 | Religious Lyrics of the XVth Century |  |
104. ‘Unkind Man, Take Heed of Me’
Vnkinde man, take hede of mee!Loke, what payne I suffer for the.
sinfull man, to the I crie,
only for the I die.
beholde, the bloode of my handis downe renneth,
not for my gilte but for youre sinnes,
fote and hande with nailes so ben faste,
that sinoes & vaines alto-berste.
The blood of myne hert rote,
Loke, how hit stremyth downe by my fote.
Ouer all theeis paines þat I suffer so sore,
With myne herte hit greuith me more,
þat I vnkindnes finde in the
þat for thi loue hongid vpon a tree.
| Religious Lyrics of the XVth Century | |