 | Songs and carols from a manuscript in the British Museum of the fifteenth century |  |
VII. Gay, gay, gay, gay,
Think on drydful domis day.
Every day thou myȝt lere,
To helpe thi self qwil thou art here,
Quan thou art ded and leyd on bere,
Cryst help thi sowle, for thou ne may.
To helpe thi self qwil thou art here,
Quan thou art ded and leyd on bere,
Cryst help thi sowle, for thou ne may.
Thynk, man, on thi wyttes fyve,
Do sum good qwyl thou art on lyve;
Go to cherche, and do the schryve,
And bryng thi sowle in good aray.
Do sum good qwyl thou art on lyve;
Go to cherche, and do the schryve,
And bryng thi sowle in good aray.
11
Thynk, man, on thi synnys sevene,
Think how merie it is in hevene;
Prey to God with mylde stefne,
To be thin helpe on domys day.
Think how merie it is in hevene;
Prey to God with mylde stefne,
To be thin helpe on domys day.
Loke that thou non thing stere,
Ne non fals wytnesse bere;
Thynk how Cryst was stunge with spere,
Quan he deyid on good Fryday.
Ne non fals wytnesse bere;
Thynk how Cryst was stunge with spere,
Quan he deyid on good Fryday.
Loke that thou ne sle non man,
Ne do non foly with non womman;
Thynk the blod from Jhesu ran,
Quan he deyid withoutyn nay.
Ne do non foly with non womman;
Thynk the blod from Jhesu ran,
Quan he deyid withoutyn nay.
| Songs and carols from a manuscript in the British Museum of the fifteenth century | |