 | The Harley Lyrics |  |
34
5 THE LOVER'S COMPLAINT
Wiþ longyng y am lad,
on molde y waxe mad,
a maide marreþ me;
y grede, y grone, vnglad,
for selden y am sad
þat semly forte se.
Leuedi, þou rewe me!
To rouþe þou hauest me rad.
Be bote of þat y bad;
my lyf is long on þe.
on molde y waxe mad,
a maide marreþ me;
y grede, y grone, vnglad,
for selden y am sad
þat semly forte se.
Leuedi, þou rewe me!
To rouþe þou hauest me rad.
Be bote of þat y bad;
my lyf is long on þe.
Leuedy of alle londe,
les me out of bonde;
broht icham in wo.
Haue resting on honde,
ant sent þou me þi sonde
sone, er þou me slo;
my reste is wiþ þe ro.
Þah men to me han onde,
to loue nuly noht wonde,
ne lete for non of þo.
les me out of bonde;
broht icham in wo.
Haue resting on honde,
ant sent þou me þi sonde
sone, er þou me slo;
my reste is wiþ þe ro.
Þah men to me han onde,
to loue nuly noht wonde,
ne lete for non of þo.
Leuedi, wiþ al my miht
my loue is on þe liht,
to menske when y may;
þou rew ant red me ryht,
to deþe þou hauest me diht,
y deȝe longe er my day;
þou leue vpon mi lay;
treuþe ichaue þe plyht
to don þat ich haue hyht
whil mi lif leste may.
my loue is on þe liht,
to menske when y may;
þou rew ant red me ryht,
to deþe þou hauest me diht,
y deȝe longe er my day;
þou leue vpon mi lay;
treuþe ichaue þe plyht
to don þat ich haue hyht
whil mi lif leste may.
Lylie-whyt hue is,
hire rode so rose on rys,
þat reueþ me mi rest;
wymmon war ant wys,
of prude hue bereþ þe pris,
burde on of þe best.
Þis wommon woneþ by west,
brihtest vnder bys;
heuene y tolde al his
þat o nyht were hire gest.
hire rode so rose on rys,
þat reueþ me mi rest;
wymmon war ant wys,
of prude hue bereþ þe pris,
burde on of þe best.
Þis wommon woneþ by west,
brihtest vnder bys;
heuene y tolde al his
þat o nyht were hire gest.
| The Harley Lyrics | |