143. O Redeemer, Purge Me of My Vices
[_]
MS. Douce 1 (Sum. Catal. No. 21575)
O glorius god, redemer of mankynde,
whiche on the crosse hyng full of compassyon,
Graunt of thi grace, within my herte and mynde
Holly to remember the armes of thy passion.
Enrote, good lorde, thi greuous paynes stronge,
Depe in my thought, auoydynge all synne,
and purge the vyces þat hathe ben in me longe,
with contrite herte these verses to begynne.
Enclyne alowe, of mercy, now thyne ere,
Contemplynge thy paynes, vnto my peticion,
And graunt me grace so to serue the here,
Affter this lyfe to be in thi tuycion.
Amen.
