 | Religious Lyrics of the XVth Century |  |
278
180. Against Traducers
I pray ȝow all with hert & thovȝt
Amend me & peyer me novȝt.
Amend me & peyer me novȝt.
Holy wrytt sayth no thyng sother,
þat no man shuld a-peyer oþer;
Sythen I am in god þi broder,
Amend me & peyer [me novȝt.]
þat no man shuld a-peyer oþer;
Sythen I am in god þi broder,
Amend me & peyer [me novȝt.]
þis in þe gospell ych man may se:
If þi broder trespace to þe,
Betwen ȝow to corectyd he be,
Amend me, &c.
If þi broder trespace to þe,
Betwen ȝow to corectyd he be,
Amend me, &c.
Yf þu se I do gretly amys,
& no man wott butt þu of þis,
Mak it not so yl as it is,
Amend me, &c.
& no man wott butt þu of þis,
Mak it not so yl as it is,
Amend me, &c.
A-peyer no man with þi word,
Neþer in ernest ne In bord;
Let þe tong þat is þi swerd
Amend me, &c.
Neþer in ernest ne In bord;
Let þe tong þat is þi swerd
Amend me, &c.
Lok þat þu no man defame,
Ne a-peyer no mans fame;
Riȝt as þu woldest haue þe sam
Amend, &c.
Ne a-peyer no mans fame;
Riȝt as þu woldest haue þe sam
Amend, &c.
Now to a-mend god ȝyffe vs grace
Of repentance, & very space;
And in hevyn to se hys face,
Wher al thyng amend & peyer novȝth.
Of repentance, & very space;
And in hevyn to se hys face,
Wher al thyng amend & peyer novȝth.
| Religious Lyrics of the XVth Century | |