 | Religious Lyrics of the XVth Century |  |
85. A Song for the Epiphany
Welcum welcum welcum Xe redemtor omneum.
Now ys cum owre saue-owre,
And now hathe mare borne a flowre,
To al this wordill a grete soccowre,
celi terreque dominum.
And now hathe mare borne a flowre,
To al this wordill a grete soccowre,
celi terreque dominum.
Now be þe Iuys fallyn in fyȝte
of Seynt stevyne, þat nobull knyȝte;
be-cause he sayde he saw a syȝte,
lapidauerunt stephanum.
of Seynt stevyne, þat nobull knyȝte;
be-cause he sayde he saw a syȝte,
lapidauerunt stephanum.
Seynt Iohn̄, that was a martyr fre,
on crystis lappe a-slepe lay he,
of hevyn he saw þe preuete,
aduocatur conviuio.
on crystis lappe a-slepe lay he,
of hevyn he saw þe preuete,
aduocatur conviuio.
Erode, that was so full of syne,
let sle þe chyldryne of israell kyn,
of too yere age & eke withyn,
In bethelem confinio.
let sle þe chyldryne of israell kyn,
of too yere age & eke withyn,
In bethelem confinio.
Seynte Thomas, þat was a marter good—
Ther came knyȝtis bothe ferse & woode,
They steryde his brayne & schede his blode;
sic passus est martyrrium.
Ther came knyȝtis bothe ferse & woode,
They steryde his brayne & schede his blode;
sic passus est martyrrium.
Ther came thre knyȝtis with rache presens,
Offryde golde, myrre, franke-andsence—
Offryng with grete honnowre & reuerens,
adorauerunt puerum.
Offryde golde, myrre, franke-andsence—
Offryng with grete honnowre & reuerens,
adorauerunt puerum.
| Religious Lyrics of the XVth Century | |