Religious Lyrics of the XVth Century | ||
63
36. The Seven Joys of the Virgin in Heaven, III
Gaude flore virginali
Ioy, blissid lady, with pure virgynal floure!And honoure special, transcendyng vp on hee
In-to the ioyful heuenly toure
Where prynces of aungels inhabite bee.
Above all seyntis there pight is thi see,
Thorowh dignyte of thi giftis, evire to dwell,
the which be so grete that tong none can tell.
Gaude sponsa cara dei
Ioy, derword spouse of god almyght!for as the sonne the day lightyns with his beemys clere,
So plentevously, of peace thou givys the light
to thoo þat in this world bene leuyng heere.
Derknesse is noone where þu art neere,
O glorious lanterne, euyre shynyng bright;
thi sone to love and drede, optene vs will & myght.
Gaude splendens vas virtutum
Ioye, vessel pure of vertuous shynyng!to whos bekenyng & call, both more & lesse,
al the heuenly court is euyre inclynyng,
the to honour & worship as weel worthi is.
The, ihū modire, wele & gladnesse
with laude & glory, euyre on the call
Angels archaungels & oþer seyntis all.
Gaude nexu voluntatis
Ioye with þe, bande of blissid wilfulnesse,& with þe, bande of parfytt luf & charite!
So to that god ioyned þat most myghti isse
64
Ihū þi sone, most of benygnyte,
ay to þi desyres wil accord & assent,
and hym euyre to please is þi will & entent.
Gaude mater miserorum
Ioye, pytevous moder of syners! þat one þe callfor releyse of þer synne & þer trespace:
for þi luf, þe fadur of þeise worldis all
graunte to theme pardone, mercy & grace,
& after in heuyne both seete & place
With him in blisse euyre to be.
thus synners be sauyd, lady, thorogh help of the.
Gaude virgo mater xpi
Ioye, blissid lady modire of crist Ihū!for þu, most blissid virgyne, deseruyd hath alone
þat þi seete gloriously piyht shuld be nowe
all-ther next ioyned to þe holy trynytees trone;
Where þe seyntis of heuyne þe worschip euerychone,
With ympnes & canticles & organs emang,
& oþer melodies moo than mans hert think kane.
Gaude virgo mater pura
Ioye, blissid virgyne, cristis modire pure!Euyre dwelling sure & in certante
Þat theis Ioies to þe schal euer stand sure,
& neuer more decrece ne neuer lessyned be,
but fresshly florissh & encrece in eternyte.
þus in endlesse blisse ay shal thow dwell,
queene of heuene, lady of erth, Emperice of hell.
O Sponsa dei electa
O, thou chosyne spouse of god, blissid moder alsoof oure lord ihū crist þat vs ful dere hath boght,
65
vp to eternal blisse, þer-of þat we fayle noght,
where peace is & glory newe dayly in broght.
And with þi pitevous eeris here vs whan we call,
And suffir vs neuer to þe fend to mak oure soulys thrall.
Amen.
Religious Lyrics of the XVth Century | ||