 | Religious Lyrics of the XVth Century |  |
192. The Summum Bonum
The law of god be to þe thy rest,The flesh þy sacrifice, þe world exile,
God thi love & thi tresour best,
Hevyn þi cintre thorogh euery while.
Repentaunce þou take In-to þi brest
for þyn vnkynnesse & wikkidnes vile,
And abide at þi selff withinne þi nest
lest vndir pite thow be trappid with gile,
Except at som-while as a hasty gest
Þu stert to do good but thorogh no long mile.
Haue do, glutoun, fle to this fest!
for here-In of al wynnyng lyth crosse & pile.
| Religious Lyrics of the XVth Century | |