 | Religious Lyrics of the XVth Century |  |
116. By a Chapel as I Came
Mery hyt ys in may mornyng
Mery wayys ffor to gonne.
Mery wayys ffor to gonne.
And By a chapell as y Came,
Meet y wyhte Ihū to chyrcheward gone
Petur and Pawle, thomas & Ihon,
And hys desyplys Euery-chone.
Mery hyt ys.
Meet y wyhte Ihū to chyrcheward gone
Petur and Pawle, thomas & Ihon,
And hys desyplys Euery-chone.
Mery hyt ys.
Sente Thomas þe Bellys gane ryng,
And sent Collas þe mas gane syng,
sente Ihon̄ toke þat swete offeryng,
And By a chapell as y Came.
Mery hyt ys.
And sent Collas þe mas gane syng,
sente Ihon̄ toke þat swete offeryng,
And By a chapell as y Came.
Mery hyt ys.
Owre lorde offeryd whate he wollde,
A challes alle off ryche rede gollde;
Owre lady, þe crowne off hyr mowlde,
The sone owte off hyr Bosome schone.
Mery hyt ys.
A challes alle off ryche rede gollde;
Owre lady, þe crowne off hyr mowlde,
The sone owte off hyr Bosome schone.
Mery hyt ys.
Sent Iorge þat ys owre lady knyȝte,
He tende þe tapyrys fayre & Bryte—
To myn yȝe a semley syȝte,
And By a chapell as y Came.
Mery hyt ys.
He tende þe tapyrys fayre & Bryte—
To myn yȝe a semley syȝte,
And By a chapell as y Came.
Mery hyt ys.
| Religious Lyrics of the XVth Century | |