 | The Harley Lyrics |  |
27 THE FIVE JOYS OF THE VIRGIN
Ase y me rod þis ender day
by grene wode to seche play,
mid herte y þohte al on a may,
suetest of alle þinge.
Lyþe, ant ich ou telle may
al of þat suete þinge.
by grene wode to seche play,
mid herte y þohte al on a may,
suetest of alle þinge.
Lyþe, ant ich ou telle may
al of þat suete þinge.
Þis maiden is suete ant fre of blod,
briht ant feyr, of milde mod,
alle heo mai don vs god
þurh hire bysechynge;
of hire he tok fleysh ant blod,
Iesus heuene kynge.
briht ant feyr, of milde mod,
alle heo mai don vs god
þurh hire bysechynge;
of hire he tok fleysh ant blod,
Iesus heuene kynge.
Wiþ al mi lif y loue þat may,
he is mi solas nyht ant day,
my ioie ant eke my beste play,
ant eke my louelongynge;
al þe betere me is þat day
þat ich of hire synge.
he is mi solas nyht ant day,
my ioie ant eke my beste play,
ant eke my louelongynge;
al þe betere me is þat day
þat ich of hire synge.
Of alle þinge y loue hire mest,
my dayes blis, my nyhtes rest,
heo counseileþ ant helpeþ best
boþe elde ant ȝynge;
nou y may ȝef y wole
þe fif ioyes mynge.
my dayes blis, my nyhtes rest,
heo counseileþ ant helpeþ best
boþe elde ant ȝynge;
nou y may ȝef y wole
þe fif ioyes mynge.
Þe furst ioie of þat wymman
when Gabriel from heuene cam
ant seide God shulde bicome man
ant of hire be bore,
ant bringe vp of helle pyn
monkyn þat wes forlore.
when Gabriel from heuene cam
ant seide God shulde bicome man
ant of hire be bore,
ant bringe vp of helle pyn
monkyn þat wes forlore.
66
Þat oþer ioie of þat may
wes o Cristesmasse day,
when God wes bore on þoro lay,
ant brohte vs lyhtnesse;
þe ster wes seie byfore day,
þis hirdes bereþ wytnesse.
wes o Cristesmasse day,
when God wes bore on þoro lay,
ant brohte vs lyhtnesse;
þe ster wes seie byfore day,
þis hirdes bereþ wytnesse.
Þe þridde ioie of þat leuedy,
þat men clepeþ þe Epyphany,
when þe kynges come wery
to presente hyre sone
wiþ myrre, gold, ant encenȝ,
þat wes mon bicome.
þat men clepeþ þe Epyphany,
when þe kynges come wery
to presente hyre sone
wiþ myrre, gold, ant encenȝ,
þat wes mon bicome.
Þe furþe ioie we telle mawen
on Estermorewe when hit gon dawen,
hyre sone, þat wes slawen,
aros in fleysh ant bon;
more ioie ne mai me hauen,
wyf ne mayden non.
on Estermorewe when hit gon dawen,
hyre sone, þat wes slawen,
aros in fleysh ant bon;
more ioie ne mai me hauen,
wyf ne mayden non.
Þe fifte ioie of þat wymman
when hire body to heuene cam,
þe soule to þe body nam,
ase hit wes woned to bene.
Crist, leue vs alle wiþ þat wymman
þat ioie al forte sene.
when hire body to heuene cam,
þe soule to þe body nam,
ase hit wes woned to bene.
Crist, leue vs alle wiþ þat wymman
þat ioie al forte sene.
Preye we alle to oure leuedy,
ant to þe sontes þat woneþ hire by,
þat heo of vs hauen merci,
ant þat we ne misse
in þis world to ben holy
ant wynne heuene blysse.
ant to þe sontes þat woneþ hire by,
þat heo of vs hauen merci,
ant þat we ne misse
in þis world to ben holy
ant wynne heuene blysse.
Amen.
| The Harley Lyrics | |