Religious Lyrics of the XVth Century | ||
19. Hail, Star of the Sea
Aue maris stella dei Mater Alma.
pray þu þi swete son safe vs fro foly
þat walks in þis warld lyke vn-to þe se,
Ebbyng & flowyng ful of vanyte.
36
þow schynes as a sterne þaim redy to wyn,
And euer-more redy for vs to pray
To gytt vs forgyfnes withouten delay,
Of al oure synnes & gret trespes
Þat we hafe done both more & les.
Now, swete lady both meke & mylde
And moder of god, mayden vnfyled,
Crowned abofe al angels, qwene of heuen,
Blyssed art þu þerfore euer-more to neuen.
þow pray þi son to gif vs grace our lyfe to mende
And his byrnyng luf in-to vs sende.
Thynk on gode, lady, þus for vs to praye,
þat we with þe may dwelle for euer & ay.
Amen.
Religious Lyrics of the XVth Century | ||