 | Religious Lyrics of the XVth Century |  |
179. On Chattering in Church
Tutiuillus, þe deuyl of hell,
He wryteþ har names soþe to tel,
ad missam garulantes.
He wryteþ har names soþe to tel,
ad missam garulantes.
Better wer be at tome for ay,
Þan her to serue þe deuil to pay,
sic vana famulantes.
Þan her to serue þe deuil to pay,
sic vana famulantes.
Þe[s] women þat sitteþ þe church about,
þai beþ al of þe deuelis rowte,
diuina impedientes.
þai beþ al of þe deuelis rowte,
diuina impedientes.
But þai be stil, he wil ham quell,
Wiþ kene crokes draw hem to hell,
ad puteum autem flentes.
Wiþ kene crokes draw hem to hell,
ad puteum autem flentes.
ffor his loue þat ȝou der boȝth,
Hold ȝou stil & Iangel noȝth,
sed prece deponentes.
Hold ȝou stil & Iangel noȝth,
sed prece deponentes.
Þe blis of heuen þan may ȝe wyn;
god bryng vs al to his In,
amen! amen! dicentes.
god bryng vs al to his In,
amen! amen! dicentes.
| Religious Lyrics of the XVth Century | |