Religious Lyrics of the XVth Century | ||
137. Parce Mihi, Domine
Fadyr & sone & holy gost,
Grete god in trinite,
As þu art lorde of grete host,
Parce mihi, domine!
Grete god in trinite,
As þu art lorde of grete host,
Parce mihi, domine!
211
Fadyr of heuene, I make my mone,
With contryte hert I pray to þe:
Off my synnes euerychone,
Parce mihi, domine!
With contryte hert I pray to þe:
Off my synnes euerychone,
Parce mihi, domine!
In þy seruys I haue mysdo,
And oftyne tyme offendet þe,
Mercy! lord, I wyll no more soo,
Parce mihi, domine!
And oftyne tyme offendet þe,
Mercy! lord, I wyll no more soo,
Parce mihi, domine!
As clerkes tellene to vs I-wys,
Mane was made, for thynges thre,
To wurshyp þe, kynge of blysse—
Parce mihi, domine!
Mane was made, for thynges thre,
To wurshyp þe, kynge of blysse—
Parce mihi, domine!
I-wurshyp goddys false haue I,
I-seruyd creaturis more þen þe,
I-loued synne & eke foly—
Parce mihi, domine!
I-seruyd creaturis more þen þe,
I-loued synne & eke foly—
Parce mihi, domine!
But þu fro reuerence me spare,
I-lost foreuer schall I be.
Lorde, haue mynde of mannys care,
Parce mihi, domine!
I-lost foreuer schall I be.
Lorde, haue mynde of mannys care,
Parce mihi, domine!
Religious Lyrics of the XVth Century | ||