 | Religious Lyrics of the XVth Century |  |
189
123. The Martyrdom of St. Thomas
A a.a.a. nunc gaudet ecclesia.
Herkenud lordyngus, grete & smale,
ych wole ȝow telle a wondur tale,
how holy churche was brout in bale
cum magna iniuria.
ych wole ȝow telle a wondur tale,
how holy churche was brout in bale
cum magna iniuria.
Knytus werone sent fro harry kyng,
Wyckede men wyt-out lesyng,
þere þey dedone a wondur þyng
ffrementes insania.
Wyckede men wyt-out lesyng,
þere þey dedone a wondur þyng
ffrementes insania.
þe chef clerk of al þys lond,
of Kaunturbury ych vndur-stonde,
he was slay wyt wyckede hond
Demonis Potencia.
of Kaunturbury ych vndur-stonde,
he was slay wyt wyckede hond
Demonis Potencia.
þey soutone þe byschop al aboute,
in hys paleys wyt-inne & wyt-oute;
Of ihū cryst þey haddone no doute
In sua Superbia.
in hys paleys wyt-inne & wyt-oute;
Of ihū cryst þey haddone no doute
In sua Superbia.
Wyt her mouþus þey ȝendone wyde,
& seyde to hym wyt gret prude,
‘traytur, þu here schal a-byde
ferens mortis tedia.’
& seyde to hym wyt gret prude,
‘traytur, þu here schal a-byde
ferens mortis tedia.’
He ansuerede wyt mylde chere,
‘Ȝyf ych schal dye in þys manere,
lat hym go þat ys here
absque contumelia.’
‘Ȝyf ych schal dye in þys manere,
lat hym go þat ys here
absque contumelia.’
190
turmenturus abouten hym gon sterte,
wyt wyckede wondis hey hyn herte;
þer he dyede, on hys modur churche,
Optans celi gaudia.
wyt wyckede wondis hey hyn herte;
þer he dyede, on hys modur churche,
Optans celi gaudia.
Clerk, mayde, wedede & wyf,
Werchepud thomas in al her lyf,
for fyftene tokenus of gret strif
Contra regis consilia.
Werchepud thomas in al her lyf,
for fyftene tokenus of gret strif
Contra regis consilia.
| Religious Lyrics of the XVth Century | |