University of Virginia Library

Of sanct philpe now spek wil we,
nexte sancte Iames in his degre,
þe quhilk quhene he had thretty ȝere
thru sycheeme gane fer and nere,
& goddis worde prechit wyd-quhare,
& payganis, þat war dwelland þare,
In til his lare wald nocht enclyne,
bot lete hym al his trawelynge tyn,
& tuk hyme, & strenȝet in hy
to þare goddis to sacrify;
& firste of marte þe maunmente
he suld begyne, wes þar entent.
& quhene þai hyme for sic cause brocht
to þare tempil, þat wele was wrocht,
fra vndir quhare þe maunment stud,
a fel dragone, lyk to be wod,
come startand owt al sudanly,
& þe bischopis sone in hy,
þat fyre to sacrify cane kepe,
& twa tribunes þare til eke,
þat gerte þare men þe appostil bynde,
slew of his mouth with þe fel wynde.
& al þe lafe þat þe wyne had
twechit, richt seke ware mad.
þane ware þe folk in gret effray;
bot þe apostol cane þame say:
“sa, þat ȝe wil tr[e]w to me,
& ger ȝour maumentis brokine be,
& in þe sted It standis now,
set vpe a croice of dere Ihesu,
& honoure It, þat seke men may
fra god þare hele get but delay.”
þane cryit þai in a sone:
“þe fygure of marte cast we downe,
gyf þu oure sekemen wil ger hafe
to parfyte hele, þat þai now crafe,
& namely gyf thire thre remede
thru þe ma haf, þat are here dede.”
þane philpe sad to þat dragone:
“I commawnd þat þu brak downe
of marte þe mawnment but delay,
& syne fast hald one þi way,
dowand na skathe, mare na les,
quhare ony are in wyldirnes.”
& he his commandment cane fulfil,
& syne to man did na hyl.
þane philpe cane his prayere ma,
& parfyt hele gat til al þai,
þat þe dragone mad sek or sare,
& þe thre men, þat ded lay þare,
fra ded to lyfe thru þe wertu
he raysit þame of dere Ihesu.
þane al þat þis had hard ore sene,
trewit in god, & war mad clene
throw baptysme & þe gud prechynge,
þat philpe mad, of hewynly thinge.
þane gert he mony kirkis ma
In al þe land to & fra,
& prestis in þame ordanyt he,
& deknes alse in þare degre.

quhene he had a ȝer dwelte þare,
In asya sene canne he fare.
& to þe gret towne hapnyt hyme
to cum firste of Ieropolyne,
quhare he fand hevynutis,
þat throw wikit heresy nyttis,
þat criste had suthfaste flesche as man,
bote forsit þame to preche þane,
þat nocht bot fantassy it wes,
þat criste semyte for to hafe flesche.
bot þe erroure but delay
philpe clerly put away.
& philpe als had with hym þare
twa madynnis, þat his douchteris ware,
þat haly ware in ded & thocht.
& god for þame gret merwalis wrocht;
fore thru þe gret grace þai had
mony man cristyne wes mad.
sewyne dais philpe before his ded
a gret gadrynge mad in þat sted,
& ythandly þai dais sewyne
tachte he þe folk to wyne hewyne,
& sad, god lente hyme þat space
to teche man to wyne his grace.
þane prestis & deknys þare mad he,
þat prowand in þe kyrke suld be,
& for þe þuple for to pray,
þat þai to god mycht plese alway,
& al þe remaynyne to do,
þat efferyte þare ordyr to.
& quhene þat he had luffit here
fowre score fullely & ek sex ȝere,
vntrastefull folk of þat land
fore gret invy tuk hym & band,
& mad a croice in lykynes,
quhare-one his master done was,
þat he sa prechyt in þat land,
& þar-apone ful faste hym band.
& one þat wyise he ȝald þe geste
to god, þat It tuk in-to haste;
& wes enterit honorably,
& his twa douchteris lad hyme by
In athire hand, quhare dere Ihesu
ferly werkis dois for þame now.
þar-for to þame I pray al thre,
þat þai sic grace purches me,
owte of þis lyfe þat I twyne
but schame, det, & dedly syne.