 | Religious Lyrics of the XVth Century |  |
39. The Coronation of the Virgin, II
Vndir a park ful prudently pyght,
A perillous path men passyd by,
There herd I a melody of myght,
Scandaunt on skalys above the sky,
Aungellys exaltant, bothe lowde and hih,
Tenours, trebelys, many a meene ther was:
they sett ther song ful sapiently,
‘Benedicta sit sancta Trinitas.’
A perillous path men passyd by,
There herd I a melody of myght,
Scandaunt on skalys above the sky,
Aungellys exaltant, bothe lowde and hih,
Tenours, trebelys, many a meene ther was:
they sett ther song ful sapiently,
‘Benedicta sit sancta Trinitas.’
70
The Clowdys they cleeff, the sky to clere,
The day fro dirknesse made devisioun,
byrdis they buskyd fro breere to breere—
thus fyned the firmament at his avisioun.
The day-sterre, ellect froom alle illicioun,
to mynistre and meene his chaunte he chas:
Than Countryd the queer with this conclusyoun,
With ‘Benedicta sit sancta Trinitas’.
The day fro dirknesse made devisioun,
byrdis they buskyd fro breere to breere—
thus fyned the firmament at his avisioun.
The day-sterre, ellect froom alle illicioun,
to mynistre and meene his chaunte he chas:
Than Countryd the queer with this conclusyoun,
With ‘Benedicta sit sancta Trinitas’.
A melodious myrthe it was to me,
fful pure and precious be poyntes passaunt,
So shynyng vpward the excelcite,
With obediaunt beemys bryghtly abundaunt.
Angellys, Archangellys, froom vicis advertaunt,
Moore gloryous than euere was gleem or glas,
Thronys, Dominaciouns, thus Crist Collaudaunt,
With ‘Benedicta sit sancta Trinitas’.
fful pure and precious be poyntes passaunt,
So shynyng vpward the excelcite,
With obediaunt beemys bryghtly abundaunt.
Angellys, Archangellys, froom vicis advertaunt,
Moore gloryous than euere was gleem or glas,
Thronys, Dominaciouns, thus Crist Collaudaunt,
With ‘Benedicta sit sancta Trinitas’.
Euere kneelyd and Clepyd on my Creature,
To haue knowlage of the glorye that glood;
So was I enspyred froom the speculat splendure,
That my spirit was ravysshed, my boody a-bood,
than sawh I my makere in his manhood,
Aboute the principatus that nevir shal pas,
The potestates presentis ther beatitudis abrood,
With ‘Benedicta sit sancta Trinitas’.
To haue knowlage of the glorye that glood;
So was I enspyred froom the speculat splendure,
That my spirit was ravysshed, my boody a-bood,
than sawh I my makere in his manhood,
Aboute the principatus that nevir shal pas,
The potestates presentis ther beatitudis abrood,
With ‘Benedicta sit sancta Trinitas’.
The Choys of the Cherubynnes, they were cherable
To synge with Seraphynnes in here suavite,
Vertuously devidyng ther voysis venerable,
The Ierarchyes Ioyed with greet Iocundite.
Than knelyd a queen of fair femyninnyte,
Seyng ful seyntly inter filias,
‘ffor Coronacioun of my sanguinite
Benedicta sit sancta Trinitas.’
To synge with Seraphynnes in here suavite,
Vertuously devidyng ther voysis venerable,
The Ierarchyes Ioyed with greet Iocundite.
Than knelyd a queen of fair femyninnyte,
Seyng ful seyntly inter filias,
‘ffor Coronacioun of my sanguinite
Benedicta sit sancta Trinitas.’
71
‘Now, come on, my Colvir,’ than seid Oon Kyng,
‘And flour, of flours moost fortunat,
My tent, my troone, my tresour towchyng,
My merrour, my moodir inmaculat,
My shyning selecture not superat,
but above alle women that evir was.’
Than seid this turtyl, thus translat,
‘Benedicta sit sancta Trinitas.’
‘And flour, of flours moost fortunat,
My tent, my troone, my tresour towchyng,
My merrour, my moodir inmaculat,
My shyning selecture not superat,
but above alle women that evir was.’
Than seid this turtyl, thus translat,
‘Benedicta sit sancta Trinitas.’
Thus was she sett Celestially
and Ioyned in Ioyes with Cryst Ihū
In a paall powdryd with clene perry,
With saphir, shynyng bryght and blew.
Ther-to full of pacience and of vertu,
fful pure in peerle hire Clothyng was.
All Ordrys of Aungellys singing new,
‘Benedicta sit sancta trinitas.’
and Ioyned in Ioyes with Cryst Ihū
In a paall powdryd with clene perry,
With saphir, shynyng bryght and blew.
Ther-to full of pacience and of vertu,
fful pure in peerle hire Clothyng was.
All Ordrys of Aungellys singing new,
‘Benedicta sit sancta trinitas.’
Here face, moost splendaunt than the sonne,
hire Colour as Cleer as Cristal bryght—
Thus ordynatly, hire lyve is ovir-ronne,
that tyl hevene and erthe she may geve lyght,
Thus magnifyed is our moodir of myght,
by preposicioun that nevir shall pas,
And of the godhede to haue a sight,
With Benedicta sit sancta Trinitas.
hire Colour as Cleer as Cristal bryght—
Thus ordynatly, hire lyve is ovir-ronne,
that tyl hevene and erthe she may geve lyght,
Thus magnifyed is our moodir of myght,
by preposicioun that nevir shall pas,
And of the godhede to haue a sight,
With Benedicta sit sancta Trinitas.
Hire Oryent heer lay ovir the nekke
To counforte vs in our Capacite.
Alle Ordrys of Aungellys bowyd at a bekke,
And fyl to this flour of fair felicite.
Crownyd she is in hire benignyte;
A sceptre in hand seyntly she has,
Disposyng our deth daily be dignyte—
Benedicta sit sancta Trinitas.
To counforte vs in our Capacite.
Alle Ordrys of Aungellys bowyd at a bekke,
And fyl to this flour of fair felicite.
Crownyd she is in hire benignyte;
A sceptre in hand seyntly she has,
Disposyng our deth daily be dignyte—
Benedicta sit sancta Trinitas.
| Religious Lyrics of the XVth Century | |