 | Religious Lyrics of the XVth Century |  |
100. The Wounds, as Wells of Life
Ihesus woundes so wide
ben welles of lif to þe goode,
Namely þe stronde of hys syde,
þat ran ful breme on þe rode.
ben welles of lif to þe goode,
Namely þe stronde of hys syde,
þat ran ful breme on þe rode.
ȝif þee liste to drinke,
to fle fro þe fendes of helle,
Bowe þu doun to þe brinke
& mekely taste of þe welle.
to fle fro þe fendes of helle,
Bowe þu doun to þe brinke
& mekely taste of þe welle.
| Religious Lyrics of the XVth Century | |