[原文]吾屋前之冬木乃上尓零雪乎梅花香常打見都流香裳

[訓読]我が宿の冬木の上に降る雪を梅の花かとうち見つるかも

[仮名],わがやどの,ふゆきのうへに,ふるゆきを,うめのはなかと,うちみつるかも

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],冬雑歌,作者：巨勢宿奈麻呂,植物

1646

[題詞]小治田朝臣東麻呂雪歌一首

[原文]夜干玉乃今夜之雪尓率所沾名将開朝尓消者惜家牟

[訓読]ぬばたまの今夜の雪にいざ濡れな明けむ朝に消なば惜しけむ

[仮名],ぬばたまの,こよひのゆきに,いざぬれな,あけむあしたに,けなばをしけむ

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],冬雑歌,作者：小治田東麻呂,枕詞

1647

[題詞]忌部首黒麻呂雪歌一首

[原文]梅花枝尓可散登見左右二風尓乱而雪曽落久類

[訓読]梅の花枝にか散ると見るまでに風に乱れて雪ぞ降り来る

[仮名],うめのはな,えだにかちると,みるまでに,かぜにみだれて,ゆきぞふりくる

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],冬雑歌,作者：忌部黒麻呂,植物

1648

[題詞]紀少鹿女郎梅歌一首

[原文]十二月尓者沫雪零跡不知可毛梅花開含不有而

[訓読]十二月には淡雪降ると知らねかも梅の花咲くふふめらずして

[仮名],しはすには,あわゆきふると,しらねかも,うめのはなさく,ふふめらずして

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],冬雑歌,作者：紀少鹿女郎,植物

1649

[題詞]大伴宿祢家持雪梅歌一首

[原文]今日零之雪尓競而我屋前之冬木梅者花開二家里

[訓読]今日降りし雪に競ひて我が宿の冬木の梅は花咲きにけり

[仮名],けふふりし,ゆきにきほひて,わがやどの,ふゆきのうめは,はなさきにけり

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],冬雑歌,作者：大伴家持,植物

1650

[題詞]御在西池邊肆宴歌一首

[原文]池邊乃松之末葉尓零雪者五百重零敷明日左倍母将見

[訓読]池の辺の松の末葉に降る雪は五百重降りしけ明日さへも見む

[仮名],いけのへの,まつのうらばに,ふるゆきは,いほへふりしけ,あすさへもみむ

[_]

[左注]右一首作者未詳但堅子阿倍朝臣虫麻呂傳誦之

[_]

[校異]歌 [西] 謌 [西（訂正）] 歌

[_]

[ＫＷ],冬雑歌,阿倍虫麻呂,宴席,肆宴,伝誦,宮廷,植物

1651

[題詞]大伴坂上郎女歌一首

[原文]沫雪乃比日續而如此落者梅始花散香過南

[訓読]淡雪のこのころ継ぎてかく降らば梅の初花散りか過ぎなむ

[仮名],あわゆきの,このころつぎて,かくふらば,うめのはつはな,ちりかすぎなむ

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],冬雑歌,作者：坂上郎女,植物

1652

[題詞]他田廣津娘子梅歌一首

[原文]梅花折毛不折毛見都礼杼母今夜能花尓尚不如家利

[訓読]梅の花折りも折らずも見つれども今夜の花になほしかずけり

[仮名],うめのはな,をりもをらずも,みつれども,こよひのはなに,なほしかずけり

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],冬雑歌,作者：他田廣津娘子,植物

1653

[題詞]縣犬養娘子依梅發思歌一首

[原文]如今心乎常尓念有者先咲花乃地尓将落八方

[訓読]今のごと心を常に思へらばまづ咲く花の地に落ちめやも

[仮名],いまのごと,こころをつねに,おもへらば,まづさくはなの,つちにおちめやも

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],冬雑歌,作者：縣犬養娘子

1654

[題詞]大伴坂上郎女雪歌一首

[原文]松影乃淺茅之上乃白雪乎不令消将置言者可聞奈吉

[訓読]松蔭の浅茅の上の白雪を消たずて置かむことはかもなき

[仮名],まつかげの,あさぢのうへの,しらゆきを,けたずておかむ,ことはかもなき

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],冬雑歌,作者：坂上郎女,植物

冬相聞

1655

[題詞]三國真人人足歌一首

[原文]高山之菅葉之努藝零雪之消跡可曰毛戀乃繁鶏鳩

[訓読]高山の菅の葉しのぎ降る雪の消ぬと言ふべくも恋の繁けく

[仮名],たかやまの,すがのはしのぎ,ふるゆきの,けぬといふべくも,こひのしげけく

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],冬相聞,作者：三国人足,恋情,植物

1656

[題詞]大伴坂上郎女歌一首

[原文]酒杯尓梅花浮念共飲而後者落去登母与之

[訓読]酒杯に梅の花浮かべ思ふどち飲みての後は散りぬともよし

[仮名],さかづきに,うめのはなうかべ,おもふどち,のみてののちは,ちりぬともよし

[_]

[左注]（右酒者<官>禁制称京中閭里不得集宴但親々一二飲樂聴許者縁此和人作此發句焉）

[_]

[校異]歌 [西] 謌 [西（訂正）] 歌

[_]

[ＫＷ],冬相聞,作者：坂上郎女,禁酒,植物,贈答

1657

[題詞]和歌一首

[原文]官尓毛縦賜有今夜耳将欲酒可毛散許須奈由米

[訓読]官にも許したまへり今夜のみ飲まむ酒かも散りこすなゆめ

[仮名],つかさにも,ゆるしたまへり,こよひのみ,のまむさけかも,ちりこすなゆめ

[_]

[左注]右酒者<官>禁制称京中閭里不得集宴但親々一二飲樂聴許者縁此和人作此發句焉

[_]

[校異]歌 [西] 謌 [西（訂正）] 歌 / 宮 → 官 [類][紀][古]

[_]

[ＫＷ],冬相聞,禁酒,贈答

1658

[題詞]藤<皇>后奉天皇御歌一首

[原文]吾背兒与二有見麻世波幾許香此零雪之懽有麻思

[訓読]我が背子とふたり見ませばいくばくかこの降る雪の嬉しくあらまし

[仮名],わがせこと,ふたりみませば,いくばくか,このふるゆきの,うれしくあらまし

[_]

[左注]

[_]

[校異]原 → 皇 [西（訂正右書）][紀] / 歌 [西] 謌 [西（訂正）] 歌

[_]

[ＫＷ],冬相聞,作者：光明皇后,聖武天皇

1659

[題詞]他田廣津娘子歌一首

[原文]真木乃於尓零置有雪乃敷布毛所念可聞佐夜問吾背

[訓読]真木の上に降り置ける雪のしくしくも思ほゆるかもさ夜問へ我が背

[仮名],まきのうへに,ふりおけるゆきの,しくしくも,おもほゆるかも,さよとへわがせ

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],冬相聞,作者：他田廣津娘子,勧誘,植物

1660

[題詞]大伴宿祢駿河麻呂歌一首

[原文]梅花令落冬風音耳聞之吾妹乎見良久志吉裳

[訓読]梅の花散らすあらしの音のみに聞きし我妹を見らくしよしも

[仮名],うめのはな,ちらすあらしの,おとのみに,ききしわぎもを,みらくしよしも

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],冬相聞,作者：大伴駿河麻呂,植物,恋情

1661

[題詞]紀少鹿女郎歌一首

[原文]久方乃月夜乎清美梅花心開而吾念有公

[訓読]久方の月夜を清み梅の花心開けて我が思へる君

[仮名],ひさかたの,つくよをきよみ,うめのはな,こころひらけて,あがおもへるきみ

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],冬相聞,作者：紀少鹿女郎,恋情,枕詞,植物

1662

[題詞]大伴田村大娘与妹坂上大娘歌一首

[原文]沫雪之可消物乎至今<尓> 流經者妹尓相曽

[訓読]淡雪の消ぬべきものを今までに流らへぬるは妹に逢はむとぞ

[仮名],あわゆきの,けぬべきものを,いままでに,ながらへぬるは,いもにあはむとぞ

[_]

[左注]

[_]

[校異]歌 [西] 謌 [西（訂正）] 歌 / <> → 尓 [類][紀]

[_]

[ＫＷ],冬相聞,作者：田村大嬢,坂上大嬢,贈答

1663

[題詞]大伴宿祢家持歌一首

[原文]沫雪乃庭尓零敷寒夜乎手枕不纒一香聞将宿

[訓読]淡雪の庭に降り敷き寒き夜を手枕まかずひとりかも寝む

[仮名],あわゆきの,にはにふりしき,さむきよを,たまくらまかず,ひとりかもねむ

[_]

[左注]

[_]

[校異]歌 [西] 謌 [西（訂正）] 歌

[_]

[ＫＷ],冬相聞,作者：大伴家持,恋情