 | Yorkshire writers |  |
XIV.
[Thy ioy be ilk a dele to serue þi god to pay]
Item secundum eundem Ricardum.
Thy ioy be ilk a dele to serue þi god to pay:
For al þis worldes wele, þou sees wytes a-way.
Þow fande his lufe to fele, þat last with þe will ay:
And þi kare sal kele, þi pyne turne þe to play.
For al þis worldes wele, þou sees wytes a-way.
Þow fande his lufe to fele, þat last with þe will ay:
And þi kare sal kele, þi pyne turne þe to play.
In Cryst þou cast þi thoght, þou hate all wreth and pryde,
And thynk how he þe boght, with woundes depe & wyde.
When þou hym-self hase soght, wele þe sal be-tyde;
Of ryches rek þe noght, fra hell bot he þe hyde.
And thynk how he þe boght, with woundes depe & wyde.
When þou hym-self hase soght, wele þe sal be-tyde;
Of ryches rek þe noght, fra hell bot he þe hyde.
Do als I þe rede, lyftand vp þi hert,
And say til hym was dede: “Cryste, myne hele þou ert!”
Syn synkes as lede, & fer downe fals fra qwert:
Þarfore stabyl þi stede þar smytyng may noght smert.
And say til hym was dede: “Cryste, myne hele þou ert!”
Syn synkes as lede, & fer downe fals fra qwert:
Þarfore stabyl þi stede þar smytyng may noght smert.
In Cryste knyt þi solace, hys lufe chawnge þi chere;
With ioy þou take his trace, & seke to sytt hym nere,
Ever sekand his face; þou make þi sawle clere:
He ordans hegh þi place, yf þou his lufe will lere.
With ioy þou take his trace, & seke to sytt hym nere,
Ever sekand his face; þou make þi sawle clere:
He ordans hegh þi place, yf þou his lufe will lere.
Þou kepe his byddynges ten, hald þe fra dedely synne,
Forsake þe ioy of men, þat þou his lufe may wynne:
Þi hert of hym sal bren with lufe þat neuer sal twynne,
Langyng he wil þe len heuen to won with-Inne.
Forsake þe ioy of men, þat þou his lufe may wynne:
Þi hert of hym sal bren with lufe þat neuer sal twynne,
Langyng he wil þe len heuen to won with-Inne.
82
Þou thynk on hys mekenes, how pore he was borne;
Behalde his blody flesch es prikked wit thorne:
Þi lufe lat it noght lesse, he saued þat was forlorne.
To serue hym in swetnes all haue we sworne.
Behalde his blody flesch es prikked wit thorne:
Þi lufe lat it noght lesse, he saued þat was forlorne.
To serue hym in swetnes all haue we sworne.
If þou be in fandyng, of lufe þou hase grete nede,
To stedde [þe] in stallyng, & gyf þe grace to spede.
Þow dwell ay with þi kyng, [&] in hys lufe þe fede.
For lityll haue I connyng to tel of his fairhede.
To stedde [þe] in stallyng, & gyf þe grace to spede.
Þow dwell ay with þi kyng, [&] in hys lufe þe fede.
For lityll haue I connyng to tel of his fairhede.
Bot luf hym at þi myght, whils þou ert lyuand here,
And loke vnto þi syght þat nane be þe so dere.
Say to hym bath day & nyght: “when mai I negh þe nere?
Bryng me to þi lyght, þi melodi to here.”
And loke vnto þi syght þat nane be þe so dere.
Say to hym bath day & nyght: “when mai I negh þe nere?
Bryng me to þi lyght, þi melodi to here.”
In þat lyfe þe stedde þat þou be ay lyuand,
And gyf hym lufe to wedde, þat þou with hym wil stand.
Ioy in þi brest es bredde when þou ert hym lufand:
Þi sawle þan hase he fedde in swete lufe brennand.
And gyf hym lufe to wedde, þat þou with hym wil stand.
Ioy in þi brest es bredde when þou ert hym lufand:
Þi sawle þan hase he fedde in swete lufe brennand.
| Yorkshire writers | |