University of Virginia Library

CHAP. IIII.

De l'Equator, ouligne Equinoctiale: ensemble
des Tepestes, inconstances des V ens, Pluye
infecte, Chaleurs, soif, & autres incommoditez
que nous eusmes, & endurasmes aux enuirons
& sous icelle.

Pour retourner à nostre nauigation,
nostre bon vent nous
estãt failli à trois ou quatre
degrez au deça de l'Equator,
non seulement nous eusmes
vn temps fort fascheux, entremeslé de
pluye & calme, mais aussi selon que la
hauigation est difficile, voire tresdangereuse
aupres de ceste ligne Equino ctiale,
i'y ay veu, à cause de l'inconstance de diuers
vens qui souffloyent tous ensemble,
no strois. Nauires, quoy qu'ils fussent assez
pres l'vn de l'autre, & sans que ceux
qui tenoyent les Timons & Gouuernails

eussent peu faire autrement, chacun Vais
seau estre poussé de son vent à part: de
façon que comme en triangle, l'vn alloit
à l'Est, l'autre au Nord, & l'autre à l'Oest:
vray est que cela ne duroit pas beaucoup,
car soudains s'esleuoyent des tourbillõs,
que les Mariniers de Normandie appellent
grains, lesquels apres nous auoir
quelques fois arrestez tout court, au contraire
tout à l'instant tempestoyẽt si fort
dans les voiles de nos Nauires, que c'est
merueille qu'ils ne nous ont virez cent
fois les Hunes en bas, & la Guille en
haut c'est à dire, ce dessus dessous.

Au surplus la pluye qui tombe sous &
és enuirons de ceste ligne, non seulemẽt
put & sent fort mal, mais aussi est si contagieuse
que si elle tombe sur la chair il
s'y leuera des pustules & grosses vessies:

& mesme tache & gaste les habillemens.
Dauãtage le soleil y est si ardent, qu'outre
les chaleurs extremes & vehementes
que nous y enduriõs, encores parce que
nous n'y auions pas l'eau douce, n'y au-
tre bruuage à commandement, ni hors
les deux petits repas, y estions nous mer
ueilleusemẽt pressez de soif. De ma part
& pour l'auoir essayé l'aleine & le soufle
m'en estans presque faillis, i'en ay per
du le parler l'espace de plus d'vne heure.
Que si qu'elcun dit la dessus mourans ainsi
de soif au milieu des eaux (sans imiter
Tantalus) il ne seroit pas possible en telle
extremité de boire ou pour le moins
se refreschir la bouchede l'eau de la mer:
ie respond que quelque recepte qu'on
me peut alleguerde la faire passer par dedans
de la cire, ou autrement l'allambiquer
(ioint que les branslemens & tour-
mentes des Vaisseaux flottans sur la mer
ne sont pas fort propre, ni pour faire les
fourneaux ni pour garder les bouteilles
de casser) que ie croy (sinon qu'on voulut
ietter les trippes & les boyaux incontinent
apres qu'elle seroit dans le corps)
qu'il n'est question d'en gouster, moins
d'en aualer. Neantmoins, comme on voit
quant elle est dans vn verre, elle est aussi
claire, pure, & nette exterieurement que
cau de fontaine ni de roche qui se puisse
voir. Et au surplus (chose dequoy ie me
suis esmerueillé & que ie laisse à disputer
aux Philosophes) si vous mettez tremper
dans l'eau de mer du lard, du haren
ou autres chairs & poissons tant salez
puissent ils estre, ils se dessaleront mieux
& plustost qu'ils ne ferot en l'eau douce.

Or pour reprendre mon propos, le cõble
de nostre affliction sous ceste Zone
bruslãte fut telle, que nostre biscuit (à cau
se des grãdes & cõtinuelles pluyes qui auoyẽt
penetré iusques dãs la Soute) estãt
dessors gasté & moisi, n'en ayãs neãtmoins
pas à demi nostre saoul de tel, non seulement
il nous le falloit ainsi mãger pour-

ri, mais aussi sur peine de mourir de
faim, & sans en rien ietter, nous aualliõs
autant de vers (dont il estoit à demi) que
nous faisions de miettes. Dauantage nos
eaux douces estoyent si corrompues, &

semblablemẽt si pleines de vers, que seulemẽt
en les tirant des vaisseaux en quoy
on les tient sur mer, il n'y auoit si bon
cœur qui n'en crachast: mais encores, qui
estoit bien le pis, quant on la buuoit il
falloit tenir la tasse d'vne main &, à cause
de la puanteur, boucher le nez de
l'autre.

Que dites vous la dessus messieurs les
delicats? qui estans vn peu pressez de
chaut, apres vous estre biẽ faits testõner,
& changé de chemise iamez tant d'estre à
requoy dans vne chaire, ou sur vn lict
verd en la belle sale fraische? & qui ne
sauriez prendre vos repas si la vaisselle
n'est bien luy sante, le verre bien fringué,
les seruiettes bien blanches, le pain bien
chapplé, la viande, quelque delicate que
elle soit, bien proprement aprestee &
seruie, & le vin ou autre bruuage clair
cõme vne Emeraude? voulez vous, vous
allerembarquer pour viure de telle façõ?
comme ie ne le vous conseille pas, &
qu'il vous en prendra encores moins de
enuie quand vous aurez entendu ce qui
nous auint à nostre retour, aussi vous
voudrois ie bien prier, quand on parle
de la mer, & sur tout de tels voyages, n'en
sachãs autre chose que par les liures, ou
seulement en ayant ouy parler à ceux qui
n'en reuindrẽt iamais, vous nevoulussiez
pas, en ayãt le dessus, vẽdre (cõme on dit)
vos coquilles à ceux qui ont esté à S. Michel.
Cest à dire, que vous defferissiez
vn peu & laississiez discourir ceux qui
en ondurans tels trauaux ont esté à la
pratique des choses, lesquelles, pour en
parler à la verité, ne se peuuent bien
glisser au cerueau ni en l'entendement
des hommes sinon (ainsi que dit le prouerbe)
qu'on ait mangé de la vache enragee.

Surquoy i'adiousteray, tãt sur ceci que
sur le premier propos que i'ay touché
concernant la varieté des Vents, Tempestes,
Pluyes infectes, Chaleurs, & en
somme ce qui se voit tant sur mer en general
que principalemẽt sous l'Equator,
que i'ay veu vn de nos Pilotes nõmé Iean

de Meun, de Harfeur lequel, bien qu'il
ne sceut ni A, ni B, auoit neantmoins par
la longue experience auec ses cartes, Astralabes,
& Baston de Iacob si bien profité
en l'art de la nauigation, qu'à tout
coup il faisoit taire vn scauant personnage
(que re ne nommeray point) lequel
estant dãs nostre Nauire triomphoit tou
tesfois de parler de la Theorique! Non
pas que pour cela ie cõdamne ou vueille
blasmer en façon que ce soit les sciences
qui s'acquierent & apprennent és escholes,
& par l'estude des liures: rien moins,
tant s'en faut que ce soit mon intention:
mais bien requerroy ie sans tant s'arrester
à l'opinion de qui que ce fust, qu'on
ne m'alleguast iamais raison contre l'experience
d'vne chose. Ie prie donc le lecteur
de me suporter si en me resouuenãt
de nostre pain pourri & de nos eaux puantes,
& le comparant auec la bonne che
re de ces grans censeurs, faisant ceste digression
ie me suis vn peu mis en colere
contre eux. Au surplus plusieurs Mariniers,
à cause des incõmoditez susdites,
apres auoir mangé tous leurs viures en
ces endroits là, c'est à dire sous la Zone
Torride, sans pouuoir passer outre ont
esté contraints de relascher & retourner
en arriere d'ou ils estoyent venus.

Quant à nous, apres que nous eusmes
demeuré, viré, & tourné, enuiron cinq
sepmaines en telle misere que vous auez
ouy, estans ainsi peu à peu à grandes difficultez
approchez de ceste ligne Equinoctiale,
Dieu ayãt pitié de nous & nous
enuoyant le vent de Nord-Nord'est, le
quatrieme iour de Feurier nous fusmes
poussez iusques droit dessous icelle. Elle
est appelee Equinoctiale, pource qu'en
toutes saisons les iours & les nuits y sõt
tousiours esgaux. Et au surplus quant le
Soleil est droit en ceste ligne, ce qui auiẽt

deux fois l'annee, assauoir l'vnsieme do
Mars & le tresieme de Septẽbre, les iours
& les nuits sont esgaux par tout le mõde
vniuersel: tellement que ceux qui habitent
sous les deux Poles, Arctique & An
tarctique, participans seulemẽt ces deux
iours de l'annee du iour & de la nuit, des
le lendemain les vns & les autres (chacun
à son tour) perdẽt le Soleil de veuë pour
demian.

Cedit iour doncques quatrieme de
Feurier, que nous passasmes le Centre du
monde, les Matelots firẽt les ceremonies
par eux accoustumees en ce tant fascheux
& dangereux passage. Assauoir, de lier de
cordes & plonger en mer, ou bien noircir
& barbouiller le visage auec vn vieux
drappeau frotté au cul de la chaudiere,
ceux qui n'õt iamais passé l'Equator pour
les en faire souuenir: toutesfois on se
peut racheter & exempter de cela, cõme
ie fis, en leur payant le vin.

Ainsi sans interuale, nous singlasmes
de nostre bon vent de Nord-Nordest
iusques à quatre degrez au dela de la ligne
Equinoctiale. Dés la nous commençasmes
de voir le Pole Antarctique lequel

les Mariniers de Normandie appelent
l'Estoile du Su: à l'entour de laquelle, cõme
ie remarquay dés lors, il y a certaines
autres Estoiles en croix qu'ils appelent
aussi la croisee du Su. Comme au sembla
ble quelque autrea escrit, que les premiers
qui de nostre temps firẽt ce voyage
rapporterent, qu'il se voit tousiours pres
d'iceluy Pole Antartique, ou midi, vn:
petite nuce blanche & quatres estoilles
en croix, auec trois autres qui ressemblẽt
à nostre Septentrion. Or il y auoit desia
long temps que nous auions perdu de
veuë le Pole Arctique: & diray ici en pas
sant non seulement, ainsi qu'aucuns pensent,
& qu'il semble aussi par la Sphere
qu'il se puisse faire qu'on ne scauroit voir
les deux Poles quant on est droit sous
l'Equator, mais mesmes n'en pouuans
voir ni l'vn ni l'autre, il faut estre esloigné
d'enuiron deux degrez du costé du
Nord ou du Su pour voir l'Arctique ou
l'Antarctique.

Le trezieme dudit mois de Feurier
que le temps estoit fort beau & clair,
nos Pilotes & Maistres de Nauires ayans
prinshauteui à l'Astralabe, nous asseure-

rent que nous auions le Soleil droit pour
Zeni, & en la Zone si droite & directe
sur la teste, qu'il estoit impossible de
plus. Et de fait, ainsi que moy & d'autres
experimentasmes (quoy que nous plantissions
des dagues, cousteaux, poinsons
& autres choses sur le Tillac) les rayons
nous donnoyent tellement à plomb, que
nous ne vismes nul ombrage ce iour la
en nostre Vaisseau. Quant nous fusmes
par les douze degrez, nous eusmes tormente
qui dura trois ou quatre iours.
Et apres cela (tombans en l'autre extremite)
la mer fust si tranquile & calme,
qué nos Vaisseaux demeurans fix sur
l'eau nous ne fussions iamais bougez
de là, si le temps ne se fust changé;
& le vent esleué pour nous faire passer
outre.

Or nous n'auions point encores ap-

perçeus de Baleines en tout nostre voyage,
mais en ces endroits nous en vismes
d'assez pres pour les-bien remarquer. Entre
autre il y en eut vne, laquelle se leuant
pres de nostre Nauire, me fit si
grand peur que veritablement iusques à
ce que ie la vis mouuoir ie pensois que
ce fust vn rocher contre lequel nostre
Vaisseau s'allast hurter & briser. I'obseruay
quant elle se voulut plonger, qu'elle
leua la teste hors de la mer, & ietta en
l'air par la bouche plus de deux pipes
d'eau: & puis en se cachant, fit vn tel &
si horrible bouïllon, que ie craignois encores
que nous attirans apres soy, nous
ne fussions engloutis dans ce gouffre.
Et à la verité cõme dit le Psalmiste, c'est

horreur de voir ces Monstres marins
s'esbatre & se ioũer ainsi à leur aise parmi
la mer.

Nous vismes aussi des Dauphins les-

quels suyuis deplusieurs especes de poissons,
to9 disposez & arrẽgez ainsi qu'vne
troupe & cõpagnie de Soldats marchans
apres leur Capitaine, paroissoyent dans
l'eau de couleur rougeastre. Il y en eut vn
entre les autres lequel, comme s'il nous
eust voulu cherir & caresser, tournoya &
enuironna six ou sept fois nostre Nauire.
En recompense dequoy nous fismes
tout nostre effort pour le vouloir prendre,
mais luy faisat tousiours dextremẽt
la retraite auec sa compagnie, il ne nous
fut pas possible de l'adioindre à nous.