University of Virginia Library

Jesus verses (b)

[fol. 85] Recordatur enim ecclesia hodierna die in officio ac sacra scriptura quod
deus decern solempnia beneficia contulit Iudeis contra que hodierna die maleficia
ei reddebant. Primum beneficium fuit quod de Egypto eos eduxit…. Et videre
quantum gratitudinem pro isto beneficio hodie ostenderunt ipsum qui liberauit
eos ab inimicis: emerunt hodie a Iuda traditore pro 30. denariis ut traderent
morti et inimicis…. Quam ingratitudinem iure reprehendit hodie mater ecclesia
in persona Cristi cantans in hunc modum, 'Popule meus, quid feci tibi, etc.':

[fol. 85v] Secundum beneficium Iudeis a Deo collatum fuit quod eos vbique
duxit ut ductor eos precedendo…. Istud beneficium hodie reddiderunt quia
ipsum hodie omnes negauerunt, dicentes 'non habemus regem nisi Cesarem'
[John 19:15]; et cum ipse duxisset eos per viam rectam per desertum, ipsi eum
duxerunt ad Annam et Pilatum. Et ideo ecclesia lamentatur in persona Cristi,
'Popule meus etc.', My folk, ansuere me:

3m. beneficium a Deo collatum fuit quod mare sicco pede transierunt, Pharaone
et exercitu eius in mare dimerso…. Sed Iudei ut ingrati homines pro isto ben-
eficio Cristum ad columpnam hodie ligauerunt, flagellauerunt, et in faciem eius
conspuebant, et ideo lamentat ecclesia, My folk,

4m. beneficium quod per 40. annos[32] pauit eos per manna in deserto et pluit eis
de celo. Sed contra istud pecierunt instanter Iudei ut crucifigeretur, et ideo dicit
ecclesia, My folk,

5m. beneficium fuit quod illorum aduersarios vbique deuicit, quia contra omnes
preualuerunt. Sed hodie male retribuebant sibi, quando ipsi illudebant eum, si-
cut fatuum deridebant, et ignominiose tractabant. Et ideo conqueritur ecclesia,
My folk,

6m. beneficium fuit quod deus dedit eis precepta et ceremonias, quibus obseruan-
dis terram promissionis repromissit. Sed Iudei hodie fecerunt et contra eum et
contra precepta sua…. Et ideo dicit ecclesia, My folk,

7m. beneficium, quod duxit illos in terram promissionis que manauit lacte et
melle, vbi vixerunt in omni habundancia et in omni fertilitate. Sed Iudei hodie
male sibi reddiderunt, quando in cruce ipsum clauis ferreis confixerunt, quod
in lege erat vilissimum genus tormenti. De quo conqueritur mater ecclesia in
persona Cristi, Mi folk ansuere me:

8m. beneficium fuit quod cum in deserto non haberent aquam ad bibendum et
siti fere deficerent, Dominus precepit Moysi ut percuteret virga bis cilicem et
egresse sunt aque largissime, et in alio loco aquas eorum amaras dulcorauit. Sed
hoc beneficium sibi male hodie retribuebant, quia acetum cum felle mixtum sibi
ad bibendum dabant. De quo dicit ecclesia sic, My folk etc.,

9m. beneficium fuit quod cum fuerunt ducti de captiuitate, fecit eos reges et li-
beros eciam de genere proprio ut Saulem et Dauid etc. Sed male retribuebant
tamquam ingrati pro coronis aureis coronam de spinis hodie imponentes super
capud eius. De quo conqueritur ecclesia, My folk etc.,

10m. beneficium fuit quando in columpna ignis eos precessit in nocte et in
columpna nubie per diem, ita quod vbicunque fuerunt filii Israel lux erat et tran |
[fol. 86v] quillum. Sed istud beneficium male reddiderunt cum ipsum verum
lumen occiderunt et vilissime tractauerunt. De quo conqueritur mater ecclesia,
Mi folk etc.,

Sicut ergo isti Iudei multa beneficia acceperunt a Deo et false retribuebant, ita
et Cristiani multo peius retribuunt….