 | Handlyng Synne |  |
The fourþe grace þat shryfte ȝyueþ.
Þe fourþë grace ys weyl to telle,
how shryfte shendeþ þe fende of helle.
Ȝy[f] þou wylt make þe deuyl shent,
And with-stonde hys tycëment,
with no þyng mayst þou do hym so wo
As louë ofte to shryftë go;
Þan ys he a-shamed to tempte þe,
For þat þou bewreyyst hys pryuyte:
Þys seyþ Salamon þe kyng,
‘Ȝyf þou shewe þy frende a þyng,
And he þat pryuyte bewreye,
Þe loue betwenë ȝow shal deye.’
how shryfte shendeþ þe fende of helle.
Ȝy[f] þou wylt make þe deuyl shent,
And with-stonde hys tycëment,
with no þyng mayst þou do hym so wo
As louë ofte to shryftë go;
Þan ys he a-shamed to tempte þe,
For þat þou bewreyyst hys pryuyte:
Þys seyþ Salamon þe kyng,
‘Ȝyf þou shewe þy frende a þyng,
And he þat pryuyte bewreye,
Þe loue betwenë ȝow shal deye.’
Sykyr þou be, certeynly,
Þe fende þe fleþ ful hastyly:
whan þou shryuest þe for hys shame,
Þat ys shenshepe vnto hys name;
Hym shameþ þat he ys ouercome,
For þan ys moche of hys myȝt ouernome,
And euermore he ys þe more coward
For to tempte þe aftyrward.
Þe fende þe fleþ ful hastyly:
whan þou shryuest þe for hys shame,
Þat ys shenshepe vnto hys name;
Hym shameþ þat he ys ouercome,
For þan ys moche of hys myȝt ouernome,
And euermore he ys þe more coward
For to tempte þe aftyrward.
Syn þat God haþ swyche grace lent
Þurgh oure shryfte to make hym shent,
Fonde we þan, and leuë noȝt,
Þat he were to shamë broȝt;
Certys we shuld haue gode wyl
To shendë hym þat wulde vs spyl.
Þurgh oure shryfte to make hym shent,
Fonde we þan, and leuë noȝt,
Þat he were to shamë broȝt;
Certys we shuld haue gode wyl
To shendë hym þat wulde vs spyl.
376
Anouþer cumfort ys wel to mene,
þat shent þe fende, and doþe hym tene:
Ȝyf he ys aboute to temptë þe
To any synne, what so hyt be,
Ȝyf þou with-stonde þe temptacyoun,
And parceyuest what he wld haue doun,
Þan halt he hym shamly dysceyued,
Þat of hys queyntyse þou art parceyued;
Ne he shal neuer efte haue þat powere,
Of þat synne to tempte þe nere;
For þy wyþstondyng haþ hym rafte,
Of hys temptyng, alle þe crafte.
þat shent þe fende, and doþe hym tene:
Ȝyf he ys aboute to temptë þe
To any synne, what so hyt be,
Ȝyf þou with-stonde þe temptacyoun,
And parceyuest what he wld haue doun,
Þan halt he hym shamly dysceyued,
Þat of hys queyntyse þou art parceyued;
Ne he shal neuer efte haue þat powere,
Of þat synne to tempte þe nere;
For þy wyþstondyng haþ hym rafte,
Of hys temptyng, alle þe crafte.
Blessed ys shryfte with God almyȝt,
For hyt confoundeþ þe deuyl doun ryȝt;
God ȝyue vs grace, þe fende to shende,
And vn-to shryfte oure wyl alle wende.
For hyt confoundeþ þe deuyl doun ryȝt;
God ȝyue vs grace, þe fende to shende,
And vn-to shryfte oure wyl alle wende.
| Handlyng Synne | |