 | Religious Lyrics of the XVth Century |  |
87. The Journey of the Three Kings
The ster he schynythe boþe nyȝte & day,
To lede iij kyngis þer Ihū lay.
To lede iij kyngis þer Ihū lay.
Ihu whas Borne in Bedlem̄ Iude,
Alle off a mayden̄, so fyndythe whe.
Owte off þe Este com kyngis iij,
Wythe ryche presente as y yow say.
Alle off a mayden̄, so fyndythe whe.
Owte off þe Este com kyngis iij,
Wythe ryche presente as y yow say.
The stuarde whas Bolde off þat contre
And Bade Errod schollde come and see
lyke as þey wentyn̄, all y[e] iij,
Goyng ffurthe yne þer Iornay.
And Bade Errod schollde come and see
lyke as þey wentyn̄, all y[e] iij,
Goyng ffurthe yne þer Iornay.
ffurthe þey wentyn, pas for pas,
And Euer þe ster schone one þer ffase,
lyke as þe sone doþe throw þe glas,
And yne-to Bedleme þey toke þer way.
And Euer þe ster schone one þer ffase,
lyke as þe sone doþe throw þe glas,
And yne-to Bedleme þey toke þer way.
125
Whene þey com yne-to þe plas,
Ihū wythe hys modyr whas,
þey knelyd a-downe & made solas,
And euer kyng tyll oder gan say—
Ihū wythe hys modyr whas,
þey knelyd a-downe & made solas,
And euer kyng tyll oder gan say—
Whene þey had made vp hyr offeryng,
gollde and myr and ryche thyng,
they lay a-downe & toke restyng,
ffor alle a nyȝte and alle a day.
gollde and myr and ryche thyng,
they lay a-downe & toke restyng,
ffor alle a nyȝte and alle a day.
As þey lay in þer slepyng,
Ther come a angell & browȝte tydyng,
And Bade theme wende nat by errod þe kyng,
But Bade þeme take a-noþer way.
Ther come a angell & browȝte tydyng,
And Bade theme wende nat by errod þe kyng,
But Bade þeme take a-noþer way.
Errod off þis he wyxyd fful gryll,
þa þis iij kyngis Came nat hyme tylle,
Alle to ffull-ffyll hys false wylle,
And tyll hys knyȝteys he gane say—
þa þis iij kyngis Came nat hyme tylle,
Alle to ffull-ffyll hys false wylle,
And tyll hys knyȝteys he gane say—
Errod Bade hys knyȝtes a-none
That þey schollde in-to bedleme gone
And sle þe chyllderyne euery-chone—
And yet he faylyd off hys pray.
That þey schollde in-to bedleme gone
And sle þe chyllderyne euery-chone—
And yet he faylyd off hys pray.
Angellys Come owre lady a-none,
And bade hyr in-to Egypte gone,
ther-yne to wonny, þer yne to dwelle.
yne tyme hyt wer errod-ys endyng day.
And bade hyr in-to Egypte gone,
ther-yne to wonny, þer yne to dwelle.
yne tyme hyt wer errod-ys endyng day.
Herrod dyyd and went to hell,
þer yne to wonny, þer yne to dwell,
And yne þe depyste pytte he fell—
And þer he ys ffor euer & ay.
þer yne to wonny, þer yne to dwell,
And yne þe depyste pytte he fell—
And þer he ys ffor euer & ay.
| Religious Lyrics of the XVth Century | |