 | The Poems of James VI. of Scotland
|  |
|
SONNET. 6.
[Bvt let them think, in verie deid they feill]
Bvt let them think, in verie deid they feill,
When as I do the VVinters stormes vnfolde,
The bitter frosts, which waters dois congeill
In VVinter season, by a pearcing colde.
And that they heare the whiddering Boreas bolde,
With hiddeous hurling, rolling Rocks from hie.
Or let them think, they see god Saturne olde,
Whose hoarie haire owercouering earth, maks flie
The lytle birds in flocks, fra tyme they see
The earth and all with stormes of snow owercled:
Yea let them think, they heare the birds that die,
Make piteous mone, that Saturnes hairis are spred.
Apollo, graunt thir foirsaid suitis of myne,
All fyue I say, that thou may crowne me syne.
| The Poems of James VI. of Scotland
| |
|
