 | The Inholders |  |
HAYLE! fulgent Phebus and fader eternall,
Parfite plasmator and god omnipotent,
Be whos will and power perpetuall,
All thinges hath influence and beyng verament.
To the I giffe louyng and laude right excellent,
And to the sperite also, graunter of all grace,
Whilke by thi woorde and thi warke omnipotent,
I am thi sonne and equale in that case.
O! sapor suauitatis, O! succour and solace,
O life eternall and luffer of chastite,
Whome aungels abowne and þe erthe in his grete space,
And all thinges create loues in mageste.
Remembre fader meke, in thi solempnyte,
The woundes of thi sonne, whilke by thy providence
þou made discende frome thyne equalite
Into the wombe of Marye, be meke obedience.
Of a virgin inviolate for mans iniquyte,
Whilke for his synne stoode mekill fro þi grace,
Be hoole assente of thi solempnite,
Þou made me incarnate, and trulie man I was.
Wherefore too spede me here in this space,
Þou here me fader hertely, I the praye,
As for my moder truely in this case,
Þou here þi sonne, and herk what I shall saye.
515
My moder wombe in erthe sulde putrifye,
Sen her flessh and myne were bothe oone in escence,
I had none othir bot of hir truely.
She is my moder to whome legem adimpleui.
Whilke þou has ordinate as by thi prouidence,
Graunte me thi grace, I the beseke hertely,
As for the tyme of hir meke innocence
In woorde ne dede thoght the neuer to offende,
Sho myght be assumpt, I pray thyn excellence,
Vnto thi troone, and so to be commende,
In bodye and saule euer withoutyn ende
With the to reyne in thyne eternyte,
Fro sorrowe and sadnesse synners to offende.
O flagraunt fader! graunte yt myght so be!
Responcio Patris ad Filium.
O lampe of light! O lumen eternall!
O coequale sonne! O verrey sapience!
O mediator ande meen, and lyfe perpetuall,
In whome of derk clowedes may haue none accidence!
Thoue knawes right wele by thy providence,
I haue commyt my powere generall,
Tibi data potestas ande plenall influence,
Thou ert my sonne. [OMITTED]
| The Inholders | |