The Complete Works of John Gower Edited from the manuscripts with introductions, notes and glossaries by G. C. Macaulay |
 |
|
| 1. |
 |
|
|
|
|
| vii. |
|
|
|
|
| 2. |
| 3. |
| 4. |
| 5. |
| 6. |
| 7. |
| 8. |
 | The Complete Works of John Gower |  |
In Metamor it telleth thus,
How that a lord which Phorceüs
Was hote, hadde dowhtres thre.
Bot upon here nativite
Such was the constellacion,
That out of mannes nacion
Fro kynde thei be so miswent,
That to the liknesse of Serpent
Thei were bore, and so that on
Of hem was cleped Stellibon,
That other soster Suriale,
The thridde, as telleth in the tale,
Medusa hihte, and natheles
Of comun name Gorgones
In every contre ther aboute,
As Monstres whiche that men doute,
Men clepen hem; and bot on yhe
Among hem thre in pourpartie
Thei hadde, of which thei myhte se,
Now hath it this, now hath it sche;
After that cause and nede it ladde,
Be throwes ech of hem it hadde.
A wonder thing yet more amis
Ther was, wherof I telle al this:
What man on hem his chiere caste
And hem behield, he was als faste
Out of a man into a Ston
Forschape, and thus ful manyon
Deceived were, of that thei wolde
Misloke, wher that thei ne scholde.
Bot Perseüs that worthi knyht,
Whom Pallas of hir grete myht
Halp, and tok him a Schield therto,
And ek the god Mercurie also
Lente him a swerd, he, as it fell,
Beyende Athlans the hihe hell
These Monstres soghte, and there he fond
Diverse men of thilke lond
Thurgh sihte of hem mistorned were,
Stondende as Stones hiere and there.
Bot he, which wisdom and prouesse
Hadde of the god and the godesse,
The Schield of Pallas gan enbrace,
With which he covereth sauf his face,
Mercuries Swerd and out he drowh,
And so he bar him that he slowh
These dredful Monstres alle thre.
Confessor.How that a lord which Phorceüs
Hic ponit aliud exemplum de eodem, vbi dicit quod quidam princeps nomine Phorceus tres progenuit filias, Gorgones a vulgo nuncupatas, que uno partu exorte deformitatem Monstrorum serpentinam obtinuerunt; quibus, cum in etatem peruenerant, talis destinata fuerat natura, quod quicumque in eas aspiceret in lapidem subito mutabatur. Et sic quam plures incaute respicientes visis illis perierunt. Set Perseus miles clipeo Palladis gladioque Mercurii munitus eas extra montem Athlantis cohabitantes animo audaci absque sui periculo interfecit.
Bot upon here nativite
Such was the constellacion,
That out of mannes nacion
Fro kynde thei be so miswent,
That to the liknesse of Serpent
Thei were bore, and so that on
Of hem was cleped Stellibon,
That other soster Suriale,
The thridde, as telleth in the tale,
Medusa hihte, and natheles
Of comun name Gorgones
47
As Monstres whiche that men doute,
Men clepen hem; and bot on yhe
Among hem thre in pourpartie
Thei hadde, of which thei myhte se,
Now hath it this, now hath it sche;
After that cause and nede it ladde,
Be throwes ech of hem it hadde.
A wonder thing yet more amis
Ther was, wherof I telle al this:
What man on hem his chiere caste
And hem behield, he was als faste
Out of a man into a Ston
Forschape, and thus ful manyon
Deceived were, of that thei wolde
Misloke, wher that thei ne scholde.
Bot Perseüs that worthi knyht,
Whom Pallas of hir grete myht
Halp, and tok him a Schield therto,
And ek the god Mercurie also
Lente him a swerd, he, as it fell,
Beyende Athlans the hihe hell
These Monstres soghte, and there he fond
Diverse men of thilke lond
Thurgh sihte of hem mistorned were,
Stondende as Stones hiere and there.
Bot he, which wisdom and prouesse
Hadde of the god and the godesse,
The Schield of Pallas gan enbrace,
With which he covereth sauf his face,
Mercuries Swerd and out he drowh,
And so he bar him that he slowh
These dredful Monstres alle thre.
Lo now, my Sone, avise the,
That thou thi sihte noght misuse:
Cast noght thin yhe upon Meduse,
That thou be torned into Ston:
For so wys man was nevere non,
48
And take of fol delit no kepe,
That he with lust nys ofte nome,
Thurgh strengthe of love and overcome.
Of mislokynge how it hath ferd,
As I have told, now hast thou herd,
My goode Sone, and tak good hiede.
And overthis yet I thee rede
That thou be war of thin heringe,
Which to the Herte the tidinge
Of many a vanite hath broght,
To tarie with a mannes thoght.
And natheles good is to hiere
Such thing wherof a man may lere
That to vertu is acordant,
And toward al the remenant
Good is to torne his Ere fro;
For elles, bot a man do so,
Him may fulofte mysbefalle.
I rede ensample amonges alle,
Wherof to kepe wel an Ere
It oghte pute a man in fere.
| The Complete Works of John Gower | |