 | Religious Lyrics of the XVth Century |  |
114. The Bread Come from Heaven
Worchyp we boþe more & leste
crystes body in furme of bred.
crystes body in furme of bred.
It is bred fro heuene cam,
ffleych & blod of mary it nam;
ffor þe synnys of adam
he sched his blod þat was so red.
ffleych & blod of mary it nam;
ffor þe synnys of adam
he sched his blod þat was so red.
‘he þat onworþi þis bred ete,
þe peyne of helle he xal gete;
my swete body awey to lete
& makyn his sowle to be ded.
þe peyne of helle he xal gete;
my swete body awey to lete
& makyn his sowle to be ded.
181
‘he þat þis bred haȝt in mynde
he xal leuyn withoutyn ende;
þis is bred to ȝeuyn a frende,
withoutyn qwyt, withine red’—
he xal leuyn withoutyn ende;
þis is bred to ȝeuyn a frende,
withoutyn qwyt, withine red’—
On schyre þursday al at þe messe
to hese desipel he seyde þisse—
‘Etyȝt þis bred, myn body it isse;
lok þer-of ȝe han non dred.’
to hese desipel he seyde þisse—
‘Etyȝt þis bred, myn body it isse;
lok þer-of ȝe han non dred.’
Aftyr-ward at here soper,
he tok þe wyn þat was so cler
& blyssid it with mylde cher:
‘þis is myn blod þat is so red.’
he tok þe wyn þat was so cler
& blyssid it with mylde cher:
‘þis is myn blod þat is so red.’
þe Iuwys wern boþe wylde & wode,
he puttyn Ihū vp-on þe rode,
ffor to spyllyn his herte blode—
ffor manys synne he sufferid ded.
he puttyn Ihū vp-on þe rode,
ffor to spyllyn his herte blode—
ffor manys synne he sufferid ded.
Ihū, lynd vs þis bred to ete,
& alle our synnys for to forȝete,
& in heuene a place to gete,
þrow þe vertu of þis bred.
& alle our synnys for to forȝete,
& in heuene a place to gete,
þrow þe vertu of þis bred.
| Religious Lyrics of the XVth Century | |