The Paris Psalter | ||
2
Hwæt, ic lioða fela lustlice geosanc on sælum, nu sceal siofigende,
wope gewæged, wreccea giomor,
singan sarcwidas. Me þios siccetung hafað
156
gefegean swa fægre, þeah ic fela gio þa
sette soðcwida, þonne ic on sælum wæs.
Oft ic nu miscyrre cuðe spræce,
and þeah uncuðre ær hwilum fond.
Me þas woruldsælða welhwæs blindne
on ðis dimme hol dysine forlæddon,
and me þa berypton rædes and frofre
for heora untreowum, þe ic him æfre betst
truwian sceolde. Hi me to wendon
heora bacu bitere, and heora blisse from.
Forhwam wolde ge, weoruldfrynd mine,
secgan oððe singan þæt ic gesællic mon
wære on weorulde? Ne synt þa word soð,
nu þa gesælða ne magon simle gewunigan.
The Paris Psalter | ||